އެސްޓީއޯގެ ވެއާހައުސް ސޭލް ފަށައިފި

ބޮޑެތި ޑިސްކައުންޓްތަކާ އެކު އެސްޓީއޯ އިން ކޮންމެ އަހަރަކު ބާއްވާ ވެއާހައުސް ސޭލް މިރޭ ފަށައިފި އެވެ.

އެހެން އަހަރުތަކޭ އެއްފަދައިން މި އަހަރުގެ ސޭލް ވެސް ކުރިއަށް ގެންދަނީ އަމީނީމަގުގައި ހުންނަ އެ ކުންފުނީގެ ސުޕަމާޓުގެ ގުދަނުގަ އެވެ.

މި ފެއާ މިރެއިން ފެށިގެން އަންނަ ހޮނިހިރު ދުވަހުގެ ނިޔަލަށް ކޮންމެ ރެއަކު 8:00 އިން 11:00 އަށް ކުރިއަށް ގެންދާނެ އެވެ.، ހުކުރާއި ހޮނިހިރު ދުވަހު ހަވީރު 4:00 އިން 6:00 އަށް ވެސް ސޭލް ހުޅުވިފައި ހުންނާނެ އެވެ.

އެސްޓީއޯ އިން ވިއްކާ ކަރަންޓު ސާމާނާއި ގޭގައި ހިފައި ގެންގުޅޭ ސާމާނުތަކުން ބޮޑެތި ޑިސްކައުންޓްތައް މި ސޭލް ގައި ލިބޭނެ އެވެ.

ފިލިޕްސް އާއި ހިޓާޗީ އާއި ނިޕޯން އަދި މަކިޓާ ބްރޭންޑްގެ ސާމާނު އެސްޓީއޯ އިން ވިއްކަ އެވެ.

ވެއާހައުސް ސޭލް ކުރިއަށް ގެންދާއިރު އެތަނަށް ޒިޔާރަތް ކުރާ ކޮންމެ މީހަކަށް ކޫޕަނެއް ލިބޭނެ އެވެ. އަދި ކޮންމެ ރެއަކު ހޮވޭ ނަސީބުވެރިންނަށް އަގުހުރި އިނާމުތަކެއް ލިބޭނެ އެވެ.