ބޮލީވުޑްގެ ޚަބަރުތައް ކުރުކޮށް

24 ޖުލައި 2019

ޑޭޓިން އެޕެއްގެ ސަބަބުން ކުރިމަތިވާ ހާދިސާތަކަށް މައްޗަށް ބިނާކޮށް ހަދާ ފިލްމުގެ ބަތަލާގެ ރޯލަށް ކިއާރާ އަދުވާނީ ސޮއިކޮށްފައި ވަނިކޮށް، ފިލްމުގެ ބަތަލުގެ ރޯލަށް އަދިތިޔާ ސީލް ހަމަޖައްސައިފި އެވެ.

އަހުމަދު އަދްޝަން

މެއި މަހު ރިލީޒް ކުރި "ސްޓޫޑަންޓް އޮފް ދި އިޔާ 2" ގެ ރޯލަކުން ވެސް ފެނުނު އެކްޓަރު ވަނީ އޭނާ ފިލްމަށް ސޮއި ކުރިކަން ވެސް ކަށަވަރުކޮށް ދީފަ އެވެ. މިދިޔަ ހަފުތާގެ ތެރޭގައި ރާއްޖޭގައި ޗުއްޓީ ވެސް ހޭދަ ކުރި އަދިތިޔާ ބުނީ އޭނާ އަށް "އިންދޫ ކީ ޖަވާނީ" އިން ކުޅެން ލިބުނީ ވަރަށް ތަފާތު ކެރެކްޓާއެއް ކަމަށެވެ. އަދި އެކަމާ ވަރަށް އުފަލުން ހުރި ކަމަށް "ތުމް ބިން 2" ގެ ވެސް ބަތަލު ބުންޏެވެ.

"އިންދޫ ކީ ޖަވާނީ" އަކީ މަޝްހޫރު ބެންގާލީ ޑައިރެކްޓަރު އަބީރު ސެންގުޕްތާ ޑައިރެކްޓްކުރާ ފުރަތަމަ ހިންދީ ފިލްމެވެ. ފިލްމުގެ ޕްރޮޑިއުސަރަކީ 2003 ގެ "ކަލް ހޯ ނަ ހޯ" ގެނެސް ދިން ޑައިރެކްޓަރު ނިކިލް އަދުވާނީ އެވެ.

View this post on Instagram

A post shared by Aditya Seal (@adityaseal) on Jul 20, 2019 at 2:55am PDT

"އިންދޫ ކީ ޖަވާނީ" ގެ ޝޫޓިން އަންނަ ސެޕްޓެމްބަރު މަހު ފަށަން ވަނީ ނިންމައިފަ އެވެ. މިއީ އަންނަ އަހަރި ބެލުންތެރިންނަށް ގެނެސް ދޭނެ ފިލްމެކެވެ.

އަކްޝޭގެ ރެޕް ލަވައެއް

މި އަހަރުގެ އޮކްޓޯބަރު މަހު ރިލީޒްކުރާ ކޮމެޑީ ފިލްމު "ހައުސްފުލް 4" ގައި އަކްޝޭ ކުމާރުގެ ރެޕް ލަވައެއް ހިމަނަން ނިންމައިފި އެވެ.

And it starts ... #Housefull4 with @akshaykumar @thedeol @Riteishd @kriti_official @kritisanon and Captain @SimplySajidK @foxstarhindi @NGEMovies #RjAlok pic.twitter.com/PhyfNdAdSt
— RJ ALOK (@OYERJALOK) July 9, 2018

ބޮލީވުޑް ހަންގާމާ އިން ބުނި ގޮތުގައި އެ ފިލްމުގެ ޑައިރެކްޓަރު ފަރުހާދު ސަމްޖީގެ އެދުމަކަށް ފިލްމަށް ރެޕް ލަވައެއް ރެކޯޑް ކުރަން އަކްޝޭ ނިންމީ އެ ލަވައިގެ މިއުޒިކް ވެސް ކަމުދިޔަލެއް ބޮޑުކަމުންނެވެ. އަދި ފަހަރުގައި މި ލަވައަކީ އަކްޝޭގެ ސޯލޯ ނުވަތަ ލަވަކިޔުންތެރިޔާ މިކާ ސިންގްއާ ހިއްސާވާ ގޮތަށް ގެނެސްދޭ ލަވައަކަށް ވެދާނެ ކަމަށް އެ ނޫހުން ބުންޏެވެ.

އޮކްޓޯބަރު 25 ގައި ރިލީޒް ކުރާ "ހައުސްފުލް 4" ގެ ކާސްޓުންގެ ތެރޭގައި ކްރިތީ ސެނަން، ބޮބީ ޑިއޯލް، ކްރިތީ ކަރްބަންދާ، ރިތޭޝް ދޭޝްމުކް، ޕޫޖާ ހެގްޅޭ އަދި ރާބާ ދަގޫބަތީ ހިމެނެ އެވެ.

އަކްޝޭ މިހާރު އަންނަނީ އަންނަ މަހުގެ 15 ގައި ރިލީޒް ކުރާ "މިޝަން މަންގަލް" ޕްރޮމޯޓް ކުރަމުންނެވެ.

"ސާހޯ" ގެ އާ ޕޯސްޓަރެއް

ރިލީޒްކުރާ ތާރީހު މިހާރު ފަސްކޮށްފައިވާ މި އަހަރުގެ އެންމެ އުންމީދީ އެއް ފިލްމުގެ ތެރޭގައި ހިމެނޭ "ސާހޯ" ގެ އާ ޕޯސްޓަރެއް ފިލްމު ނެރޭ ހުރިހާ ބަހަކުން ދައްކާލައިފި އެވެ.

Buckle up! We're coming to you on 30th Aug. #Saaho releasing worldwide on 30.08.2019! #30thAugWithSaaho #Prabhas @ShraddhaKapoor @NeilNMukesh @arunvijayno1 @sujeethsign @UV_Creations @itsBhushanKumar @TSeries pic.twitter.com/vl9NEwSlGc
— Saaho (@SaahoOfficial) July 23, 2019

އަންނަ މަހުގެ 15 އިން މިހާރު އަންނަ މަހުގެ 30 އަށް ފަސްކުރި ފިލްމުން މި ފަހަރު ދައްކައިލީ ލީޑް ދެ ތަރިންނާ އެކު ލޯބީގެ ޕޯސްޓަރެކެވެ. އޭގައި ފެންނަނީ ޕްރަބާސް އާއި ޝްރަދާ ކަޕޫރެވެ.

ސުޖީތު ޑައިރެކްޓްކޮށްފައިވާ އެކްޝަބް ތުރިލާ "ސާހޯ" އަކީ ބޮލީވުޑާއި ސައުތުގެ ތަރިންތަކެއްގެ މަސްހުނި ކާސްޓަކާ އެކު ގެނެސްދޭ ފިލްމެކެވެ. އެގޮތުން ޖެކީ ޝްރޮފް، ނީލް ނިތިން މުކޭޝް، މަންދިރާ ބޭދީ، ޗަންކީ ޕާންޑޭ އަަދި އެވެލީން ޝަރުމާ ފަދަ ތަރިން ފިލްމުން ފެނިގެން ދާނެ އެވެ.

"ސުޕަ 30" އަށް 100 ކްރޯޑް

މި މަހުގެ 12 ވަނަ ދުވަހު ރިލީޒް ކުރި ރިތިކް ރޯޝަންގެ ފިލްމު "ސުޕަ 30" ވެސް 100 ކްރޯޑް ރުޕީސްގެ އާމްދަނީއެއް ހޯދައިފި އެވެ.

#Super30 crosses ₹ ? cr... Grabs a major chunk of market share, despite local and #Hollywood movies proving tough competitors... Biz multiplied rapidly on [second] Sat and Sun... [Week 2] Fri 4.52 cr, Sat 8.53 cr, Sun 11.68 cr. Total: ₹ 100.58 cr. India biz.
— taran adarsh (@taran_adarsh) July 22, 2019

އިންޑިއާގެ ހިސާބު އިލްމުވެރިޔާ އާނަންދު ކުމާރުގެ ވާހަކަ ކިޔައިދޭ ފިލްމު އިންޑިއާ އިން 100 ކްރޯޑް ރުޕީސް (14 މިލިއަން ޑޮލަރު) ގެ އާމްދަނީއެއް ހަމަކުރީ އާދީއްތަ ދުވަހު އެވެ.

ފިލްމަށް އިންޑިއާ އާއި އެ ގައުމުން ބޭރުގެ މާކެޓްތަކުން ލިބުނު ޖުމްލަ އާމްދަނީ މިހާރު ވަނީ 147.89 ކްރޯޑް ރުޕީސް (21 މިލިއަން) ޑޮލަރަށް އަރައިފަ އެވެ. "ސުޕަ 30" ހަދާފައި ވަނީ 115 ކްރޯޑް ރުޕީސް (17 މިލިއަން ޑޮލަރު) ގެ ބަޖެޓަކުންނެވެ.

ރިތިކާ އެކު މި ފިލްމުގައި ބަތަލާގެ ރޯލް ކުޅެފައި ވަނީ މުރުނާލް ތާކޫރެވެ.

Comments