ޕެޑުން ނަގާ ޓެކްސް ޖަރުމަނުން އުވާލައިފި

10 ނޮވެމްބަރ 2019

އަންހެނުންގެ މައްސަރު މައްސަލަތަކަށް ބޭނުންކުރާ ސެނިޓަރީ އުފެއްދުންތައް "ލަގްޒަރީ" އައިޓަމްތަކެއްގެ ގޮތުގައި ހިމަނާފައި އޮތް އޮތުން ބާތިލުކޮށް، އެފަދަ ބާވަތްތަކުން ނަގަމުން ދިޔަ ޓެކްސް އަންނަ އަހަރުން ފެށިގެން ނުނަގަން ޖަރުމަނުން ބުރާސްފަތި ނިންމައިފި އެވެ.

އަހުމަދު އަދްޝަން

މީޑިއާތަކުން ރިޕޯޓްކޮށްފައިވާ ގޮތުގައި ޖަރުމަނަކީ އީޔޫގެ ގައުމުތަކުގެ ތެރެއިން ސެނަޓަރީ އުފެއްދުންތަކުން އެންމެ ބޮޑު ޓެކްސްއެއް ނަގާ ގައުމުތަކުގެ ތެރޭގައި ހިމެނޭ ގައުމެކެވެ. އެގޮތުން ޕެޑްގެ ބާވަތްތަކުން 19 ޕަސެންޓުގެ ޑިއުޓީއެއް ނަގާއިރު، މާމެލާމެއްޔާއި ފޮތުން ނަގާ ޓެކްސް އެއަށް ވުރެ ނިސްބަތުން ކުޑަ އެވެ.

ސެނިޓަރީ ބާވަތްތަކުން އެންމެ ބޮޑަށް ޓެކްސް ނަގާ އީޔޫގެ 28 ގައުމުގެ ލިސްޓްގައި ޖަރުމަން އޮތީ 11 ވަނައިގަ އެވެ.

We made it: Germany will stop taxing menstrual products by 2020. I am crying ?@jweisswolf @nadyaokamoto
— Nanna-Josephine Roloff (@njroloff) November 7, 2019

ޓެކްސް އުވާލާފައި މި ވަނީ މިކަމާ ދެކޮޅަށް ޖަރުމަނުގައި ބޮޑެތި ކެމްޕޭންތަކެއް ހިންގައި، ޓެކްސް އުވައިލަން 200،000 އަށް ވުރެ ގިނަ މީހުންގެ ސޮޔާ އެޖު އެ ގައުމުގެ ގާނޫނު ހަދާ މަޖިލީހަށް ޕެޓިޝަނެއް ވެސް ހުށަހަޅާފައި ވަނިކޮށެވެ.

The German parliament just reduced the #tampontax.

Menstrual products were long taxed at a higher rate in Germany than many other everyday necessities. Even goldfish and cut flowers benefitted from a lower VAT.

Read more: https://t.co/p4oGzsSzP7 pic.twitter.com/towi1qMVtM
— DW Politics (@dw_politics) November 7, 2019

އަންހެނުންގެ ސިއްހަތާ ގުޅުން ހުރި ޒަރޫރީ އުފެއްދުންތަކަކުން ޓެކްސް ނަގާތީ ވަރަށް ގިނަ ބަޔަކު މިހާތަނަށް އެކަމާ ކަންބޮޑުވުންފާޅުކޮށް، ސަރުކާރަށް ވަރަށް ބޮޑަށް ފާޑު ވެސް ކިޔާފައިވެ އެވެ. އަދި މިކަމަށް މަސައްކަތްކުރި ބައެއް އެކްޓިވިސްޓުން ވަނީ ސެނިޓަރީ އުފެއްދުންތަކުން ނަގާ ޓެކްސް ބޮޑުކަމުން ފޮތުގެ ތެރެއަށް އުފެއްދުންތައް ލައިގެން ވިއްކަން ވެސް މަސައްކަތްކޮށްފަ އެވެ. ސަބަބަކީ ސެނިޓަރީ އުފެއްދުންތަކުން ނަގާ ޓެކްސް އަށް ވުރެ ފޮތުން ނަގާ ޓެކްސް ކުޑަވުމެވެ.

Great news for #homelessness #charities including @simonotstreets as funds from the #tampontax is set to support homeless females https://t.co/hRrLXx7kkS
— MacComms (@MacCommsYorks) November 8, 2019

ނަމަވެސް "ލަގްޒަރީ" ޓެކްސް އުވައިލުމުން ގިނަ ބަޔަކު އެކަމަށް މަރުހަބާ ކިޔާފައިވެ އެވެ.

ގާނޫނު ހަދާ މަޖިލީހުން ބުނީ ކުރިން ނަގަމުން ދިޔަ ޓެކްސް އުވައިލި ނަމަވެސް ޖެނުއަރީ 1، 2020 އިން ފެށިގެން އަންހެނުންގެ ސެނިޓަރީ އުފެއްދުންތަކުން 7 ޕަސެންޓްގެ ވެލިއު-އެޑެޑް ޓެކްސް (ވެޓް) ނަގާނެ ކަމަށެވެ.

Great news from Germany!
7% is a lot better than 19%.

Now we need the EU to change the laws so tampons and pads can have 0% sales tax. #Germany #Tamponsteuer #tampontax #pinktax #EUtax https://t.co/ZqZZVuuhYE
— MAFamatics (@MAFamatic) November 8, 2019

ޔޫރަޕްގެ ގައުމުތަކުގެ ތެރެއިން ސެނިޓަރީ އުފެއްދުންތަކުން މި ވަގުތު އެންމެ ބޮޑު ޓެކްހެއް ނަގަނީ ހަންގޭރީންނެވެ. އެއީ 27 ޕަސަންޓެވެ. ޑެންމާކާއި ކްރޮއޭޝިއާ އަދި ސްވިޑްން ފަދަ ގައުމުތަކުން 25 ޕަސަންޓްގެ ޓެކްހެއް ނަގަ އެވެ.

މި އަހަރުގެ މާޗް މަހުން ފެށިގެން އިނގިރޭސިވިލާތުން އަންނަނީ އެ ގައުމުގެ ހުރިހާ ސާނަވީ ސްކޫލްތާއި ކޮލެޖްތަކުގެ ދަރިވަރުންނަށް ހިލޭ ޕެޑް ފޯރުކޮށް ދެމުންނެވެ.

Comments