ޓީޗަރު މައްސަލަ ފެންމަތިވީ 2017ގައި، ފިޔަވަޅުއެޅިން

ޓީޗަރުގެ މައްސަލަ ފެންމަތިވީ 2017ގައި، އޭރު ފިޔަވަޅު އެޅިން: ސީއެޗްއެސްއީ

26 ނޮވެމްބަރ 2019

އިސްލާމް ޓީޗަރާ ގުޅޭ މައްސަލަ ފެންމަތިވީ 2017 ވަނަ އަހަރު ކަމަށާއި އެޑިއުކޭޝަން މިނިސްޓްރީގެ އެންގުމާ އެއްގޮތަށް އޭރު ފިޔަވަޅު އަޅާފައިވާނެ ކަމަށް ސީއެޗްއެސްއީ އިން މިއަދު ބުނެފި އެވެ.

އާސިމާ ނިޒާރު

އެ ސްކޫލްގެ ޕްރިންސިޕަލް އައިޝަތު ސޮފޫރާ ވިދާޅުވީ ހަސަން ޒަރީރާ ގުޅޭގޮތުން ދަރިވަރުންގެ ފަރާތުން ޝަކުވާ ލިބުމުން އެކަން އެޑިއުކޭޝަންގެ ސަމާލުކަމަށް ވަގުތުން ގެނައި ކަމަށެވެ. އެއާއެކު މިނިސްޓްރީގެ ލަފައާ އެއްގޮތަށް، އެ ބެޗްގެ ދަރިވަރުންނަށް ކިޔަވައިދޭން ނުފޮނުވާ ކަމަށް ވިދާޅުވި އެވެ.

ދަރިވަރުންތަކަކަށް އިންޒާރު ދިން މައްސަލާގައި ސީއެޗްއެސްއީން ވަނީ އެ ދަރިވަރުންގެ ބަޔާން ނަގައި މިނިސްޓްރީއާ ހިއްސާކޮށްފަ އެވެ.

ސޮފޫރާ ވިދާޅުވީ ޓީޗަރަކާ ގުޅޭގޮތުން ކިތަންމެ ކުޑަ ކަމެއްގައި ޝަކުވާ ކުރި ނަމަވެސް އެކަމެއް ސްކޫލެއް ބަލާފައިވާނެ ކަމަށެވެ. ދަރިވަރުން ހިތްހަމަނުޖެހޭ ޓީޗަރަކު، އެ ދަރިވަރުންނަށް ކިޔަވައިދޭން ނުފޮނުވޭނެ ކަމަށް އޭނާ ވިދާޅުވި އެވެ.

Dharivarun mi case 2017 gai alhugandu mennaa hama ah genai vaguthun feshigen e teacher class thakah nufonuvaa, MOE ah angaa MOE ge lafaage mathin mi massala balaa hurihaa dharivarun ge bayan thah MOE aa hissaa kurevi MOE in decision nangavaafaivaa case eh miee. https://t.co/pxgwa6adMa
— CHSE (@CHSE_HighSchool) November 25, 2019

"މީގެ ކުރިން ވެސް ހުންނާނެ އެކި މައްސަލަތަކުގައި ޓީޗަރުންނާ ދެކޮޅަށް ފިޔަވަޅު އަޅާފައި. މިފަދަ މައްސަލަތަކުގައި ގެންގުޅޭނީ ޒީރޯ ޓޮލެރެންސް،" ސޮފޫރާ ވިދާޅުވި އެވެ.

އެ ޓީޗަރާ ގުޅޭ މައްސަލަ ސޯޝަލް މީޑިއާގައި ފެންމަތިވުމާއެކު، އެޑިއުކޭޝަން މިނިސްޓްރީން ރޭ ނެރުނު ބަޔާނެއްގައި ބުނީ ހަސަން ޒަރީރާ ގުޅޭ މައްސަލަ ސީރިއަސް މައްސަލައެއްގެ ގޮތުގައި ބަލަމުން ދާ ކަމަށެވެ. ކްލާސް ރޫމަކީ ދަރިވަރުންނަށް ރައްކާތެރި މާހައުލަކަށް ހެދުމަށް މިނިސްޓްރީން އަބަދު ވެސް އިސްކަން ދޭނެ ކަމަށް ބުންޏެވެ.

Comments