ކޮވިޑާ ދެކޮޅަށް ރާއްޖެ-ޗައިނާ މަޝްވަރާކޮށްފި

ކޮވިޑްގެ ބަލިމަޑުކަމުން އަރައިގަތުމަށް އެކުގައި މަސައްކަތްކުރަން ރާއްޖެއިން ޗައިނާއާ މަޝްވަރާކޮށްފި

24 މެއި 2020

ކޮވިޑް-19ގެ ބަލިމަޑުކަމުން އަރައިގަތުމަށް ގުޅިގެން މަސައްކަތްކުރުމަށާއި އެ މަސައްކަތްކުރާނެ އޮނިގަނޑެއް ރޭވުމާ ބެހޭ ގޮތުން ފޮރިން މިނިސްޓަރު އަބްދުﷲ ޝާހިދާއި ރާއްްޖޭގައި ހުންނަވާ ޗައިނާ ސަފީރު ޖަންގް ލޮޖޮންގް މަޝްވަރާކުރައްވައިފިއެވެ.

މުހައްމަދު ނަސީމް

ފޮރިން މިނިސްޓްރީން މިއަދު ބުނީ ވީޑިއޯ ކޮންފަރެންސް މެދުވެރިކޮށް ޝާހިދާއި ޖަންގް ކުރެއްވި މަޝްވަރާތަކުގައި ދެ ގައުމު ގުޅިގެން މިހާރު ކުރާ މަސައްކަތްތަކާ ބެހޭ ގޮތުންނާއި ޗައިނާއިން ރާއްޖޭގައި ހިންގަމުންދާ މަޝްރޫއުތަކާ ބެހޭ ގޮތުން މަޝްވަރާކުރެއްވި ކަމަށެވެ. ކުރިއަށް ރާވާފައިވާ ހުރި ބައެއް މަސައްކަތްތަކާ ބެހޭ ގޮތުންވެސް އެ ދެ ބޭފުޅުން މަޝްވަރާކުރެއްވިއެވެ.

Pleasure to hold extensive discussions with @AmbassadorZhang of China today. We covered broad range of issue of mutual interest. #Maldives is strong supporter of #China’s territorial integrity. He assured me of China’s interest in working with #Maldives Govt on #Covid-19 recovery pic.twitter.com/4ladh2c5UL
— Abdulla Shahid (@abdulla_shahid) May 23, 2020

ބައްދަލުވުމުގައި ޖަންގް ވިދާޅުވީ ކޮވިޑް-19 އިން އަރައިގަތުމަށް ދިވެހިރާއްޖެ އިން ކުރަމުން އަންނަ މަސައްކަތުގައި އެހީތެރިކަން ފޯރުކޮށްދޭން ޗައިނާ ޝައުގުވެރިވާ ކަމަށެވެ.

ބައްދަލުވުމަށް ފަހު ކުރެއްވި ޓްވީޓެއްގައި ޝާހިދު ވިދާޅުވީ ދެ ގައުމުގެ މަސްލަހަތު ހިމެނޭ ގިނަ ކަންތައްތަކާ މެދު އެ ބައްދަލުވުމުގައި މަޝްވާ ކުރި ކަމަށެވެ. ރާއްޖެއަކީ ޗައިނާގެ ސަރަހައްދީ ސިޔާދަތަށް އަބަދުވެސް ވަރުގަދަ އަށް ތާއީދުކުރާ ގައުމެއް ކަމަށް ވެސް އޭނާ ވިދާޅުވި އެވެ.

Had a constructive and informative discussion with Hon. Minister @abdulla_shahid on extensive areas of both current and future cooperation. Through this time, the friendly relationship has surely come out stronger with enhanced mutual trust, mutual support and understanding. https://t.co/aAa435kfl0 pic.twitter.com/MZgp40zbAB
— Amb. Zhang Lizhong (@AmbassadorZhang) May 23, 2020

ފޮރިން މިނިސްޓްރީން ބުނި ގޮތުގައި އެ މިނިސްްޓްރީގެ ސްޓޭޓް މިނިސްޓަރު އަހުމަދު ޚަލީލާއި ފޮރިން ސެކްރެޓަރީ އަބްދުލްޣަފޫރު މުހައްމަދާއި ސެކްރެޓަރީ މަލްޓިލޭޓަރަލް ޑރ. އަލީ ނަސީރު މުހައްމަދު ވެސް އެ ބައްދަލުވުމުގައި ބައިވެރިވެވަޑައިގެންނެވި އެވެ، އޭގެ އިތުރުން ޖޮއިންޓް ސެކްރެޓަރީ މަރިޔަމް ސީނާ އަދި ފޮރިން މިނިސްޓްރީއާއި ޗައިނާ އެމްބަސީގެ އިސް އެހެން ބައެއް ބޭފުޅުން ވެސް އެ ބައްދަލުވުމުގައި ބައިވެރިވެވަޑައިގަތެވެ.

ރާއްޖޭން ކޮވިޑް-19 އާ ދެކޮޅަށް ކުރާ މަސައްކަތަށް އެހީވުމަށް ޗައިނާ އިން ބޮޑެތި އެހީތަކެއް ވަނީ ދީފަ އެވެ. އަދި ބަލި ޖެހޭ މީހުން އެކަހެރިކޮށްފައި ބައިތިއްބަން ކަރަންޓީން ފެސިލިޓީއެއް ވެސް ޗައިނާގެ ކުންފުނިތަކެއްގެ އެހީއާ އެކު ވަނީ ހަދައިދީފަ އެވެ.

Comments