ޖައްވީ ޓޫރިޒަމަށް ބޭނުންކުރާނެ އުޅަނދު ދައްކާލައިފި

ޖައްވީ ޓޫރިޒަމަށް ވާޖިން ގެލޭކްޓިކުން ބޭނުންކުރާނެ އުޅަނދުގެ އެތެރެ ދައްކާލައިފި

30 ޖުލައި 2020

ޖައްވީ ޓޫރިސްޓް ދަތުރުތަކަށް ހާއްސަކޮށްގެން އިނގިރޭސިވިލާތުގެ ވާޖިން ގްރޫޕްގެ ދަށުން ހިންގާ ވާޖިން ގެލޭކްޓިކުން ބަންނަ އުޅަނދުފަހަރުގެ އެތެރެ ހުންނާނެ ގޮތް އެ ކުންފުނިން ދައްކާލައިފި އެވެ.

އަހުމަދު އަދްޝަން

މަހުޖަނު ރިޗަޑް ބްރޭންޒަންގެ ކުންފުނިން ކުރިއަށް ގެންދާ މި މަޝްރޫއުގެ ދަށުން ބަންނަ ޖައްވީ އުޅަނދަށް ދީފައިވާ ނަމަކީ "ވީއެސްއެސް ޔުނިޓީ" އެވެ.

ވާޖިން ގެލޭކްޓިކް ބުނިގޮތުގައި ޓޫރިސްޓުންގެ ގޮތުގައި ޖައްވަށް މީހުން އުފުލާނެ އުޅަނދު ފަރުމާކޮށްފައި ވަނީ އާންމުކޮށް ވައިގެ ދަތުރުތަކަށް ބޭނުން ކުރާ އުޅަނދު ފަހަރުގައި ބޭނުންކޮށްފައި ހުންނަ ޓެކްނޮލޮޖީތަކުގެ ތެރެއަށް އެންމެ މި ޒަމާނުގެ ޓެކްނޮލޮޖީ ވެސް ހިމަނައިގެން ދަތުރުވެރިންނަށް ރައްކާތެރިކަން ލިބޭނެ ހުރިހާ ކަމަކަށް ބަލައިގެންނެވެ. އެހެންވެ "ވީއެސްއެސް ޔުނިޓީ" އަކީ ހުރިހާ ގޮތަކުން ފަސޭހަވެފައި އަރާމު އެއްޗަކަށްވާނެ ކަމަށް ބުންޏެވެ.

Providing safety without distraction, quietly absorbing periods of sensory intensity, and offering each astronaut a level of intimacy required for personal discovery and transformation. Take a look at the interior design of our spaceship cabin. https://t.co/mHy1c3JWUB pic.twitter.com/CQfDjTCZg3
— Virgin Galactic (@virgingalactic) July 28, 2020

ވާޖިން ގެލޭކްޓިކުން ބުނީ މި އުޅަނދުފަހަރުގެ ސީޓްތައް ވެސް ހުންނާނީ ދަތުރުވެރިންގެ ހަށިގަނޑު ކޮންމެ އެންގަލުން ވެސް ވަރަށް ރަނގަޅަށް ބެލެންސްކޮށްދޭ ގޮތަށެވެ. އަދި ބޭރު ވެސް ފަސޭހައިން ބަލައިލެވޭނެ ގޮތްތައް ވަރަށް ފުރިހަމަކޮށް ހުންނާނެ ކަމަށް ބުންޏެވެ. އެގޮތުން ބޭރު ބަލައިލަން ހާއްސަ 12 ކެބިން ވިންޑޯ އާއި ބޭރުގެ މަންޒަރުތައް ކެޕްޗާކުރަން 16 ކެމެރާ ވެސް އުޅަނދުގައި ހުންނާނެ އެވެ.

Each individually designed seat has been engineered to match the dynamism of the flight. A pilot-controlled recline mechanism optimally positions astronauts to manage G-forces on boost and re-entry and frees up cabin space to maximize an unrestricted float zone when in zero G. pic.twitter.com/HOhW6AIvjR
— Virgin Galactic (@virgingalactic) July 28, 2020

"އުޅަނދުގެ ތެރޭގައި ވަރަށް ފަސޭހޮށް އުޅެވޭނެ ގޮތްތައް ބަލައިގެން މި ފަރުމާކޮށްފައި ހުންނާނީ،" ގެލޭކްޓިކުން ބުންޏެވެ.

ޖައްވީ ޓޫރިޒަމަށް ވާޖިން ގެލޭކްޓިކުން ތައްޔާރުވަމުން އަންނަތާ ދުވަސްތަކެއްވެފައިވާ އިރު، މިދިޔަ އަހަރުގެ އޮކްޓޯބަރު މަހުގެ ތެރޭގައި ވަނީ ދަތުރުތަކުގައި ޕެސެންޖަރުން ބޭނުންކުރާނެ ސޫޓް ވެސް ދައްކާލައިފަ އެވެ.

ވާޖިން ގެލޭޓިކުން ކުރިން ބުނެފައިވާ ގޮތުގައި މި އަހަރުގެ ތެރޭގައި ސްޕޭސް ޓޫރިޒަމް ޕްރޮގްރާމް ފެށޭނެ ކަމަށް ބެލެވެ އެވެ. ޖައްވީ ދަތުރަކަށް ޓޫރިސްޓުންގެ އަތުން ފީއަކަށް ނަގަން ހަމަޖެހިފައި ވަނީ 250،000 ޑޮލަރު (385،0000ރ.) އެވެ.

ވާޖިން ގެލޭކްޓިކުން ބުނީ މިހާރު ވެސް 600 އެއްހާ މީހުން ދަރުތުރަކަށް ޝައުގުވެރިކަން ފާޅުކޮށްފައިވާ ކަމަށެވެ. ނަމަވެސް ޖައްވީ ދަތުރަކަށް ނުކުމެވޭނީ ވަރަށް ގިނަ ޓްރޭނިންތަކެއް ގިނަ ދުވަސްތަކެއް ވަންދެން ހެދުމަށް ފަހު އެވެ. މިކަން ވާޖިން ގެލޭކްޓިކުން ސިފަކުރަނީ "ފިއުޗާ އެސްޓްރޮނޯޓުން" އުފެއްދުމުގެ ގޮތުގަ އެވެ.