20 ސެޕްޓެމްބަރ 2020
އަފްޣާނިސްތާނުގެ އައިޑީކާޑުތަކުގައި ހިމަނާ ވަނަވަރުގެ ތެރޭގައި މައިންގެ ނަން ނުހިމަނާ މައްސަލައާ ދެކޮޅަށް ކެމްޕޭންކުރާތާ ތިން އަހަރެއްހާ ދުވަސް ފަހުން އެ ފުރުސަތު ދޭން ނިންމައިފި އެވެ.
އަހުމަދު އަދްޝަން
އަފްޣާނިސްތާނުގެ އައިޑީކާޑުތަކުގައި ހިމަނާ ވަނަވަރުގެ ތެރޭގައި މައިންގެ ނަން ނުހިމަނާ މައްސަލައާ ދެކޮޅަށް ކެމްޕޭންކުރާތާ ތިން އަހަރެއްހާ ދުވަސް ފަހުން އެ ފުރުސަތު ދޭން ނިންމައިފި އެވެ.
އެކަމަށް ރަސްމީކޮށް އަމަލުކުރަން ފަށަން ނިންމައި ރައީސް އަޝްރަފް ޣަނީ ވަނީ އައިޑީކާޑުގެ ގާނޫނަށް ގެނައި އިސްލާހުގައި ބުރާސް ދުވަހު ސޮއި ކުރައްވައިފަ އެވެ. އޭނާ ވިދާޅުވީ މި ބަދަލު ވެގެންދާނީ އަފްޣާން އަންހެނުންނަށް މުހިއްމު ހައްގެއް ލިބުމަށާއި މިއީ އަންހެނުން ބާރުވެރިކުރަން ކުރާ މަސައްކަތްތަކަށް ވެސް ލިބޭ ކުރިއެރުމެއް ކަމަށެވެ.
ދެ ޖިންސްގެ މެދުގައި ބޮޑެތި ތަފާތުކުރުންތަކެއް ގެންގުޅޭ އަދި ވަރަށް ގިނަ އަސާސީ ހައްގުތަކުން ވެސް މަހުރޫމްވެފައިވާ އަފްޢާންގެ އަންހެނުންނަށް އެ މީހުންގެ ދަރިންގެ އައިޑީކާޑްގައި މަންމަގެ ނަން ނުހިމަނާތީ އެކަމާ ދެކޮޅަށް މީގެ ތިން އަހަރު #ވެއާއިޒްމައިނޭމްގެ ނަމުގައި ފެށި ކެމްޕޭނަށް ގައުމުތަކުގެ ގާނޫނު ހަދާ މަޖިލީހުގެ މެމްބަރުންނާއި ވަރަށް ނުފޫޒު ގަދަ ސެލެބްރިޓީންގެ ތާއީދު ވެސް ލިބިފައިވެ އެވެ.
Today, president @ashrafghani signed the inclusion of the mother's name in Afghanistan's National ID. From now on, there will be a place in National IDs for the mother's name. This is a huge victory for Afghan women and more significantly to #WhereIsMyName family. #History
— #نامم_کجاست؟ #WhereIsMyName (@Whereismyname12) September 17, 2020
އަފްޣާނުގައި މިހާތަނަށް އައިޑީ ކާޑު ހަދައިދެނީ ދަރިންގެ މައިންގެ ނަން ނުހިމަނައި ބައްޕަގެ ނަން ހިމެނޭ ގޮތަށެވެ. އަދި އާންމު ލިޔެކިޔުންތަކުގައި އަންހެނުންގެ ނަން ބޭނުން ކުރުން އޮންނަނީ ވެސް މަނާކޮށްފަ އެވެ.
After years of campaigning, Afghan citizens will soon have their mothers’ names printed along with their fathers’ on their ID cards.
— UN Women (@UN_Women) September 11, 2020
This is a step in normalizing women’s public presence in Afghanistan where it remains taboo.#WhereIsMyName via @nytimes https://t.co/ODgj0CVYU1
#ވެއާއިޒްމައިނޭމް ކެމްޕޭނުގެ ބާނީ ލާލޭ އޮސްމާނީ ވަނީ އައިޑީކާޑްގައި މައިންގެ ނަން ހިމަނަން ނިންމުމާ ގުޅިގެން އެކަމަށް މަރުހަބާ ވެސް ކިޔައިފަ އެވެ.
"ހަމަ ޔަގީނުން ވެސް މިއީ ވަރަށް ބޮޑު ކާމިޔާބީއެއް. އަދި މިއީ އަހަރެމެން ފެށި ކެމްޕޭންގެ ނަތީޖާ،" އޭނާ ވިދާޅުވި އެވެ. "ގާނޫނަށް ގެނައި އިސްލާހަކުން މައިންގެ ނަން އައިޑީކާޑުގައި ހިމަނަން ސަރުކާރުން ނިންމުމަކީ އަންހެނުންގެ ހައްގުތަކަށް ލިބުނު ތާރީހީ ކުރިއެރުމެއް. މިކަމަށް އެހީވެދިން ދެ ޖިންސްގެ މީހުންނަށް ޝުކުރު ވެސް އަދާކުރަން."
މިކަމާ ގުޅިގެން ޣަފްއާނިސްތާންގެ ގާނޫނު ހަދާ މަޖިލީހުގެ މެމްބަރެއް ކަމަށްވާ މަރިޔަމް ސަމާ ވެސް ވިދާޅުވީ ވަރުބަލި ކަމެއް ނެތި ކުރިއަށް ގެންދިޔަ #ވެއާއިޒްމައިނޭމް ކެމްޕޭމް ކާމިޔާބުވެއްޖެ ކަމަށެވެ.
"މިއީ އެތައް ބަޔަކު ކުރި ބުރަ މަސައްކަތުގެ ނަތީޖާ،" އޭނާ ވިދާޅުވި އެވެ.
އަފްޣާނިސްތާންގެ ނިންމުމާ ގުޅިގެން އދ. ގެ އަންހެނުންނާ ބެހޭ ޖަމާއަތުން ވެސް ވަނީ މަރުހަބާ ކިޔައިފަ އެވެ.
އެހީ ދިނުމުގައި އަންހެނުން ބައިވެރިކުރަން ހުއްދަ ދެނީ
ރާއްޖެއިން އަފްޣާނަށް ވެވޭނެ އެހީތައް ބަލަންޖެހޭ: އީވާ
އީސަގެ ތަހުގީގު ނިމި، ދައުވާކުރަން ފޮނުވަނީ
ހަމަހަމަކަމާއި ހައްގުތަކާ ދެކޮޅަށް ހަރުކަށި ފިކުރު
މިނިސްޓަރު އަޒުމެއްގައި: އިންސާފުގެ ދޮރު ހުޅުވޭނެ
ޒިންމާ އަދާނުކުރެއޭ ބުނުމުން ފުލުހުން ކަންބޮޑުވެއްޖެ
ނިޒާމު އޮތީ ފެއިލްވެފައި، އުފުލާ އަޑުތައް އިވޭ:އައިޝާ
ގޯނާގެ މައްސަލައާއެކު ޝިދާތާ އިހުސާސްތައް ބޭރުކޮށްލައިފި
ތުއްތު ދަރިފުޅާ އެކު އޮފީހުގައި އުޅެވެން ޖެހޭ: ރައީސް
ސާބިތު ޚަރަދު ނުދޭ މީހުންގެ މައުލޫމާތު އާންމުކުރަނީ
