ސިސަލީ ޓައިޒަން 96 އަހަރުގައި ވެސް ޒުވާން!

24 ޑިސެމްބަރ 2020

އުމުރަކީ ނަމްބަރެކޭ ބުނަނީ ސިސަލީ ޓައިޒަން ފަދަ މީހުން ދައްކާ ހިތްވަރުންނެވެ. ހޮލީވުޑްގެ މި ބަތަލާގެ 96 ވަނަ އުފަން ދުވަސް ފާހަގަކުރީ މި މަހުގެ 19 ގަ އެވެ. ގަރުނެއްވާން ކައިރި އިރު ވެސް ސިސަލީގެ މަސައްކަތަކާއި މަސައްކަތުގެ ޖޯޝާއި ފޯރިއަކަށް ވެސް ބަދަލެއް ނާދެ އެވެ. އޭނާ އަދިވެސް ވަރަށް ޒުވާނެވެ. ސިސަލީ އަކީ ހޮލީވުޑްގައި މަސައްކަތްކުރާ ވަރަށް ގިނަ ކަޅު ނަސްލުގެ ފަންނާނުން ނަމޫނާއަކަށް ބަލާ ތަރިއެކެވެ.

އަހުމަދު އަދްޝަން

އެ އިންޑަސްޓްރީގައި މަސައްކަތްކުރާ ކަޅު ނަސްލުގެ ތަރިންގެ ތެރެއިން ސިސަލީ އަކީ ކާމިޔާބު ދިގު ކެރިއަރެއްގެ ތެރޭގައި ހުރި އެތައް ބަޔަކަށް ހިތްވަރެކެވެ. ހާއްސަކޮށް، ނަސްލީ ތަފާތުކުރުންތައް ބޮޑު ހޮލީވުޑްގައި ކަޅު ނަސްލުގެ ފަންނާނުންނަށް ކުރިއަށް ދިއުމަކީ މާ ފަސޭހަ ކަމެއް ވެސް ނޫނެވެ.

އެ ބަހުސަކީ އަދިވެސް ހޮލީވުޑްގައި އެންމެ ހޫނުކޮށް ވާހަކަ ދެކެވޭ އެއް މައްސަލަ އެވެ. މަޑުމަޑުން މަންޒަރު މިހާރު ބަދަލުވަމުން އަންނަ އިރު ސިސަލީގެ ފަރާތުން ހިތްވަރު ލިބިގަންނާނެ އެތައް ފަންނާނުންނެއް ތިބޭނެ އެވެ.

There are certain people that come into this world and their lifeforce creates a powerful inspiring explosion. We get the overflow!! I thank God for creating this beautiful, courageous and bold being 96 years ago. Love you Ms. @IAmCicelyTyson!! Happy birthday ????????? pic.twitter.com/ugOEdF9qO3
— Viola Davis (@violadavis) December 19, 2020

ނިއު ޔޯކަށް އުފަން އެ ބަތަލާ ވަނީ މިހާތަނަށް އެތައް ފިލްމަކާއި ޓީވީ ސިލްސިލާތަކެއްގައި މަސައްކަތްކޮށްފަ އެވެ. ސިސަލީގެ ފާހަގަކޮށްލެވޭ ބައެއް ފިލްމުތަކުގެ ތެރޭގައި ސައުންޑާ (1972) އާއި ދި އޮޓޯބައޮގްރަފީ އޮފް މިސް ޖޭން ޕިޓްމަން (1974)، އޯލްޑެސްޓް ލިވިން ކޮންފެޑެރޭޓް ވިޑޯ ޓެލްސް އޯލް (1994)، ޑައިރީ އޮފް އަ މޭޑް ބްލެކް ވުމަން (2005) އަދި ދަ ހެލްޕް (2011) ހިމެނެ އެވެ.

Another year in your truly magnificent life. You are a glorious gift. I love you, adore you and celebrate you today and everyday, @IAmCicelyTyson. Happy birthday, Your Majesty! pic.twitter.com/ztNfTynIB0
— Ava DuVernay (@ava) December 19, 2020

ސިސަލީ އެންމެ ފަހުން ފެނިފައި ވަނީ މި އަހަރުގެ ޖެނުއަރީގައި ރިލީޒްކުރި ތުރިލާ "އަ ފޯލް ފްރޮމް ގްރޭސް" އިންނެވެ.

އޭނާ ކުޅުނު ޓީވީ ސިލްސިލާތަކަށް ބަލާ އިރު އެންމެ ބޮޑު މަގުބޫލު ހޯދި އެކައްޗަކީ 2015-2020 އަށް ގެނެސްދިން އޭބީސީގެ ލީގަލް ތުރިލާ "ހައު ޓު ގެޓް އަވޭ ވިތު މާޑާ؟" އެވެ. ސެސިލީގެ މަޝްހޫރު އިތުރު ސިލްސިލާތަކުގެ ތެރެއިން މި ފަހުން އެންމެ ފާހަގަކޮށްލެވޭ އެއްޗަކީ އޭނާ ތިން އެޕިސޯޑެއްގައި 2016 ގައި ހިއްސާވި "ހައުސް އޮފް ކާޑްސް" އެވެ. މީގެ އިތުރުން ވެސް މަޝްހޫރު އެތައް ސިލްސިލާއެއް ހުނަރުވެރި ބަތަލާ ކުޅުނެވެ. އޭގެ ތެރޭގައި "ލޯ އެންޑް އޯޑާ: ސްޕެޝަލް ވިކްޓިމްސް ޔުނިޓް" އާއި "ސްވީޓް ޖަސްޓިން" ހިމެނެ އެވެ.

Happy 96th birthday!! 96 and still as sharp and as beautiful as ever. What a blessing to have you as a friend, as family, and as a role model. The wisdom and love you’ve shown me over all these years has been a gift from God! Happy birthday Queen Cicely!! @IAmCicelyTyson pic.twitter.com/HIrF1Ha9yl
— Tyler Perry (@tylerperry) December 19, 2020

ސިސަލީ އަކީ ތިއޭޓަޕްލޭތަކުގައި ވެސް އަރާހުރި ފަންނާނެކެވެ. އެގޮތުން އެތަކެއް ތިއޭޓަޕްލޭތަކެއް ވެސް ކުޅުނެވެ.

ކެރިއަރުގައި އެކްޓިން ދައްކާލައިގެން އޮސްކާ އެވޯޑެއް ހާސިލުކުރުމުގެ ޝަރަފު ލިބިފައި ނެތަސް އެ އެވޯޑާއި ގޯލްޑެން ގްލޯބް އެވޯޑްސްގެ އެންމެ މޮޅު ބަތަލާގެ މަގާމަށް ސިސަލީ އަށް ނޮމިނޭޝަން ލިބިފައިވެ އެވެ. އެއީ ދި އޮޓޯބައޮގްރަފީ އޮފް މިސް ޖޭން ޕިޓްމަން" އިންނެވެ.

Happy Birthday to my dearest Godmother, Cicely Tyson. All I can do is thank God that we have been on this planet at the same time, and I have been so blessed to receive your love. The best is yet to come. I love you. ?: @candyTman pic.twitter.com/3ilqJL8J65
— Lenny Kravitz (@LennyKravitz) December 19, 2020

އެ ފިލްމު ކުޅެގެން އޭނާ އަށް އެމީ އާއި ބަފްޓާ އެވޯޑް ލިބިފައިވެ އެވެ.

އެކްޓިން ހުނަރުން ފިލްމީ ދާއިރާގެ އެންމެ ޝަރަފުވެރި އެވޯޑް ކަމަށްވާ އޮސްކާ ނުލިބުނަސް ސިސަލީ ފިލްމީ ދާއިރާ އަށް ކޮށްދެމުން އަންނަ ހިދުމަތްތަކުގެ އަގުވަޒަންކޮށް 2018 ގައި އެކެޑަމީ އޮނަރަރީ އެވޯޑް ދީފައިވެ އެވެ.

ފިލްމީ ކެރިއަރުގައި ކާމިޔާބު މީހަކަށް ވިޔަސް އަމިއްލަ ދިރިއުޅުމަށް ބަލާ އިރު ސިސަލީގެ ދެ ކައިވެނި ވެސް އޮތީ ރޫޅިފަ އެވެ. ދަރިއަކު ވެސް ނެތެވެ. އެކަމަކު އޭނާ އަކީ ޕްރޮފެޝަނަލް ކެރިއަރުގައި އެތައް ބަޔަކަށް އިންސްޕިރޭޝަނެކެވެ.

Comments