އެންމެ ގިނަ ޓޫރިސްޓުން ރާއްޖެ އަންނަ ގައުމަކަށް އިންޑިއާ

އެންމެ ގިނަ ޓޫރިސްޓުން މިހާރު ރާއްޖެ އަންނަ ގައުމުތަކުގެ ލިސްޓުގެ އެއް ވަނަ އަށް އިންޑިއާ އަރައިފި އެވެ.

ރާއްޖޭގެ ބޯޑަރު ހުޅުވިފަހުން އެންމެ ގިނަ ޓޫރިސްޓުން އަންނަ ގައުމުތަކުގެ ލިސްޓުގެ ކުރީގައި މިހާތަނަށް އޮތީ ރަޝިއާ އެވެ. އެހެން ނަމަވެސް މިހާރު މި ލިސްޓަށް މިވަނީ ބަދަލު އައިސްފަ އެވެ. މި އަހަރުގެ މިހާތަނަށް އިންޑިއާ އިން 32،900 ޓޫރިސްޓުން ވަނީ ރާއްޖެ އައިސްފަ އެވެ. މިއީ ރާއްޖެ އައި ޓޫރިސްޓުންގެ 22 ޕަސެންޓެވެ. ދެވަނައަށް އެންމެ ގިނައިން ޓޫރިސްޓުން އައިސްފައި ވަނީ ރަޝިއާއިންނެވެ. އެ ގައުމުން 32،000 ޓޫރިސްޓުން އައިސްފައިވެ އެވެ.

މިިދިޔަ އަހަރު ވެސް އެންމެ ގިނަ ޓޫރިސްޓުން ރާއްޖެ އައީ އިންޑިއާއިންނެވެ. އެ ގައުމުން 62،000 ވުރެ ޓޫރިސްޓުން އައިސްފައިވެ އެވެ.

އިންޑިއާގެ އިތުރުން އިރުމަތީ ޔޫރަޕްގެ ގައުމުތަކުން ރާއްޖެ އަށް ގިނަ އަދަދަކަށް ޓޫރިސްޓުން އާދެ އެވެ. މި އަހަރުގެ މިހާތަނަށް އެ ސަރަހައްދުން 150،000 ޓޫރިސްޓުން ރާއްޖެ އައިސްފައިވެ އެވެ.

މިދިޔަ ދެ އަހަރުގެ ތެރޭގައި އިންޑިއާ އިން ރާއްޖެ އަންނަ ޓޫރިސްޓުން ވަނީ ވަރަށް ބޮޑަށް އިތުރުވެފަ އެވެ. މީގެ އިތުރުން ދިވެހި ސަރުކާރާއި އިންޑިއާ ސަރުކާރާ ދެމެދު ހަދާފައިވާ "ޓްރެވަލް ބަބުލް" ގެ ސަބަބުން ވެސް އެ ގައުމުން އަންނަ ޓޫރިސްޓުން ވަރަށް ބޮޑަށް އިތުރުވެފައިވެ އެވެ.