މި އަހަރު އިންޑިއާގެ 41 އުފެއްދުމެއް ނެޓްފްލިކްސް އަށް

ނެޓްފްލިކްސް އިން ގެނެސްދޭ އިންޑިއާގެ އުފެއްދުންތައް އަހަރުން އަރަށް އިތުރުވަމުން އަންނަ އިރު މި އަހަރު ވެސް އެ ގައުގެ ގިނަ އުފެއްދުންތައް ގެނެސްދޭނެކަން ބުދަ ދުވަހު އިއުލާންކޮށްފި އެވެ.

ގިނަ އުފެއްދުންތަކުގެ މަންޒަރުތައް ހިމެނޭ ވީޑިއޯތަކެއް ވެސް ނެޓްފްލިކްސް އާންމުކޮށްފައިވެ އެވެ. ނެޓްފްލިކްސްގެ އޮރިޖިނަލްގެ ގޮތުގައި މި އަހަރު އިންޑިއާގެ މުޅިން އާ 41 އުފެއްދުމެއް ގެނެސްދޭނެ އެވެ. އޭގެ ތެރޭގައި 13 ފިލްމާއި 15 ސީރީޒާއި ހަ ކޮމެޑީ ޝޯ އާއި ހަތަރު ޑޮކިއުމަންޓަރީ އާއި ތިން ރިއަލިޓީ ޝޯ ހިމެނެ އެވެ.

ނެޓްފްލިކްސް މި އަހަރު ގެނެސްދޭން ހުރި އިންޑިއާގެ ފިލްމުތަކުގެ ތެރެއިން ޕަރިނީތީ ޗޯޕްޅާގެ "ދަ ގާލް އިން ދަ ޓްރެއިން" މިދިޔަ މަހު ގެނެސްދީފައިވާ އިރު ކުރިއަށް ހުރި ފިލްމުތަކުގެ ތެރޭގައި ކާތިކް އާރިޔަންގެ "ދަމާކާ" އާއި ކަރަން ޖޯހަރްގެ "އަޖީބް ދާންތާންސް" އާއި ސޮނާކްޝީގެ "ބުލްބުލް ތަރަންގް" އާއި ތާޕްސީ ޕައްނޫގެ "ހަސީން ދިލްރުބާ" އާއި ޖިތެންދުރަ ކުމާރުގެ "ޖާދޫގަރު" އާއި ދަނޫޝްގެ "ޖަގަމޭ ތަންޑިރަމް" އާއި ސާނިއާ މަލްއުތުރާގެ "މީނާކްޝީ ސުންދަރޭޝްވަރް" އާއި މަނީ ރަތުނަމް "ނަވަރްސާ" އާއި ސާނިއާގެ "ޕަގްލައިޓް" އާއި އައްބާސް-މަސްތާންގެ "ޕެންޓްހައުސް" އާއި އަރުޖުން ކަޕޫރްގެ "ސަރުދާރު ކާ ގްރޭންޑްސަން" އާއި އިވާން އައިރު "މައިލްސްޓޯން" އަދި ޗައިނަތިއާ ތަންމޭގެ "ދަ ޑިސިޕްލް" ހިމެނެ އެވެ.

މި އަހަރު ނެޓްފްލިކްސް އިން ގެނެސްދޭނެ އިންޑިއާގެ ވެބް ސީރީޒްތަކުގެ ތެރޭގައި މަދޫރީ ޑިކްސިޓްގެ "ފައިންޑިން އަނާމިކާ" އާއި ރަވީނާ ޓަންޑަންގެ "އަރިނަޔަކް" އާއި ޕޫޖާ ބަޓްގެ "ބޮމްބޭ ބޭގަމްސް" އާއި ޝެފާލީ ޝާހްގެ "ދިއްލީ ކްރައިމްސް 2" އާއި ރާދިމާ މަދަންގެ "ފީލްސް ލައިކް އިޝްގް" އާއި މިތިލާ ޕާލްކަރްގެ "ލިޓްލް ތިންގްސް 4" އާއި މަސާބާ ގުޕްތާގެ "މަސާބާ މަސާބާ 2" އާއި އަބިޝޭކް ޗޯބޭގެ "ރޭ" އަދި އިމްތިއާޒް އަލީގެ "ޝީ 2" ހިމެނެ އެވެ.

މި އަހަރު ގެނެސްދޭނެ އިންޑިއާގެ ކޮމެޑީގެ ތެރޭގައި ކަޕިލް ޝަރުމާގެ ޝޯއަކާއި ކޮމެޑީ ޕްރައިމް ލީގް ހިމެނެ އެވެ.

ޑޮކިއިމަންޓަރީތަކުގެ ތެރޭގައި ކަރަންގެ "ސާޗިން ފޯ ޝީލާ" އާއި ލީނާ ޔާދަވްގެ "ހައުސް އޮފް ސީކްރެކްޓް: ދަ ބުރާރީ ޑެތުސް" އަދި "އިންޑިއަން ޕްރެޑޭޓާ" ހިމެނެ އެވެ.

ނެޓްފްލިކްސް އިން މި އަހަރު ގެނެސްދޭނެ އިންޑިއާގެ ރިއަލިޓީ ޝޯތަކަކީ ކޮންޑެ ނާސްޓް އިންޑިއާގެ "ދަ ބިގް ޑޭ: ކަލެކްޝަން 2" އާއި ކަރަންގެ "ފެބިއުލަސް ލައިވްސް 2" ގެ އިތުރުން "ސޯޝަލް ކަރަންސީ" އެވެ.

މި އުފެއްދުންތައް ގެނެސްދޭނެކަން އިއުލާންކުރި ނަމަވެސް އަދި ތާރީހުތައް އިއުލާނެއް ނުކުރެ އެވެ.

މިދިޔަ އަހަރަކީ ވެސް އިންޑިއާގެ ގިނަ އުފެއްދުންތަކެއް ނެޓްފްލިކްސް އިން ގެނެސްދިން އަހެރެކެވެ. އޭގެ ތެރޭގައި ބޮޑެތި ފީޗާ ފިލްމުތައް ވެސް ހިމެނެ އެވެ.