23 މާޗް 2021
ބައެއް ބޭސް ރާއްޖެ އެތެރެކުރުމުގެ ހުއްދަ ވަކި ކުންފުނިތަކަށް ދީފައި ވާތީ، ބޭހުގެ އަގު ކޮންޓްރޯލްކުރަން ދަތި ކަމަށާއި ނަމަވެސް އެފަދަ އެންމެ ކުންފުންޏަކާ އެކު ވެވުނު އެއްބަސްވުމަކުން އާސަންދައިގެ ހަރަދުން އަހަރަކު 12 މިލިއަން ރުފިޔާ ކުޑަކުރެވިފައިވާ ކަމަށް އެ ކުންފުނިން މިއަދު ބުނެފި އެވެ.
ބައެއް ބޭސް ރާއްޖެ އެތެރެކުރުމުގެ ހުއްދަ ވަކި ކުންފުނިތަކަށް ދީފައި ވާތީ، ބޭހުގެ އަގު ކޮންޓްރޯލްކުރަން ދަތި ކަމަށާއި ނަމަވެސް އެފަދަ އެންމެ ކުންފުންޏަކާ އެކު ވެވުނު އެއްބަސްވުމަކުން އާސަންދައިގެ ހަރަދުން އަހަރަކު 12 މިލިއަން ރުފިޔާ ކުޑަކުރެވިފައިވާ ކަމަށް އެ ކުންފުނިން މިއަދު ބުނެފި އެވެ.
އާސަންދަ އިން ނެރުނު ނޫސްބަޔާނެއްގައި ބުނީ ބޭސް ވިއްކޭނެ އެންމެ މަތީ އަގެއް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ކަނޑައަޅާފައި ނުވާ ކަމަށެވެ. އެހެންވެ އެކި ފާމަސީތަކުން ބޭސް ވިއްކަނީ އެކި އަގުތަކުގަ އެވެ. އެކަމަކު އާސަންދައިގެ ތެރެއިން ބޭސް ދޫކުރާ ނަމަ، އެއް އަގެއްގައި ވިއްކަން ޖެހޭ ގޮތަށް 2019 ގައި ހަމަޖައްސާފައިވާކަން ފާހަގަކުރި އެވެ.
އާސައިންދައިން ބުނީ ރާއްޖެއަށް ބޭސް އެތެރެކުރުމުގެ "އެކްސްލޫސިވް ރައިޓްސް" ލިބިފައިވާ ކުންފުނިތަކުން އެތެރެކުރާ ބޭހުގެ އަގު ކޮންޓްރޯލްކުރަން ދަތިކަމަށެވެ. އަދި އެ އަގު ކުޑަކުރަން، އެ ހައްގު ހޯދާފައިވާ ކުންފުނިތަކާ އެކު މަޝްވަރާކުރަމުން އަންނަ ކަމަށް ވެސް ބުންޏެވެ.
މިގޮތަށް ކުރި މަޝްވަރާގައި، "ޒޮވަންޓާ" ކިޔާ ބޭސް ރާއްޖެ އެތެރެކުރާ ފަރާތާ އެކު މިހާރު އެއްބަސްވުމަކަށް އާދެވިފައިވާކަން އާސަންދައިން ފާހަގަކުރި އެވެ. އޭގެ ސަބަބުން އާސަންދައިގެ ހަރަދުތަކުން އަހަރު 12 މިލިއަން ރުފިޔާ ކުޑަކުރެވޭނެ ކަމަށް ވެސް ބުންޏެވެ.
ބޭސް ވިއްކުމުގައި އެކި ފާމަސީތަކުން އެކި ގޮތްގޮތުން އޮޅުވާލާތީ އެކަން ކޮންޓްރޯލްކުރަން މިދިޔަ އަހަރު "ވިނަވި" މޯބައިލް އެޕްލިކޭޝަނެއް ނެރުނެވެ. އެ އެޕް މެދުވެރިކޮށް، އެ ޕޯޓަލް ބޭނުންކުރާ ހުރިހާ މަރުކަޒަކުން، ސްކީމްގެ ދަށުން ހޯދާ ހިދުމަތްތަކާއި ނަގާ ބޭސްތަކުގެ އަގު އަމިއްލަ އަށް ބެލޭނެ އެވެ. އަދި ޝައްކުކުރެވޭ ފަދަ އެއްވެސް ކަމެއް ވާ ނަމަ އެ ޕޯޓަލް މެދުވެރިކޮށް ޝަކުވާ ވެސް ހުށަހަޅަން އެދިފައިވެ އެވެ.
ބޭހަށް އާސަންދައިން ދޭ އަގުތައް މުރާޖައާކުރަން ފަށައިފި
އަހަރެމެން ބޭސް ބޭނުންކުރަނީ މާ ގިނައިން!
ނުފޫޒު ނައްތާލައި އާސަންދަ އަށް "ފަރުވާއެއް" ހޯދަނީ
ވިޓަމިންސީ ގުޅައެއް 66 އަށް، ޒިންމާވާނެ ބަޔަކު ނުވި
ބޮޑު ފައިދާގައި ބޭސް ވިއްކުން ހުއްޓުވަން އަންގަވައިފި
ބެންގަލޫރުގެ ދެ ހޮސްޕިޓަލަކަށް އާސަންދަ މެދުކަނޑާލައިފި
މިލިއަނުން ނަގައިގެން ކްލިނިކްތަކުން ހިންގަނީ ސްކޭމެއް
އޭޑީކޭ ހުއްޓުމަކަށް އައުމުގެ ބިރު އެބައޮތް: ނާޝިދު
އާސަންދަ ދޭނީ އިތުރު އިންޝުއަރެންސުން ކަނޑާފައި: ހީނާ
ދެވަނަ ކުއާޓަރުގައި އާސަންދައިން 823މިލިއަން ހޭދަކުރި