ގޫގުލް އިން ބުނީ އެންމެ ހުތުރީ ކަންނާޑާ ބަސް ކަމަށް

އެންމެ ހުތުރީ ކަންނާޑާ ބަސް ކަމަށް ގޫގުލް އިން ބުނުމުން އިންޒާރު ދީފި

05 ޖޫން 2021

އިންޑިއާގެ އެންމެ ހުތުރު ބަހުރުވަކީ ކޮބައިތޯ ގޫގުލް ގާތު އެހުމުން އެއީ ކަންޑާނާ ބަސް ކަމަށް ބުނެފައިވާތީ އެ މައްސަލާގައި ކަރްނާޓަކާ ސްޓޭޓް އިން ގޫގުލް އަށް ދައުވާކުރާނެކަމުގެ އިންޒާރު ދީފި އެވެ.

އަހުމަދު އަދްޝަން

އެ ސްޓޭޓުން ބުނީ އެތަނުގެ ރަސްމީ ބަހަކީ އިންޑިއާ އެންމެ ހުތުރު ބަސް ކަމަށް ގޫގުލް އިން ބުނުމަކީ ބަލައިގަނެވޭނެ ކަމެއް ނޫން ކަމަށާއި އެއީ ކަރުނާޓަކާ ސްޓޭޓަށް ކުރި ފުރައްސާރައިގެ އަމަލެއް ކަމަށެވެ.

މި މައްސަލާގައި ދެކުނު އިންޑިއާގެ ނުފޫޒު ގަދަ ސިޔާސީ ވަރަށް ގިނަ ބަޔަކު ވެސް ގޫގުލް އަށް ފާޑުކިޔާފައިވެ އެވެ.

ކަރްނާޓަކާ ސްޓޭޓްގެ ފޮރެސްޓް ޑިޕާޓްމަންޓް މިނިސްޓަރު އަރުވިންދު ލިމްބަވާލީ ވިދާޅުވީ ގުގޫލްގެ އެ އަމަލަކީ ކަންނާޑާ ބަހުން ވާހަކަ ދައްކާ މީހުންނަށް ކުރި ފުރައްސާރައެއް ކަމަށާއި އެކަމަށް ވަގުތު މާފަށް އެދެން ވެސް ޖެހޭނެ ކަމަށެވެ.

Kannada language has a history of its own, having come into existence as many as 2,500 years ago! It has been the pride of Kannadigas all through these two-and-a-half millennia. 1/2#Kannada
— Aravind Limbavali (@ArvindLBJP) June 3, 2021

މިނިސްޓަރު ކުރެއްވި ޓްވީޓްތަކެއްގައި ވިދާޅުވީ ކަންނާޑާ ބަހަކީ 2،500 އަހަރުގެ ދިގު ތާރީހެއް އޮތް މުއްސަނދި ބަހެއް ކަމަށާއި އެބަހަށް ފުރައްސާރަކުރުމަކީ އިންޑިއާ އަށް ދިން ހަމަލާއެއް ކަމަށެވެ.

If Kannada is now called ugliest language in India, it is merely an attempt by @Google to insult this pride of Kannadigas. Demand apology from @Google ASAP to Kannada, Kannadigas. Legal action will be taken against @Google for maligning the image of our beautiful language! 2/2
— Aravind Limbavali (@ArvindLBJP) June 3, 2021

މި މައްސަލަ ހޫނުވެ، އިންޒާރު ދިނުމުން ގޫގުލް އިން މިހާރު ވަނީ މާފަށް އެދިފަ އެވެ.

Home to the great Vijayanagara Empire, #Kannada language has a rich heritage, a glorious legacy and a unique culture. One of the world’s oldest languages Kannada had great scholars who wrote epics much before Geoffrey Chaucer was born in the 14th century. Apologise @GoogleIndia. pic.twitter.com/Xie927D0mf
— P C Mohan (@PCMohanMP) June 3, 2021

ގޫގުލް އިންޑިއާ އިން ކަންނާޑާ ބަހުން ނެރުނު ބަޔާނެއްގައި ބުނީ އިންޑިއާގެ އެންމެ ހުތުރު ބަހުރުވަ އަކީ ކަންނާޑާ ބަސް ކަމަށް ސާޗް ރިޒަލްޓުން ދެއްކީ އޮޅުންބޮޅުންގަނޑެއްގެ ތެރެއިން ކަމަށާއި އެކަން މިހާރު ހައްލުކޮށްފައިވާ ކަމަށެވެ.

We apologize for the misunderstanding and hurting any sentiments. pic.twitter.com/nltsVezdLQ
— Google India (@GoogleIndia) June 3, 2021

"އަހަރެމެން ގަބޫލުކުރަން މިކަހަލަ ކަމެއް ހިނގައިގެން ނުވާނެ ކަމަށް. އަދި އެކަންވީ އޮޅުންގަނޑެއްގެ ތެރެއިން. ދިމާވި މައްސަލަ އަހަރެމެންގެ ސަމާލުކަމަށް އައުމާ އެކު އަހަރެމެންގެ އެލޮގްރިދަމް އިތުރަށް ރަނގަޅުކޮށް އެކަން މިހާރު ވަނީ ހައްލުކޮށްފައި،" ގޫގުލް އިންޑިއާ އިން ބުންޏެވެ.

ބަހުގެ މައްސަލާގައި ގޫގުލް އިން ކަރްނާޓަކާ ސްޓޭޓް ރުޅި އަރުވައިލުމާ ގުޅިގެން އެ ސްޓޭޓްގެ ކުރީގެ ޗީފް މިނިސްޓަރު އެޗްޑީ ކުމާރަސުވާމީ ކުރި ޓްވީޓްތަކެއްގައި ވިދާޅުވީ އެއްވެސް ބައެއްގެ ބަހަކަށް ބަހުރުވައަކަށް ކުޑައިމީސްމީކޮށް އެއްޗެހި ބުނުމަކީ ކޮށްގެން ވާނެ ކަމެއް ނޫން ކަމަށެވެ.

"އެފަދަ ކަންކަން ކުރާ ނަމަ ފިތުނަ އުފެދުން ނޫން ކަމެއް ނުވާނެ." އޭނާ ވިދާޅުވި އެވެ.

Comments