ޓްރީ ޓޮޕް ހޮސްޕިޓަލްގެ މި އަހަރުގެ ހިތާނީ ކޭމްޕް ފަށައިފި

ޓްރީ ޓޮޕް ހޮސްޕިޓަލުގެ "ހިތާނީ ކޭމްޕް 2021" މިއަދު ފަށައިފި އެވެ.

އަންނަ މަހުގެ 9 އާ ހަމައަށް ކުރިއަށް ގެންދާ މި ކޭމްޕްގެ މުއްދަތުގައި ހުކުރު ދުވަސް ފިޔަވައި ކޮންމެ ދުވަހަކު ވެސް ހިތާނު ކުރާނެ އެވެ.

މި އަހަރުގެ ހިތާނީ ކޭމްޕްގައި ހަރަކާތްތެރިވާ ޑޮކްޓަރުންގެ ތެރޭގައި އޮޕަރޭޝަނަށް ހާއްސަ ޑޮކްޓަރު ޝައިލޭޝް އަދިކަރީގެ އިތުރުން ޑރ. އައިޝަތު އަޒްނާ އާއި ޑރ. އަލީ ޝަރީފާއި ޑރ. މައުމޫން އާސިމާއި ޑރ. އަބްދުﷲ އުބައިދު އަދި ކުޑަކަމުދާ ނިޒާމުގެ ހާއްސަ ޑރ. މެހްމެތު އޯޑާ ހިމެނެ އެވެ.

ހުޅުމާލޭގައި ހިންގާ ޓްރީ ޓޮޕް ހޮސްޕިޓަލުން ބުނީ މި ފަހަރުގެ ހިތާނީ ކޭމްޕްގައި 200 އަށް ވުރެ ގިނަ ކުދިންނަށް ފުރުސަތު ހުޅުވިފައިވާ ކަމަށެވެ.

ހިތާނީ ކޭމްޕްގައި ބައިވެރިވެވޭނީ އާސަންދަ އަށް ކެނޑުމަށް ފަހު 4،000ރ. ދައްކައިގެންނެވެ. ކުއްޖާ ބާއްވާ ކޮޓަރި އަޕްގްރޭޑް ކުރުމަށް ޕްރައިވެޓް ކޮޓަރިތަކަށް ހާއްސަ އަގުތަކެއް ވެސް ވަނީ ކަނޑައަޅައިފަ އެވެ.

ހިތާނީ ކޭމްޕްގައި ބައިވެރިވުމަށް ނަން ނޯޓު ކުރާނީ 3351610 އަށް ގުޅައިގެންނެވެ.