ގައުމުތައް ސިފަކޮށްދިން ގޮތުން ހޫނުފެނަށް

ގައުމުތައް ސިފަކޮށްދިން ގޮތުން ދެކުނު ކޮރެއާގެ ޓީވީ ޗެނެލެއް ހޫނުފެނަށް

27 ޖުލައި 2021

ހުކުރު ދުވަހު ޖަޕާނުގެ ޓޯކިއޯގައި ފެށި އޮލިމްޕިކްސް ކުޅިވަރު މުބާރާތް ހުޅުވުމުގެ ރަސްމިއްޔާތު ލައިވްކޮށް ގެނެސްދިން އިރު، ގައުމުތައް ސިފަކޮށްދިން ގޮތުން ދެކުނު ކޮރެއާގެ ޓީވީ ޗެނަލެއް ހޫނުފެނަށް ވެއްޓި، އެންމެ ފަހުން މާފަށް އެދިއްޖެ އެވެ.

އަހުމަދު އަދްޝަން

އެ ގައުމުގެ ޓީވީ ޗެނެލެއް ކަމަށްވާ މުންހުވާ ބްރޯޑްކާސްޓިން ކޯޕަރޭޝަން (އެމްބީސީ) އިން ގައުމުތައް ސިފަކޮށްދިން ގޮތަށް ބަލާއިރު އިޓަލީގެ ޓީމާ އެކު ދެއްކީ ޕިއްޒާ އެވެ. އަދި ރުމޭނިއާ ޑްރެކިއުލާގެ ގޮތުގައި ސިފަކޮށްދިން އިރު ޔުކްރޭން ސިފަކޮށްދިނީ ނިއުކްލިއާ ޕްލާންޓް ޗާނަބީލް ގޮތުގަ އެވެ. އަދި ނޯވޭ ސިފަކުރީ މަހުގެ ބާވަތެއް ކަމަށްވާ ސޭމަންގެ ގޮތުގަ އެވެ. ސްވިޑްން ސިފަކުރީ ތަރައްގީވެގެން ގޮސް ރައްޔިތުން ވެލްފެއާ އަށް ބަރޯސާވެފައިވާ ގައުމެއްގެ ގޮތުގަ އެވެ.

South Korean broadcaster MBC used images to "represent" each country during the #Tokyo2020 Opening Ceremony.

Italy: pizza
Norway: salmon
Haiti: upheaval
Ukraine: Chernobyl pic.twitter.com/KpUXATuZld
— Raphael Rashid (@koryodynasty) July 23, 2021

މީގެ އިތުރުން ހެއިޓީގެ ޓޮމް ދައްކައިލި އިރު އެ ގައުމު ސިފަކޮށްދޭން ކެޕްޝަނަކަށް އަރުވާފައި އިނީ ދާދި ފަހުން ރައީސް އަވަހާރަކޮށްލުމާ ގުޅިގެން ހަމަނުޖެހުންތަކެއްގެ ތެރޭގައި އޮތް ގައުމެއްގެ ގޮތުގަ އެވެ. އަދި ސީރިއާ ޓީމް ސިފަކޮށްދިނީ 10 އަހަރުވީ މަދަނީ ހަނގުރާމައެއްގެ ތެރޭގައި އޮތް ގައުމެއްގެ ގޮތުގަ އެވެ.

When Haitian athletes entered the stadium, an on-screen explanation said "the political situation is fogged by the assassination of the president." When Syrian athletes entered, it said "rich underground resources; a civil war that has been going on for 10 years."
— Raphael Rashid (@koryodynasty) July 23, 2021

އެމްބީސީން އެފަދަ ގޮތްގޮތަށް ގައުމުތަށް ސިފަކޮށް ދިނުމުން އެކަން ގިނަ ބައެއްގެ ސަމާލުކަން ލިބުނީ ފްރީލާންސް ނޫސްވެރިޔާ ރަޕެލް ރާޝިދު ކުރި ޓްވީޓްތަކަކާ ގުޅިގެންނެވެ.

ކަމާ ނުގުޅޭ ގޮތަށް ތަސްވީރާއި އިބާރާތްތަކުން އެމްބީސީން ގައުމުތައް ސިފަކޮށް ދިނުމުން ވަރަށް ގިނަ ބަޔަކު އެކަމަށް ފާޑުކިޔައި ޓީވީ ޗެނެލްގެ އެ އަމަލަކީ ވަރަށް ޒިންމާދާރުކަން ކުޑަ އަދި ތާކުންތާކު ނުޖެހޭ ކަމެއް ކަމަށް ބުނެފައިވެ އެވެ. ބައެއް މީހުން ބުނީ ކުޑަމިނުން އެމްބީސީން ހޯމްވޯކް ހަދަން ގޫގުލް ސާޗްކޮށްލި ނަމަވެސް އެއަށް ވުރެ ހަރުދަނާކޮށް ގައުމުތައް ސިފަކޮށް ދެވުނީސް ކަމަށެވެ.

For the Marshall Islands, it said "was once a nuclear test site for the US, and is composed of more than 1,200 islands." El Salvador was introduced with a picture representing Bitcoin. pic.twitter.com/VNvFYRAskX
— Raphael Rashid (@koryodynasty) July 23, 2021

މި މައްސަލަ ހޫނުވުމުން އެމްބީސީން މާފަށް އެދި ނެރުނު ބަޔާނެއްގައި ބުނީ ގައުމުތައް ސިފަކޮށް ދިނުމުގައި އަމަލުކުރި ގޮތަކީ އެއްވެސް ގައުމަކަށް ކުޑައިމީސްކޮށް އިހުތިރާމު ކުޑަކުރުމުގެ ގޮތުން ކުރި ކަމެއް ނޫން ކަމަށެވެ. އަދި އެއީ ބެލުންތެރިންނަށް ގައުމުތައް ހަނދާނުގައި ބަހައްޓަން ފަސޭހަކޮށް ދިނުމުގެ ގޮތުން ހެދި ގޮތެއް ކަމަށް ބުންޏެވެ.

MBC has issued apology: "In today's Opening Ceremony broadcast, inappropriate photos were used when introducing countries like Ukraine and Haiti. Also, inappropriate photos and subtitles were used for other countries. We apologise to the viewers of Ukraine and other countries." pic.twitter.com/KQtk5eMW7K
— Raphael Rashid (@koryodynasty) July 23, 2021

"މިކަމާ ގުޅިގެން މިހާރު އިތުރަށް ބަލަން ޖެހޭ ކަންކަން ވެސް ބަލަމުން އަންނަނީ." އެމްބީސީން ބުންޏެވެ.

މީގެ ކުރިން ވެސް ހަމަ މިފަދަ ކަމެއް އެ ޗެނެލުންކޮށްފައިވެ އެވެ. އެއީ 2008 ގެ ބެއިޖިން އޮލިމްޕިކްސްގަ އެވެ. އެ ފަހަރު އެމްބީސީގެ މައްސަލަ ހޫނުވެ އަދަބެއްގެ ގޮތުން ޖޫރިމަނާކުރީ ޒިމްބާވްވޭ "އިންފްލޭޝަން އަތްނުފޯރާ ހިސާބުގައި އޮތް ގައުމެއް" ގެ ގޮތުގައި ސިފަކުރުމުންނެވެ.

Comments