ހުޅުމާލޭގައި 500 އުޅަނދު ޕާކުކުރެވޭނެ އިމާރާތެއް އަޅަނީ

ހުޅުމާލޭގައި 500 އެއްހާ އުޅަނދު ޕާކުކުރެވޭނެ އިމާރާތެއް އަޅަނީ

01 އޯގަސްޓް 2021

ހުޅުމާލޭގައި މަދުވެގެން 500 ވެހިކަލްގެ ޖާގައިގެ ޕާކިން ބިލްޑިންއެއް އެޅުމުގެ މަސައްކަތް ފަށަން ނިންމާފައިވާ ކަމަށް މާލޭ ސިޓީ ކައުންސިލުން މިއަދު ބުނެފި އެވެ.

މާއިދާ މުހައްމަދު ރަޝާދު

މޭޔަރު ޑރ. މުހައްމަދު މުއިއްޒު ކުރެއްވި ޓްވީޓެއްގައި ވިދާޅުވީ ހުޅުމާލޭ މަގުތަކުގައި ޕާކުކޮށްފައި ހުންނަ އުޅަނދުތަކާއި ހުޅުމާލޭ ރައްޔިތުންގެ ވެހިކަލްތައް ޕާކުކުރުމަށް މަދުވެގެން 500 ވެހިކަލްގެ ޕާކިން ބިލްޑިންއެއް އެ ރަށުގައި އެޅުމަށް މަސައްކަތްކުރަމުން އަންނަ ކަމަށެވެ.

މުއިއްޒު ވިދާޅުވި ގޮތުގައި އެ ޕާކިން ބިލްޑިން އަޅާނީ ހުޅުމާލެއިން ކުރީގެ ކައުންސިލުން ހޯދާފައިވާ ބިމުގަ އެވެ. އެގޮތުން އެ ބިލްޑިންގެ މަސައްކަތް ފެށުމަށްޓަކައި ކުރަންޖެހޭ މަސައްކަތްތައް މިއަދު ފަށާފައިވާ ކަމަށް ވެސް އޭނާ ވިދާޅުވި އެވެ.

Hulhumale ge maguthakugai park koffa hunna vehicle thakaa hulhumale rayyithunge vehicle thah park kurumahtakai madhuvegen 500 vehicle ge parking building eh, hulhumale in @MaleCitymv ahkuree council in hoadhaafaivaa bimugai feshumahtakai kuranjehey masakkai miadhu vanee feshifai pic.twitter.com/7RATOTKeUw
— Dr Mohamed Muizzu (@MMuizzu) August 1, 2021

އެ މަޝްރޫއުގެ އިތުރު ތަފްސީލު ދެއްވާފައި ނުވި ނަމަވެސް މުއިއްޒު އާއި ޑެޕިއުޓީ މޭޔަރު އަހުމަދު ނަރީޝް އަދި ހުޅުމާލޭ ދާއިރާގެ ކައުންސިލް މެމްބަރު އިބްރާހިމް ސުޖާއު ވަނީ ހުޅުމާލޭގައި އެ މަސައްކަތް ކުރިއަށް ގެންދަން ހަމަޖެހިފައިވާ ބިމަށް މިއަދު ޒިޔާރާތް ކުރައްވައިފަ އެވެ.

މާލެއަށް ދިމާވެފައިވާ ޕާކިންގެ މައްސަލަ އަށް ހައްލު ހޯދުމުގެ މަސައްކަތް ސިޓީ ކައުންސިލުން ކުރަމުން އަންނައިރު މިހާތަނަށް ކުރެވުނު މަސައްކަތުން 6،000 އަށް ވުރެ ގިނަ ވެހިކަލް މަގުމަތިން ނަގައި، ޕާކިން ޒޯންތަކަށް ވެއްދިފައިވާ ކަމަށް ސިޓީ ކައުންސިލުން ބުނެ އެވެ.

Comments