ދެކުނު ކޮރެއާގެ "ޓީވީއެން" މީޑިއާ ނެޓަށް

ދެކުނު ކޮރެއާގެ އެންޓަޓެއިމަންޓް ޗެނަލް ކަމަށްވާ "ޓޯޓަލް ވެރައިޓީ ނެޓްވޯކް" (ޓީވީއެން) މީޑީއާ ނެޓުން ރާއްޖެއަށް ތައާރަފު ކޮށްފި އެވެ.

މި ޗެނަލް މެދުވެރިކޮށް، ކޮރެއާގެ އެންމެ ބޮޑެތި ވެރައިޓީ ޝޯތަކާއި ޑްރާމާތަކާއި މިއުޒިކް ޝޯ އަދި ލައިފްސްޓްއިލް ޕްރޮގްރާމްތަކާއި މަޝްހޫރު ތަރިންގެ ޕްރޮޑަކްޝަންތައް ބަލައިލެވޭނެ އެވެ.

ޓިވީއެން އިން ދައްކާ މަޝްހޫރު ޑްރާމާތަކުގެ ތެރޭގައި "ކްރޭޝް ލޭންޑިން އޮން ޔޫ" އާއި "ރިޕްލައި 1988" އާއި "ގޮބްލިން" ފަދަ ޑްރާމާތައް ހިމެނެ އެވެ. އަދި ޝޯތަކުގެ ތެރޭގައި "ހޮޓެލް ޑެލް ލޫނާ" އާއި "އެކްސްޗޭންޖް" އާއި "ހަނީމޫން ޓެވާން" އަދި "ސަ ސިކްސްތު ސެންސް 2" ހިމެނެ އެވެ. މީޑިއާނެޓުން ޓީވީއެން ބަލާލެވޭނީ ޗެނަލް 811 އިންނެވެ.

މީޑިއާ ނެޓުގެ ކަސްޓަމަރުންނަށް އެ ކުންފުނިން ތައާރަފު ކުރާ ޗެނަލްތައް މިހާރު ފޯނާއި ޓެބްލެޓާއި ލެޕްޓޮޕް މެދުވެރިކޮށް ވެސް ބެލެ އެވެ.

މިގޮތަށް ޗެނަލްތައް ބެލޭނީ އެމްއެސްޓިވީ އެޕްލިކޭޝަން ބޭނުންކޮށްގެން މަލްޓިސްކްރީން ނުވަތަ އެންޑްރޮއިޑް ޔޫއެޗްޑީޓީވީ މެދުވެރިކޮށެވެ.