26 ސެޕްޓެމްބަރ 2021
އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ކުރުން މަދުކުރުމާ ދެކޮޅަށް ހޭލުން ތެރިކަން އިތުރު ކުރުމުގެ ގޮތުން ދިރާގުން ކެމްޕެއިނެއް ފަށައިފި އެވެ.
ފާތިމަތު ޝަނާ މުހައްމަދު
އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ކުރުން މަދުކުރުމާ ދެކޮޅަށް ހޭލުން ތެރިކަން އިތުރު ކުރުމުގެ ގޮތުން ދިރާގުން ކެމްޕެއިނެއް ފަށައިފި އެވެ.
އެކާވީސް ދުވަހަށް ކުރިޔަށް ގެންދާ މި ކެމްޕެއިން ފަށާފައި ވަނީ އަންނަ މަހަކީ ބައިނަލްއަގްވާމީ ކޯސްޓަލް ކްލީން އަޕް އެވެއާނަސް މަހަށް ވާތީ އެކަން ފާހަގަކުރުމުގެ ގޮތުން ކަމަށް ދިރާގުން ބުނެ އެވެ.
އެއް ފަހަރު ބޭނުންކޮށްފައި އުކާލާ ޕްލާސްޓިކް ބޭނުންކުރުން ވެފައިވަނީ ދިރިއުޅުމުގައި އަށަގެންފައިވާ ވަރަށް ނޭދެވޭ އާދައަކަށެވެ.
އާ އާދައެއް އަށަގެންނެވުމަށް ޓަކައި އެކަމެއް 21 ދުވަހަށް ކުރުމަކީ ވަރަށް މަޝްހޫރު ކަމެކެވެ. ދިރާގުން ފެށި މި ކެމްޕެއިންގެ މައިގަނޑު މަގްސަދަކީ 21 ދުވަހުގެ ތެރޭގައި މި ނޭދެވޭ އާދަ ދޫކޮށްލައި، ޕްލާސްޓިކް ނޫން ގޮތްތައް ދިރިއުޅުމުގެ އެކި ކަންތައްތަކުގައި ބޭނުން ކުރުމަށް ބާރު އެޅުމެވެ.
މި ކެމްޕެއިންގައި ބައިވެރިވެވޭނީ #21NoPlasticDays މި ހޭޝްޓެގް ބޭނުންކޮށްގެން ސޯޝަލް މީޑިއާގައި، އެ މީހަކު އެއްފަހަރު ބޭނުންކޮށްފައި އުކާލާ ޕްލާސްޓިކާ ދެކޮޅަށް ނުވަތަ މި އާދަ ދޫކޮށްލުމަށް ކުރަން ގަސްތުކުރާ ކަންތައް ހިއްސާކޮށްގެންނެވެ.
މީގެ ތެރޭގައި ކާ އެއްޗެހި އަޅާ ޑިސްޕޮސިބަލް ޕްލާސްޓިކް ޓޭކްއަވޭ ކޮންޓައިނަރުތަކުގެ ބަދަލުގައި ގިނަ ފަހަރު ބޭނުން ކުރެވޭ ކޮންޓައިނަރު ބޭނުން ކުރުން، އަދި، އެއްފަހަރު ބޭނުން ކުރާ ޕްލާސްޓިކް ކޮތަޅާއި ފެންފުޅި ފަދަ ތަކެތި ބޭނުން ކުރުން ހުއްޓާލުން ފަދަ ކަންތައްތައް ހިމެނެ އެވެ.
ކޮންމެ ހަފުތާ އެކު މި ކެމްޕެއިނުގައި ބައިވެރިވާ ފަރާތްތަކުގެ މެދުގައި ނަސީބުވެރި ތިން ފަރާތެއް ހޮވާނެ އެވެ. އަދި 21 ދުވަހުގެ މުއްދަތުގެ ތެރޭގައި ޖުމްލަ ނުވަ ފަރާތް ހޮވާނެ އެވެ. މި ފަރާތްތަކަށް "ޕްލާސްޓިކް ފްރީ ސްޓާޓަ ޕެކް" ހަދިޔާއެއްގެ ގޮތުގައި ލިބޭނެ އެވެ. މި ގިފްޓް ޕެކްގައި ހިމެނެނީ ސިންގަލް ޔޫސް ޕްލާސްޓިކްގެ ބަދަލުގައި ގެންގުޅެވޭނެ ތަކެއްޗެވެ.
ދިރާގު މެނޭޖަރު ކޯޕަރޭޓް ސޯޝަލް ރެސްޕޮންސިބިލިޓީ ބިޝާރާ ހަމީދު ވިދާޅުވީ ސިމްގަލް ޔޫސް ޕްލާސްޓިކް މަދު ކުރަން ފަރުދީ ޒިންމާ އަދާކުރެވިދާނެ ގޮތްތަކާ ބެހޭގޮތުން ހޭލުންތެރިވާން ޖެހޭ ކަމަށެވެ.
"ލައިފް ބިލޯ ވޯޓާ" އަކީ އދ.ގެ ދެމެހެއްޓެނިވި ލަނޑުދަނޑިތަކުގެ ތެރެއިން ވެސް މުހިންމު އެއް ލަނޑުދަނޑި އެވެ. އަދި ތިމާވެށި ހިމާޔަތް ކުރުމަކީ ދިރާގުގެ އިޖުތިމާއީ ޒިންމާގެ މުހިންމު އެއް ތަނބު ވެސް މެއެވެ.
ދިރާގުން ދުނިޔޭގެ ޓެލެކޮމިއުކޭޝަން ދުވަސް ކުލަ ގަދަކޮށް ފާހަގަކޮށްފި
ދިރާގުން ކޮންމެ ހަފްތާއަކު "މައިޑިއާ"ގެ ބޮޑު ހޯމް ޕެކެއް
މަތީ ތައުލީމުގެ ދަރިވަރުންނާއެކު ދިރާގުން ބައްދަލުވުމެއް
ދިރާގު މުވައްޒަފުންގެ އަގު ވަޒަންކޮށް އެވޯޑު ދީފި
ބާސްކެޓް އެސޯސިއޭޝަންގެ ޑިިޖިޓަލް ޕާޓްނަރަކަށް ދިރާގު
ދިރާގު ފައިބާ އިންޓަނެޓާއި ޓީވީގެ ހިދުމަތް ގޮއިދުއަށް
ދިރާގު އިންޓަނެޓާއި ޓީވީގެ ޚިދުމަތް ގެމަނަފުއްޓަށް
ދިރާގު ޕްރިޕެއިޑް ޑޭޓާ ސިމް ޕްރޮމޯޝަންގެ މުއްދަތު އިތުރުކޮށްފި
ނެޓުހެޔޮ: ދިރާގުގެ ޕެކޭޖުތަކަށް އިތުރު ޑޭޓާ
ދިރާގު ހައި-ސްޕީޑް ފައިބައަށް ބަދަލުކޮށްލުން ހިލޭ
