ރަށްރަށުގައި ވެސް ދުވަސްވީ މީހުންނާއި ދަރިވަރުންނަށް ބަހުގެ ހިދުމަތް ހިލޭ

މާލެއާ އެއްގޮތަށް ރަށްތަކުގައި ވެސް 65 އަހަރުން މަތީގެ މީހުންނަށާއި ސްކޫލް ކުދިންނާއި ނުކުޅެދުންތެރިކަން ހުންނަ މީހުންނަށް ބަހުގެ ހިދުމަތް ހިލޭ ދޭ ގޮތަށް އެމްޓީސީސީން ހަމަޖައްސައިފި އެވެ.

މިހާރު ވެސް މާލެ ސަރަހައްދުގައި ދުއްވާ ބަސްތަކުން، 65 އަހަރުން މަތީގެ މީހުންނަށާއި ސްކޫލް ކުދިންނާއި ނުކުޅެދުންތެރިކަން ހުންނަ މީހުންނަށް ހިލޭ ދަތުރު ކުރެވޭނެ އެވެ. ރަށްތަކުގައި މި ހިދުމަތް ހިލޭ ދޭން ފަށާނީ އަންނަ މަހުގެ އެއްވަނަ ދުވަހުން ފެށިގެންނެވެ.

މިވަގުތު އެމްޓީސީސީން ބަހުގެ ހިދުމަތް ދެމުން އަންނަނީ މާލޭގެ އިތުރުން އައްޑޫގަ އެވެ. ލ. އަތޮޅާއި ފުވައްމުލަކުގައި ބަހުގެ ހިދުމަތް ފަށަން އެ ކުންފުނިން އަންނަނީ ތައްޔާރުވަމުންނެވެ. މި ހިދުމަތް ފެށުމަށް ބޭނުންވާ ބަސް ހޯދުމުގެ މަސައްކަތް މިހާރު އަންނަނީ ކުރަމުންނެވެ.

ލ. އަތޮޅުގައި ބަހުގެ ހިދުމަތް ދޭނީ ގަމާއި ފޮނަދުއާއި އިސްދޫ އަދި ކަލައިދޫގަ އެވެ.

އެމްޓީސީސީން މިހާރު ވެސް އަންނަނީ އެ ކުންފުނިން ފެރިޣެ ހިދުމަތް ދޭ ރަށްރަށުގައި ވެސް އުމުރުން ދުވަސްވީ މީހުންނަށާއި ދަރިވަރުންނަށާއި ނުކުޅެދުންތެރިކަން ހުންނަ މީހުންނަށް ހިލޭ ހިދުމަތް ދެމުންނެވެ.