އީލޮން ދެން ބޭނުމީ ސޯޝަލް މީޑިއާ އިންފްލުއެންސާއަކަށް ވާން

އަމިއްލަ ކުންފުނިތަކުގައި މިހާރު އަދާކުރައްވާ މަގާމުތައް ދޫކޮށްލުމަށްފަހު، ސޯޝަލް މީޑިއާ އިންފްލޫއެންސާއަށް ވުމާ ދޭތެރޭ ވިސްނާ ކަމަށް ދުނިޔޭގެ އެންމެ ބޮޑު މަހުޖަނު އީލޮން މަސްކް ބުނެފި އެވެ.

އީލޮން ބޭނުމީ ސޯޝަލް މީޑިއާ އިންފްލުއެންސާއަކަށް ވާން

އަހުމަދު އަދްޝަން

11 ޑިސެމްބަރ 2021

ޓެސްލާ އާއި ސްޕޭސް އެކްސް ފަދަ ބޮޑެތި ކުންފުނިތަކުގެ ވެރިޔާ ހުކުރު ދުވަހު ކުރި ޓްވީޓެއްގައި އެ މޭރުމުން ވާހަކަ ދައްކަައި، ޓްވިޓާގެ އަހުވެރިން ގާތު ސުވާލު ކޮށްފައިވަނީ "އެކަމާ ކަލޭމެންގެ ހިޔާލަކީ ކޮބައިތޯ؟" އެވެ.

އީލޮންގެ މި ޓްވީޓާ ގުޅިގެން "މިސްޓަ ބީސްޓް" ގެ ނަމުން މަޝްހޫރު ޔޫޓިއުބާ ޑޮނަލްޑްސަން ކުރި ޓްވީޓެއްގައި ވަނީ ޔޫޓިއުބް ވިއުސް ހޯދާނެ ގޮތުގެ ތަމްރީނު ދޭން ވެސް ތައްޔާރަށް ހުންނެވި ކަމަށެވެ.

thinking of quitting my jobs & becoming an influencer full-time wdyt
— Elon Musk (@elonmusk) December 10, 2021

ބައެއް މީހުން ކުރި ރައްދުގެ ޓްވީޓްތަކުގައި ބުނެފައި ބޮޑެތި ކުންފުނިތަކެއްގެ އިސް މަގާމުތަކާ އީލޮން ފެއަށް ޖެހުން ވާނީ ދުނިޔޭގެ އިގުސާދަށް ލޮޅުން އަރައިފާނެ ކަމެއް ކަމަށެވެ.

I’ll coach u on how to get YouTube views!
— MrBeast (@MrBeast) December 10, 2021

އަދި ބައެއް މީހުން ވަނި އަވަހަށް އެކިއެކި ޕްލެޓްފޯމްތައް މެދުވެރިކޮށް އިންފްލުއެންސާއަކަށް ވާންވީ ކަމަށާއި އެ މީހުން ތިބީ އޭނާ ސަބްސްކްރައިބް ކުރަން ތައްޔާރަށް ކަމަށެވެ.

I’ll be your first subscriber if you make an onlyfans
— Albi (SideArms) (@Albi_SideArms) December 10, 2021

ސޯޝަލް މީޑިއާ އިންފްލުއެންސާއަކަށް ވުމުގެ ވާހަކަ "މާ ސީރިއަސްކޮށް ނޫންކޮށް" އީލޮން ދެއްކި އިރު، ސޯޝަލް މީޑިއާ އެޕްތަކުގެ ތެރެއިން ޓްވިޓާގައި އޭނާ އަބަދު ވެސް ވަރަށް ހަރަކާތްތެރި އެވެ. އީލޮންގެ ފޮލޯވަރުންގެ އަދަދު 65.8 މިލިއަނަށް އަރަ އެވެ.

ދާދި ފަހުން އީލޮން ވަނީ ޓެސްލާގައި އޮތް އޭނާގެ އަމިއްލަ ހިއްސާގެ ތެރެއިން އެތައް ހިއްސާއެއް ވެސް ޓްވިޓާގައި އާންމުންގެ ހިޔާލު ހޯދުމަށްފަހު ވިއްކާލައިފަ އެވެ.

Comments