ޕޯޓް ސޭފްޓީ ރަން މާދަމާ

އެމްޕީއެލްގެ ޕޯޓް ސޭފްޓީ ރަން މާދަމާ އޮންނާނެ އެވެ.

ހެލްތު ސޭފްޓީ އަށް އާންމުން ހޭލުންތެރި ކުރުމަށް، ބާއްވާ ފަސް ކިލޯމީޓަރުގެ ދުވުމުގައި ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވެސް ބައިވެރިވެ ވަޑައިގަންނަވާނެ ކަމަށް އެމްޕީއެލްއިން ބުންޏެވެ.

ސްޓެލްކޯގެ މެނޭޖިން ޑިރެކްޓަރު ހަސަން މުގުނީ، މޯލްޑިވިއަންގެ މެނޭޖިން ޑިރެކްޓާ މުހައްމަދު މިހާދު އަދި ކޮމިޝަނާ ޖެނެރަލް އޮފް ކަސްޓަމްސް އަބްދުﷲ ޝަރީފް ވެސް އެ ދުވުުމުގައި ބައިވެރިވެ ވަޑައިގަންނަވާނެ އެވެ.

މާދަމާ ހެނދުނު 6:30 ގައި ހުޅުމާލޭ އެމްޕީއެލް ސަރަހައްދުން ފަށާ ދުވުން، ފަސް ކިލޯމީޓަރު ހަމަކުރުމަށް ފަހު ނިންމާނީ، ހުޅުމާލޭ ސެންޓްރަލް ޕާކު ސަރަހައްދަށެވެ. ދުވުމުގެ ބައިވެރިންގެ ރަނިން ކިޓް، ވިއްކައިގެން ލިބުނު ފައިސާ ހަދިޔާ ކުރާނީ ކުޑަ ކުދިންގެ ހައްގުތަކަށް މަސައްކަތްކުރާ ޖަމިއްޔާ، އާކް އަށެވެ.

ދުވުމުގައި ބައިވެރިވާން ހުޅުވާލުމުން، 300 އަށް ވުރެ ގިނަ މީހުން ރަޖިސްޓްރީކޮށްފައިވާ ކަމަށް އެމްޕީއެލް އިން ބުންޏެވެ.

"ހެލްތު ސޭފްޓީ އަށް އަމާޒުކޮށް މި ރަން މި ލޯންޗްކުރީ ޖެނެރަލް ޕަބްލިކުގެ ވެސް ސިއްހީ ރައްކާތެރި ކަމާއި ސަލާމަތަށް ހޭލުންތެރިކަން އިތުރު ކުރުމަށް،" އެމްޕީއެލްގެ ސީއީއޯ، ޝާހިދު އަލީ ވިދާޅުވި އެވެ.