ހިތަދޫ ހިރާ ސްކޫލަށް "ޒައިދު ސަސްޓެއިނަބިލިޓީ އެވޯޑް" ލިބިއްޖެ

17 ޖެނުއަރީ 2022

އައްޑޫ ހިތަދޫ ހިރާ ސްކޫލް ހިންގުމުގައި ދެމެހެއްޓެނިވި ތަރައްގީ އަށް އަމާޒު ކޮށްގެން މަސައްކަތް ކުރާތީ ޔޫއޭއީގެ ސަރުކާރުން ދޭ "ޒައިދު ސަސްޓެނައިބިލިޓީ އެވޯޑް" އެ ސްކޫލަށް މި އަހަރު ލިބިއްޖެ އެވެ.

އަހުމަދު އަދްޝަން

ހިރާ އަށް އެ އެވޯޑް ލިބުނީ ދެކުނު އޭޝިއާގެ ގްލޯބަލް ހައި ސްކޫލް ކެޓަގަރީންނެވެ.

ޒައިދު ސަސްޓެނައިބިލިޓީ އެވޯޑް ދިނުމަށް ޔޫއޭއީގައި މިއަދު ބޭއްވި ހަފުލާގައި ރާއްޖޭގެ ރައީސް އިބްރާހީމް މުހައްމަދު ސޯލިހު ވެސް ބައިވެރިވެވަޑައިގެންނެވިއިރު، ހިރާ ސްކޫލުން ހޯދި ކާމިޔާބީ އަށް އެ މަނިކުފާނު މަރުހަބާ ވިދާޅުވި އެވެ.

Congratulations to the students of @hiraschoolmv for winning the Zayed Sustainability Prize under the Global High School - South Asia category at #ADSW 2022.

I am certain that these students will pave the way for their generation to become future sustainability leaders. pic.twitter.com/68az1vlYSc
— Ibrahim Mohamed Solih (@ibusolih) January 17, 2022

ރައީސްގެ ޓުވީޓް

ރައީސް ކުރެއްވި ޓްވީޓެއްގައި ވިދާޅުވީ، އެ ކާމިޔާބި އަކީ ކުރިމަގުގައި ހިރާ ސްކޫލުން ނުކުންނަ ދަރިވަރުން ސަސްޓެއިނަބިލިޓީ ލީޑަރުންނަށް ވާނެ ކަމާ ދޭތެރޭ އެއްވެސް ޝައްކެއް ނެތް ކަމަށެވެ.

ހިރާ ސްކޫލަކީ ތިމާވެއްޓާ ރައްޓެހިކޮށް، ހިންގުމަށް ވަރަށް ބޮޑު އިސްކަމެއްދޭ ތަނެކެވެ.

ޒައިދު ސަސްޓެނައިބިލިޓީ އެވޯޑަކީ ޔޫއޭއީގެ ބާނީ ޝައިހް ޒައިދު ބިން ސުލްތާން އަލް ނަޙްޔާންގެ ނަމުގައި ދޭ އެވޯޑެކެވެ.