އަލީ ހާޝިމް، ފައިސާގެ ނޫޓުގައި ފުރަތަމަ ފަހަރަށް ސޮއިކުރައްވައިފި

ގަވަަރުނަރު އަލީ ހާޝިމްގެ ސޮޔާއެކު 20ރ. ގެ އާ ނޫޓުތަކެއް އެމްއެމްއޭ އިން މިއަދު ނެރެފި އެވެ. މިއީ ސެޕްޓެމްބަރު 8، 2019 ގައި މަރުކަޒީ ބޭންކްގެ ގަވަރުނަރުކަމާ ކުރީގެ ފިނޭންސް މިނިސްޓަރު އަލީ ހާޝިމް ހަވާލުވެވަޑައިގަތް ފަހުން ނޫޓުގައި ސޮއިކުރެއްވި ފުރަތަމަ ފަހަރެވެ.

އެ ނޫޓުތައް ޗާޕު ކުރުމަށް ފަހު ރާއްޖެ ގެނައީ މިދިޔަ އަހަރުގެ އޮކްޓޯބަރު މަހުގެ 13 އިގަ އެވެ. ނަމަވެސް މިހާރު ދައުރުވާ 20ރ. ގެ ފައިސާ ނޫޓުގެ ތެރެއަށް އާ ނޫޓުތައް ދައުރުކުރަން ފެށީ މިއަދެވެ.

އާ ނޫޓުތަކެއް ޗާޕުކުރީ 20ރ. ގެ ނޫޓުގެ ސްޓޮކް ދަށްވުމާ ގުޅިގެން ކަމަށް އެމްއެމްއޭ އިން ބުންޏެވެ. އެ އިދާރާ އިން ލަފާކުރާ ގޮތުގައި 2015 ވަނަ އަހަރު ގެނައި 20ރ. ގެ ނޫޓުތަކުގެ ސްޓޮކް މި މަހުގެ ނިޔަލަށް އެއްކޮށް ހުސްވާނެ އެވެ.

"އިގްތިސާދަށް ބޭނުންވާ ވަރަށް އަބަދުވެސް ސްޓޮކުގައި ނޫޓު ހުންނަން ޖެހޭ. ދެހާސް ސޯޅަވަނަ އަހަރު ރަންދިހަ ފަހެއް ތައާރަފު ކުރަން 2015 ވަނަ އަހަރު ގެނައި ސްޓޮކް މި މަސް ނިމެންވާއިރަށް ހުސްވާނެ. އެހެންވެ އާ ސްޓޮކެއް ގެނައީ،" މަރުކަޒީ ބޭންކުން ބުންޏެވެ.

އާ ނޫޓުތަކުގައިވާ ތާރީހަކީ 1 ޖުލައި 2020 (10 ޒުލްގައިދާ 1441) އެވެ.