ސީލައިފްގެ މެނޭޖިން ޑިރެކްޓަރު އަހުމަދު މޫސާ (އައްމަޓީ) ބަންދުން ދޫކޮށްލި މައްސަލަ އަންނަ އާދިއްތަ ދުވަހު ނިންމަން ސުޕްރީމް ކޯޓުން ހަމަޖައްސައިފި އެވެ.
21 އެޕްރީލް 2022
ސީލައިފްގެ މެނޭޖިން ޑިރެކްޓަރު އަހުމަދު މޫސާ (އައްމަޓީ) ބަންދުން ދޫކޮށްލި މައްސަލަ އަންނަ އާދިއްތަ ދުވަހު ނިންމަން ސުޕްރީމް ކޯޓުން ހަމަޖައްސައިފި އެވެ.
ޚިޔާނާތުގެ ގިނަ ދައުވާތަކެއް އުފުލާފައިވާ އައްމަޓީ މިދިޔަ މަހު ކްރިމިނަލް ކޯޓުން ބަންދުން ދޫކޮށްލި މައްސަލަ ހައި ކޯޓުގައި އިސްތިއުނާފް ކުރުމުން އެ ކޯޓުން އެ މައްސަލަ ނިންމީ ބޭރުކޮށްލުމަށެވެ.
އެ މައްސަލަ ދައުލަތުން ސުޕްރީމް ކޯޓުގައި އިސްތިއުނާފް ކުރުމުން އެ މައްސަލާގެ އަޑުއެހުންތައް މި ހަފުތާގައި ވަނީ ނިންމާލައިފަ އެވެ. އެ މައްސަލަ ނިންމަން ހަމަޖައްސާފައިވަނީ އާދިއްތަ ދުވަހު ހެނދުނެވެ.
ހައި ކޯޓުން އައްމަޓީގެ މައްސަލަ ބޭރުކޮށްލީ އިސްތިއުނާފް މުއްދަތުގެ ގޮތުގައި އެ ބާވަތުގެ މައްސަލަތަކަށް އޮންނަ 48 ގަޑިއިރުގެ މުއްދަތު ހަމަވެފައިވާތީ އެވެ. ދައުލަތުން ބުނާގޮތުން 48 ގަޑިއިރު ގުނަން ޖެހޭނީ ދަށު ކޯޓުން އެ ނިންމުމެއް ނިންމާ ދުވަސް ނުހިމަނަ އެވެ. އެކަމަކު ހައި ކޯޓުން ނިންމީ ދަށު ކޯޓުގެ ނިންމުން ނިންމާ މިނެޓުން ފެށިގެން މުއްދަތު ހިނގަން ފަށާނެ ކަމަށެވެ.
މި މައްސަލާގައި ޕްރޮސެކިއުޓާ ޖެނެރަލް ހުސައިން ޝަމީމް އަމިއްލަ ބްލޮގާއި ޓްވީޓާގައި ވާހަކަ ދައްކަވާފައިވާތީ އެ މައްސަލަ ނިމެންދެން ދައުލަތުގެ އެއްވެސް ވެރިއަކު އެ މައްސަލައާ ގުޅޭ ވާހަކަ ނުދައްކަން ސުޕްރީމް ކޯޓުން އޮތީ އަމުރެއް ވެސް ނެރެފަ އެވެ.
އައްމަޓީ ދޫކޮށްލި މައްސަލަ އަލުން ބަލަން އަމުރުކޮށްފި
އައްމަޓީ ފުރުން މަނާކުރަން ސުޕްރީމް ކޯޓުން އަމުރެއް
އައްމަޓީ ބޭރަށްދާން ހުއްދަ ދިނީ ރަނގަޅަށް: ހައިކޯޓް
އައްމަޓީ ފުރުން މަނާކުރަން ހައި ކޯޓުން ވަގުތީ އަމުރެއް
ކޯޓުން ހުއްދަ ދިނަސް، އައްމަޓީއަށް ލަންކާއަށް ނުދެވުނު
ހައި ކޯޓުން ވެސް މިފަހަރު އައްމަޓީ ބަންދެއް ނުކުރި
އެއްވެސް އިރަކު ފިލައިގެނެއް ނޫޅެން: އައްމަޓީ
އައްމަޓީގެ މައްސަލާގެ ހުކުމް މުރާޖައާ ކުރަން އެދެނީ
އައްމަޓީ މައްސަލާގައި ޕީޖީ ފާޑުކިޔުން ހުއްޓުވަން އެދެފި
އައްމަޓީ ދޫކޮށްލި މައްސަލަ ހައި ކޯޓުން މާދަމާ ނިންމަނީ