ބާވެފައިވާ އެޕްތައް އެޕް ސްޓޯރުން ބޭރުކުރަނީ

ބާވެފައިވާ އެޕްތައް އެޕް ސްޓޯރުން އަނެއްކާ ވެސް ބޭރުކުރަނީ

26 އެޕްރީލް 2022

އެޕަލް އެޕް ސޯޓްރުގައި ހުރި އެޕްތަކުގެ ތެރެއިން އަޕްޑޭޓްނުވެ، ގިނަ ދުވަސްވެފައިވާ އެޕްތައް ރިމޫވް ކުރާނެ ކަމުގެ އިންޒާރު އަނެއްކާ ވެސް އެ ކުންފުނިން ދީފި އެވެ.

މީގެ ކުރިން 2016 ވަނަ އަހަރު އެޕަލް އިން ވަނީ، ބާވެފައިވާ އެޕްތައް، އެޕް ސްޓޯރުން ރިމޫވްކުރާނެ ކަމުގެ އިންޒާރު ދީފަ އެވެ.

އަޕްޑޭޓްނުވެ، ގިނަ ދުވަސްވެފައިވާ އެޕްތަކުގެ ޑިވެލޮޕަރުންނަށް އެޕަލް އިން މިދިޔަ ހޯމަ ދުވަހު ފޮނުވި އީމެއިލްއެއްގައި ބުނީ ކުރިއަށް އޮތް 30 ދުވަހުގެ ތެރޭގައި އާ އަޕްޑޭޓެއް ރިވިއުކުރަން ނުފޮނުވައިފި ނަމަ، އެޕްތައް ރިމޫވް ކުރާނެ ކަމަށެވެ.

I feel sick. Apple just sent me an email saying they're removing my free game Motivoto because its more than 2 years old.

It's part of their App improvement system.

This is not cool. Console games from 2000 are still available for sale.

This is an unfair barrier to indie devs. pic.twitter.com/7XNcLfiEcR
— Protopop Games (@protopop) April 23, 2022

އެޕް ސްޓޯރުން އެ އެޕްތައް ރިމޫވް ކުރިޔަސް، އޭގެ ކުރިން ޑައުންލޯޑްކޮށްފައިވާ ނަމަ އެ އެޕް އަދިވެސް ބޭނުންކުރެވޭނެ ކަމަށް ވެސް ބުންޏެވެ.

އެޕަލްގެ އެ ނިންމުމާ ގުޅިގެން ބައެއް ޑިވެލޮޕަރުން ވަނީ ކަންބޮޑުވުން ފާޅުކޮށްފަ އެވެ. ބައެއް ޑިވެލޮޕަރުން ބުނާ ގޮތުގައި ބައެއް އެޕްތައް އަޕްޑޭޓް ނުވިޔަސް، އެއްވެސް މައްސަލައެއް ދިމާނުވެ މިހާރު ވެސް ގިނަ ބަޔަކު އެ އެޕްތައް ބޭނުންކުރަމުން އަންނައިރު، އެ ރިމޫވްކުރުމަކީ ކޮށްގެން ވާނެ ކަމަށް ނޫން ކަމަށެވެ.

Comments