ރާޖަޕަކްސަގެ ދެ ގެއަކާއި އެތަންމިތަނުގައި ހުޅުޖަހައިފި

09 މެއި 2022

ސްރީލަންކާގައި މިހާރު ހިނގަމުންދާ ހަމަނުޖެހުންތަކުގެ ތެރެއިން، މިއަދު އިސްތިއުފާ ދެއްވި ބޮޑުވަޒީރު މަހިންދަ ރާޖަޕަކްސަގެ ގެކޮޅެއްގަ އާއި އެ އާއިލާގެ ގެޔަކާއި އެތަންމިތަނުގައި ރޯކޮށް އަންދާލައިފި އެވެ.

މުއިއްޒު އިބްރާހިމް

ލަންކާ ސަރުކާރާ ދެކޮޅަށް ކުރަމުންދިޔަ ސިލްސިލާ މުޒާހަރާތައް މިއަދު ހޫނުވެ، ސަރުކާރަށް ތާއީދުކުރާ ސަޕޯޓަރުންނާއި މުޒާހަރާގެ ބައިވެރިންނާ ދެމެދު ހިނގި ހަމަނުޖެހުންތަކަށްފަހު ރާޖަޕަކްސަ މިއަދު ވަނީ ބޮޑުވަޒީރުކަމުން އިސްތިއުފާ ދެއްވައިފަ އެވެ. އެކަމަކު ހުޅު ޖެހުމާއި ހަމަނުޖެހުންތައް ދަނީ ކުރިއަށެވެ.

މިރޭ ރޯކޮށްލީ ކުރުނަގަލާގައި ހުންނަ ރާޖަޕަކްސަގެ އަމިއްލަ ގެކޮޅެއްގަ އެވެ. މީގެ އިތުރުން ހަމްބަންޓޯޓާގައި ހުންނަ ރާޖަޕަކްސަ އާއިލާގެ އެހެން ގެއެއްގައި ވެސް ވަނީ ރޯކޮށްލައިފަ އެވެ. ފޮޓޯތަކުން ފެންނަ ގޮތުގައި އެ ގެ ވަނީ އެއްކޮށް އަނދައި ހުލިވެފަ އެވެ.

Update: PM Mahinda Rajapaksa’s residence in Kurunagala set on fire. pic.twitter.com/LaHOKztt27
— DailyMirror (@Dailymirror_SL) May 9, 2022

ރާޖަޕަކްސަގެ ގެކޮޅެއްގައި ރޯކޮށްލާފައި

ރާޖަޕަކްސަ --ފޮޓޯ:އޭއެފްޕީ

ބެލެވޭ ގޮތުގައި ރާޖަޕަކްސަ އަދިވެސް ހުންނެވީ ބޮޑުވަޒީރުގެ ރަސްމީ ގެކޮޅު ޓެމްޕަލް ޓްރީގަ އެވެ. އެ ސަރަހައްދާ މުޒާހަރާގެ ބައިވެރިން ކައިރިވިޔަ ނުދިނުމަށް ފުލުހުން ދަނީ ކަރުނަ ގޭސް ޖަހަމުންނެވެ.

Ancestral home of the Rajapaksa family in Medamulana, Hambantota set on fire by protesters. pic.twitter.com/QIEnREphjq
— NewsWire ?? (@NewsWireLK) May 9, 2022

ރާޖަޕަކްސަގެ އުފަން ސަރަހައްދު ހަމްބަންޓޯޓާގައި ހުރި އޭނާގެ އާއިލީ ގެއެއްގައި ރޯކޮށްލާފައި

ރާޖަޕަކްސައާ އެކު ހުރިހާ ވަޒީރުން އިސްތިއުފާ ދީފައިވާއިރު، ކުރީގެ ވަޒީރުންނާއި ސަރުކާރަށް ނިސްބަތްވާ މަޖިލިސް މެމްބަރުންގެ ގޭގޭގައި ވެސް ދަނީ ހުޅު ޖަހައި، ގެއްލުން ދެމުންނެވެ. އަދި އެއް މެމްބަރަކަށް ހަމަލާދޭން އުޅުމުން އޭނާ ވަނީ އަމިއްލައަށް މަރުވެފަ އެވެ.