29 ސެޕްޓެމްބަރ 2022
ފިނޭންސް މިނިސްޓްރީގެ ޑެޕިއުޓީ މިނިސްޓަރުގެ މަގާމުން ފިރުޒުލް ފިރާޒު މިއަދު އިސްތިއުފާ ދެއްވައިފި އެވެ.
އާސިމާ ނިޒާރު
ފިނޭންސް މިނިސްޓްރީގެ ޑެޕިއުޓީ މިނިސްޓަރުގެ މަގާމުން ފިރުޒުލް ފިރާޒު މިއަދު އިސްތިއުފާ ދެއްވައިފި އެވެ.
އޭނާ "މިހާރު" އަށް ވިދާޅުވީ ޖެނުއަރީ، 2019 ގައި ރައީސް އިބްރާހިމް މުހައްމަދު ސޯލިހު އައްޔަންކުރެއްވި މަގާމުން ވަކިވެވަޑައިގަތީ އަމިއްލަ ދިރިއުޅުމުގެ ކަންކަން ހުރި ގޮތުން މަސައްކަތަށް އެކަށީގެންވާ ވަގުތު ނުދެވުމުގެ ސަބަބުން ކަމަށެވެ.
ފިނޭންސް މިނިސްޓްރީގައި އޭނާ ހުންނެވީ ސަރުކާރު ހިއްސާވާ ކުންފުނިތައް ބެލެހެއްޓެވުމުގަ އެވެ.
Thank you Firzul for your invaluable contribution to the work of MoF in the last few years. Your hard work and dedication is very much appreciated. Best wishes for your future endeavors.
— Ibrahim Ameer (@iameeru) September 29, 2022
ފިރުޒުލް އަކީ އެމްޑީޕީގެ ވިލިމާލެ ދާއިރާގެ ވެސް ރައީސެވެ. އޭނާ ވިދާޅުވީ މަގާމުން އިސްތިއުފާ ދެއްވި ނަމަވެސް ރައީސް އިބްރާހިމް މުހައްމަދު ސޯލިހު ދެ ވަނަ ދައުރަކަށް އިންތިހާބު ކުރުމަށް މަސައްކަތްކުރައްވާނެ ކަމަށެވެ.
މަގާމުން އިސްތިއުފާ ދެއްވައި ފިރުޒުލް ކުރެއްވި ޓްވީޓަށް ޖަވާބު ދެއްވައި ފިނޭންސް މިނިސްޓަރު އިބްރާހިމް އަމީރު ވަނީ އޭނާ ކުރެއްވި މަސައްކަތްތަކަށް ޝުކުރު އަދާކުރައްވައިފަ އެވެ.
ޑެޕިއުޓީ މިނިސްޓަރުކަމުން ފިރުޒުލް އިސްތިއުފާ ދެއްވިއިރު، ދައުލަތުގެ ފައިނޭންސް ކޮންޓްރޯލަރުގެ މަގާމުގައި ހުންނެވި ފާތުމަތު ރަޒީނާ ވެސް ވަނީ މި ފަހުން އިސްތިއުފާ ދެއްވައިފަ އެވެ. އެ މަގާމުގައި ހަ އަހަރު ހުންނެވުމަށްފަހު ވަކިވެވަޑައިގެންނެވީ ފައިނޭންސްގެ ދާއިރާއިން ޕީއެޗްޑީ ހާސިލްކުރެއްވުމަށެވެ.
ސިޔާސީ މުވައްޒަފުންގެ މުސާރައަކީ ބަޖެޓުގެ އެއް ޕަސެންޓް
ނަސީރު އަނެއްކާވެސް ފިނޭންސްމިނިސްޓަރުގެ އެޑްވައިޒަރަކަށް
ޒަމީރު ފިނޭންސަށް އައްޔަންކޮށް ކެބިނެޓަށް ބަދަލުތަކެއް
ޒަމީރު ފިނޭންސް މިނިސްޓަރަކަށް ބަދަލުކުރަނީ!
މުނައްވަރާއި ނަސީރު އޮފީހަށް ފުލްކޮށް ވަޑައިގަންނަވާނެ!
ފިނޭންސް މިނިސްޓްރީގެ ސްޓޭޓް މިނިސްޓަރަކަށް އަނަސް
ފިނޭންސްގެ ނައިބަކަށް ބޭފުޅަކު އައްޔަންކުރައްވައިފި
ފިނޭންސް މިނިސްޓްރީގެ ނައިބަކަށް އާ ބޭފުޅެއް
ތެލުގެ ހަރަދު ކޮންޓްރޯލްކުރަން ފިއުލް ހެޖިން ހިމަނައިފި
ހައި ކޯޓުން ބަލައިނުގަތް ރާޣިބް ކްރިމިނަލް ކޯޓުގައި
