ކޭޝް ކާޑުން ބަހަށް ފައިސާ ދެއްކޭގޮތް ހަދަނީ

ކޭޝް ކާޑުން ބަސްތަކަށް ފައިސާ ދެއްކޭ ގޮތް ހަދަނީ

31 ޑިސެމްބަރ 2022

ކޭޝް ކާޑުން ބަހަށް ފައިސާ ދެއްކޭނެ ގޮތް ހަދަން ނިންމައި، އެ ހިދުމަތް ޓެސްޓުކުރަން އެމްޓީސީސީން ފަށައިފި އެވެ.

އިފްރާޒް އަލީ

އެ ކުންފުނިން ބުނީ، އާރްޓީއެލް ބަހުގެ ހިދުމަތް ބޭނުންކުރާ ކަސްޓަމަރުންނަށް ކޭޝް ކާޑުން ބަހަށް ފައިސާ ދެއްކޭނެ އިންތިޒާމު ހަމަޖެއްސުމުގެ ގޮތުން، އެ ހިދުމަތް ޓެސްޓުކުރުމުގެ ފުރުސަތު އާންމުކޮށް ހުޅުވާލަން ނިންމާފައިވާ ކަމަށެވެ.

އެ ހިދުމަތް ޓެސްޓުކުރުން އޮންނާނީ މާދަމާ އާއި އޭގެ އަނެއް ދުވަހު އެވެ.

އެ ޓެސްޓު ބުރުގައި، މާލެ ތެރޭގައި ދުއްވާ އެކި ބަސްތަކުގައި މާސްޓާ ކާޑާއި ވިސާ ކާޑުގެ ކޮންޓެކްޓް ލެސް ކާޑު ބޭނުންކޮށްގެން ފައިސާ ދެއްކޭނެ ކަމަށް އެމްޓީސީސީން ބުންޏެވެ.

Do you wish to travel in our #RTLBus using master card/visa card ? If so, here is your chance. Participate in our trial run scheduled from 1- 2nd Jan 2023 in Male' City.#ConnectingRaajje pic.twitter.com/6ufQV39Vac
— MTCC Plc (@MTCCPlc) December 31, 2022

މާލޭ ތެރޭގައި ކުރާ ބަސް ދަތުރުތަކުގައި ނަގަނީ މީހަކަށް 7ރ. އެވެ.

ބަހުގެ ހިދުމަތަށް މިހާރު ފައިސާ ދެއްކެނީ އޮންލައިން ޕޯޓަލް މެދުވެރިކޮށް ނުވަތަ ބަސް ކާޑު ބޭނުންކޮށްގެންނެވެ.

އެމްޓީސީސީން އަންނަނީ މާލެ އާއި ލ. އަތޮޅާއި އައްޑޫ އަދި ފުވައްމުލަކުގައި މިނީ ބަހުގެ ހިދުމަތް ދެމުންނެވެ. މާލެ ސަރަހައްދުގެ އެހެން ބަސް ދަތުރުތައް ވެސް ކުރަނީ އެ ކުންފުނިންނެވެ. ދަތުރުފަތުރުގެ ނިޒާމަކުން މުޅި ރާއްޖެ ގުޅާލުމަށް ފެށި އާރްޓީއެލް ފެރީގެ ހިދުމަތް ވެސް އުތުރުގެ ފަސް އަތޮޅެއްގައި މިހާރު ވަނީ ފަށައިފަ އެވެ.

Comments