ފިލިޕިންސްގައި ދިވެއްސަކު އެކްސިޑެންޓްވެ ހާލު ސީރިއަސް

ފިލިޕީންސްގެ ސެބޫގައި ހިނގި އެކްސިޑެންޓެއްގައި ދިވެހި ޒުވާނެއްގެ ހާލު ސީރިއަސްވެ، އައިސީޔޫގައި ފަރުވާ ދޭން ފަށައިފި އެވެ.

އެނގިފައިވާ ގޮތުގައި ލުހެއިމް ނަމަކަށް ކިޔާ ޒުވާނަކު ދުއްވި ސައިކަލެއް ކޮންޓްރޯލް ނުވެ، މިދިޔަ ހުކުރު ދުވަހުގެ ރޭ ހިނގި އެކްސިޑެންޓުގައި އޭނާގެ ދެ ފައި ވަނީ ބިނދިފަ އެވެ. އެކްސިޑެންޓަށް ފަހު އޭނާ އަދިވެސް ހެޔެއް ނާރަ އެވެ.

ފުވައްމުލަކަށް އުފަން ލުހައިމް ޕިލިޕީންސް އަށް ގޮސް އުޅެނީ ޕައިލެޓް ޓްރެއިނިން ހަދާށެވެ. އޭނާ ވަނީ ޓްރެއިނިންގެ ބޮޑު ބައެއް ވެސް ފުރިހަމަކޮށްފަ އެވެ.

އެކްސިޑެންޓް ހިނގުމާ އެކު އެ އާއިލާގެ މީހުން ވަނީ އެ ގައުމަށް ގޮސްފަ އެވެ. އާއިލާއިން މަސައްކަތްކުރަނީ ލުހައިމް އަށް އިތުރު ފަރުވާ ދިނުމަށް އިންޑިއާ އަށް ގެންދިއުމަށް ކަމަށްވެ އެވެ.