ފަސް އަހަރަށް ފަހު އެޗްބީއޯގެ "ސަކްސެޝަން" ނިމުމަކަށް!

އެޗްބީއޯ އިން ގެނެސްދިން މަޝްހޫރު ސީރީޒް "ސަކްސެޝަން" ފަސް އަހަރު ފަހުން ނިންމާލައިފި އެވެ.

ކާމިޔާބު ހަތަރު ސީޒަން އަދި މިހާތަނަށް "ބެސްޓް ޑްރާމާ"ގެ އެވޯޑު އެމީ އެވޯޑްސްގައި ދެ ފަހަރަށް ހޯދާފައިވާ މި ސީރީޒްގެ ފަހު އެޕިސޯޑް އެޗްބީއޯ އިން ގެނެސްދިނީ މިދިޔަ އާދިއްތަ ދުވަހު އެވެ.

މި ސީރީޒް ބިނާކޮށްފައި ވަނީ ރޯއީ އާއިލާ އަށެވެ. "ވޭސްޓާ ރޯއީކޯ" ނަމަކަށް ކިޔާ ބައިނަލްއަގުވާމީ މީޑިއާ އަދި މުނިފޫހިފިލުވުމުގެ މަސައްކަތް ކުރާ ކުންފުންޏެއް އެ އާއިލާގެ ދަށުން ހިންގަ އެވެ. މި ސީރީޒްގައި ރޯއީ އާއިލާގެ އެންމެ އިސް މީހާ ކަމަށްވާ އެ އެންމެންގެ ބައްޕަ ލޯގަން ރޯއީ (ބްރާޔަން ކޮކްސް) ބަލިހާލަތު ގޯސްވާތީ އާއިލީ ވިޔަފާރީގެ ކޮންޓްރޯލް ގެއްލުނަ ނުދޭން އެމީހުން ކުރާ މަސައްކަތް ފެނެ އެވެ.

ފަހު ސީޒަންގައި ލޯގަން މަރުވުމުން، އެ ކުންފުނީގެ ބޯޑުން ހިންގުމާ ހަވާލުވާނީ ކާކުތޯ ކަނޑައަޅަން މަސައްކަތް ކުރެ އެވެ. ސީރީޒް ނިމުނީ ރޯއީ އާއިލާގެ ހަމައެކަނި އަންހެން ދަރިފުޅު ޝަވާން ރޯއީ (ސާރާ ސްނޫކް)ގެ ފިރިމީހާ ޓޮމް ވޭމްބްސްގަންސް (މެތިއު މެކްފޭޑަން) އަށް ކުންފުނީގެ ހިންގުން ލިބުމާއެކު އެވެ.

ޖެސީ އާމްސްޓްރޯންގް އުފައްދާފައިވާ މި ސީރީޒް ޑައިރެކްޓުކޮށްފައި ވަނީ މާކް މައިލޮޑް އެވެ.