ހުވަދުއަތޮޅުގައި އާރްޓީއެލް ފެރީގެ ހިދުމަތް ފަށައިފި

13 ޖުލައި 2023

"އިންޓަގްރޭޓެޑް ނޭޝަނަލް ޕަބްލިކް ފެރީ ނެޓްވޯކް" މަޝްރޫއުގެ ދެވަނަ ފިޔަވަހީގައި ހިމެނޭ ޒޯން 5 ގެ ގއ. އަދި ގދ. އަތޮޅުގައި އާރްޓީއެލް ލޯންޗު ފެރީގެ ހިދުމަތް މިއަދު ފަށައިފި އެވެ.

އައިޝަތު ޖަޒްލީ

މި ހިދުމަތް އަންނަ ބުދަ ދުވަހުގެ ނިޔަލަށް ހިލޭ ލިބޭނެ އެވެ. ހަފްތާއެއްހާ ދުވަހުގެ މުއްދަތަށް މި ހިދުމަތް ހިލޭ ދޭން ނިންމީ ކަސްޓަމަރުން ފެރީ ޝެޑިއުލަށް އަހުލުވެރިކޮށް، މި ހިދުމަތް ރަނގަޅަށް ތަޖުރިބާކުރުމުގެ ފުރުސަތު ދިނުމަށްކަމަށް އެމްޓީސީސީން ބުންޏެވެ. އެމްޓީސީސީން ބުނީ އެ ކުންފުނިން އުއްމީދު ކުރަނީ ގިނަ ބަޔަކަށް މި ހިދުމަތް ތަޖުރިބާކުރަން ލިބި، ހިދުމަތުގެ ފެންވަރު ރަނގަޅުކުރުމަށް ގިނަ ބައެއްގެ ހިޔާލު ލިބޭނެ ކަމަށެވެ.

ހުވަދު އަތޮޅުގައި އާރުޓީއެލް ފެށުމުގެ ގޮތުން އެމްޓީސީސީގެ ސީއީއޯ އާދަމް އާޒިމާ އެކު އެ ކުންފުނީގެ ޓީމު އެ އަތޮޅުގައި-- ފޮޓޯ: އެމްޓީސީސީ

ހިލޭ ދަތުރުތައް ކުރާ މުއްދަތުގައި ޖާގަ ހޯދަން ގުޅަން ޖެހޭނީ އެ ރަށެއްގެ ކައުންސިލަށެވެ. ހިދުމަތަށް އަގު ނަގަން ފެށުމުން ފެރީން ޖާގަ ލިބޭނީ ޓިކެޓު ގަތުމަށް ހާއްސަކޮށްފައިވާ ވެބްސައިޓް ނުވަތަ އާރްޓީއެލް ޓްރެވެލް އެޕް މެދުވެރިކޮށެވެ.

އާރްޓީއެލް ފެރީގެ ހިދުމަތް އެންސްޕާގައި ރަޖިސްޓްރީވެފައިވާ ހާއްސަ އެހީއަށް ބޭނުންވާ މީހުންނަށް ހިލޭ ލިބޭނެ އެވެ.

We have commenced RTL Ferry Services in Ga and Gdh Atoll on 13th July 2023. We will conduct free of cost travel for 1 week duration. The purpose of the trial period is to facilitate customer awareness and familiarity. With the cessation of the trial period, from 20th July 2023… pic.twitter.com/y51PbMacZt
— MTCC Plc (@MTCCPlc) July 13, 2023

އެމްޓީސީސީން ބުނި ގޮތުގައި މި އަތޮޅުތަކުގައި ދަތުރު ކުރާ އާރްޓީއެލް ފެރީތަކަކީ ޖުމްލަ 50 ފަސިންޖަރުންގެ ޖާގައިގެ އެއާކޮންޑިޝަން ކޮށްފައިވާ ފެރީތަކެކެވެ. އަދި ފެރީގައި މަސައްކަތް ކުރާ މުވައްޒަފުންނަކީ އެކަމަށް ފުރިހަމަ އަށް ތަމްރީނުކޮށްފައިވާ މުވައްޒަފުންނެވެ.

Comments