އެމެރިކާއިން ރާއްޖެއަށް ހާއްސަކޮށް ފުރަތަމަ ފަހަރަށް ސަފީރެއް

ރާއްޖެއަށް ހާއްސަކޮށް އެމެރިކާއިން ކަނޑައެޅި ފުރަތަމަ ސަފީރު އޭނާގެ މަގާމުގެ ހުވާކުރައްވައިފި އެވެ.

އެމެރިކާއިން ކުރިން ރާއްޖެއަށް ސަފީރުން ކަނޑައަޅަނީ ސްރީ ލަންކާ އާއި ރާއްޖެއަށް ހާއްސަކޮށެވެ. އަދި ސަފީރު ހުންނަވަނީ ވެސް ސްރީ ލަންކާގައި ހުންނަ އެމެރިކާގެ އެމްބަސީގަ އެވެ.

ރާއްޖެއަށް ހާއްސަކޮށް އެމެރިކާއިން ކަނޑައެޅި ފުރަތަމަ ސަފީރު ޔޮން ހުގޯ އިއްޔެ ވަނީ މަގާމުގެ ހުވާ ކުރައްވައިފަ އެވެ. އެމެރިކާގެ ސްޓޭޓް ޑިޕާޓްމެންޓުން ބުނީ ރާއްޖެއަކީ މުހިންމު ބައިވެރިއެއް ކަމަށާއި ޔޮންގެ ލީޑާޝިޕްގެ ދަށުން ދެ ގައުމުގެ ގުޅުން ބަދަހިވެގެންދާނެ ކަމަށެވެ.

ރާއްޖެއަށް ހާއްސަކޮށް، އެމެރިކާއިން އަލަށް ސަފީރެއް ކަނޑައެޅިއިރު އެ ގައުމުގެ އެމްބަސީއެއް ވެސް ރާއްޖޭގައި ހުޅުވަން އެ ގައުމުން އޮތީ ނިންމައިފަ އެވެ.