އެއާޕޯޓް އިމިގްރޭޝަންގެ ހިދުމަތް މިއަދު ލަސްވެދާނެ

ޓެކްނިކަލް މައްސަލައަކާ ގުޅިގެން ބައެއް ހިދުމަތްތައް ލަސްވެދާނެ: އެމްއޭސީއެލް

04 ނޮވެމްބަރ 2023

ސިސްޓަމަށް ދިމާވެފައިވާ ޓެކްނިކަލް މައްސަލައަކާ ގުޅިގެން ބައެއް ހިދުމަތްތައް މިއަދު ލަސްވެދާނެ ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓަޑް (އެމްއޭސީއެލް) އިން ބުނެފި އެވެ.

މޫސާ ރަޝީދު

ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް ހިންގާ ކުންފުނިން ބުނީ، ޓެކްނިކަލް މައްސަލައެއް ދިމާވެފައި ވަނީ އިމިގްރޭޝަން ކައުންޓަރުތަކުގައި ބޭނުންކުރާ ސިސްޓަމްތަކަށް ކަމަށެވެ. އޭގެ ސަބަބުން ފަސިންޖަރުންނަށް ހިދުމަތް ދިނުމުގައި ލަސްތަކެއް ވެދާނެ ކަމަށް އެ ކުންފުނިން ބުންޏެވެ.

We are experiencing technical issues at both emigration & immigration counters @VelanaAirport. We expect delays in the passenger process while technical teams are working to resolve the issue. We sincerely apologize for any inconvenience this may cause.
— Maldives Airports Company Ltd - MACL (@MACLmedia) November 4, 2023

އެއާޕޯޓުގެ ފަންނީ މުވައްޒަފުން އެ މައްސަލަ ހައްލު ކުރުމަށް މިހާރު މަސައްކަތް ކުރަމުން އަންނަ ކަމަށް ވެސް އެމްއޭސީއެލް އިން ބުންޏެވެ.

"އެކަމާ ގުޅިގެން ކުރިމަތިވެދާނެ ދަތިތަކަށްޓަކައި މާފަށް އެދެން،" ސަރުކާރު ހިއްސާވާ ކުންފުނިތަކުގެ ތެރެއިން އެންމެ މުއްސަނދި އެ ކުންފުނި އެމްއޭސީއެލް އިން ބުންޏެވެ.

Comments