07 ޑިސެމްބަރ 2023
މިދިޔަ ހުކުރު ދުވަހު ސިނަމާތަކުގައި ދައްކަން ފެށި، ރަންބީރް ކަޕޫރްގެ އާ ފިލްމު "އެނިމަލް" އަށް އެންމެ ހަ ދުވަސް ތެރޭގައި ދުނިޔޭގެ ބޮކްސް އޮފީހުގައި 500 ކްރޯޑް ރުޕީސް (59 މިލިއަން ޑޮލަރު) އަށް ވުރެ ބޮޑު ލިބިއްޖެ އެވެ.
މިދިޔަ ހުކުރު ދުވަހު ސިނަމާތަކުގައި ދައްކަން ފެށި، ރަންބީރް ކަޕޫރްގެ އާ ފިލްމު "އެނިމަލް" އަށް އެންމެ ހަ ދުވަސް ތެރޭގައި ދުނިޔޭގެ ބޮކްސް އޮފީހުގައި 500 ކްރޯޑް ރުޕީސް (59 މިލިއަން ޑޮލަރު) އަށް ވުރެ ބޮޑު ލިބިއްޖެ އެވެ.
ރިޕޯޓްތައް ބުނި ގޮތުގައި، އިއްޔެގެ ނިޔަލަށް މި ފިލްމަށް ވަނީ ދުނިޔޭގެ ބޮކްސް އޮފީހުގައި ޖުމްލަ 587 ކްރޯޑް ރުޕީސް (70 މިލިއަން ޑޮލަރު) ލިބިފަ އެވެ. އޭގެ ތެރެއިން 313 ކްރޯޑް ރުޕީސް (37 މިލިއަން ޑޮލަރު) އަކީ ހަމައެކަނި އިންޑިއާގެ ސިނަމާތަކުގައި ދައްކައިގެން ލިބުނު އާމްދަނީ އެވެ.
"އެނިމަލް" އަކީ 100 ކްރޯޑް ރުޕީސް (11 މިލިއަން ޑޮލަރު)ގެ ބަޖެޓަކުން ހެދި ފިލްމެކެވެ.
މިއީ މި އަހަރު 500 ކްރޯޑް ރުޕީސް (59 މިލިއަން ޑޮލަރު) ހަމަކުރި ބޮލީވުޑްގެ ހަތަރު ވަނަ ފިލްމެވެ. ކުރިން މި ވަރުގެ އާމްދަނީއެއް ލިބުނީ ޝާހްރުކް ހާންގެ "ޖަވާން" އާއި "ޕަތާން" އަދި ސަނީ ޑިއޯލްގެ "ގަދަރް 2" އަށެވެ.
ރަންބީރުގެ ފިލްމީ ކެރިއަރުގައި އޭނާ އަށް އެންމެ ބޮޑު އާމްދަނީއެއް ލިބުނު ފިލްމަށް ވެސް "އެނިމަލް" މިހާރު ވަނީ ވެފަ އެވެ.
"އެނިމަލް" އަކީ ދަރިއެއްގެ ހިތުގައި ބައްޕައަށް އޮތް ލޯތްބާ އަދި ބަދަލުގައި ދަރިފުޅަށް ބައްޕަގެ ފަރާތުން ބޭނުންވި ލޯބި އެންމެ ރަނގަޅަށް ނުލިބުމުން، ދެބަފައިންގެ މެދުގައި ހިނގާ ކަންތައްގަނޑެއް ދައްކާ އެކްޝަން ފިލްމެކެވެ. މި ފިލްމުގައި އެކްޝަންގެ ވަރުގަދަ އަދި ވަރަށް އަނިޔާވެރި މަންޒަރުތަކެއް ހިމެނެ އެވެ.
މި ފިލްމަކީ "ކަބީރް ސިންގް" އާއި "އަރުޖުން ރެއްޑީ" ކަހަލަ ފިލްމުތައް ހެދި ސަންދީޕް ވެންގާ ރެއްޑީގެ ޑައިރެކްޝަނެކެވެ.
ރަންބީރްއާ އެކު "އެނިމަލް"ގެ މުހިންމު ރޯލުތައް ކުޅުނީ ރަޝްމީކާ މަންދަނާ، އަނިލް ކަޕޫރް، ބޮބީ ޑިއޯލް އަދި ތުރިޕްތީ ދިމްރީ އެވެ.
މިއީ ޓީ ސީރީޒް އާއި ސިނޭ ވަން ސްޓޫޑިއޯސް އަދި ބަދުރަކަލީ ޕިކްޗާސް ގުޅިގެން ޕްރޮޑިއުސްކުރި ފިލްމެކެވެ.
"އެނިމަލް"ގެ ދެވަނަ ބައި 2026 ގައި
"އެނިމަލް" މިއަދު ނެޓްފްލިކްސް އަށް
ލަވް އެންޑް ވޯ: ބަންސާލީގެ އާ ފިލްމު
މިދިޔަ އަހަރަކީ ބޮލީވުޑަށް އެންމެ ކާމިޔާބު އަހަރު
"އެނިމަލް"ގައި ހިމެނި ލަވައަކަށް ހާއްސަ ސަމާލުކަމެއް
ރަންބީރުގެ "އެނިމަލް"އަށް ފާޑުކިޔުން
ލޯބީގެ އެކި ރަހަތަކާ އެކު ރަންބީރްގެ އެންތޮލޮޖީއެއް
ބޮލީވުޑްގެ ޚަބަރުތައް ކުރުކޮށް
50 އަހަރުތެރޭ ސިނަމާތައް ހުއްޓިދާނެ: ނަސީރުއްދީން
"ހަސީން ދިލްރުބާ"ގެ ދެވަނަ ބައި އަންނަ މަހު