ހިފްޒުކުރާނީ 30 މިސްކިތެއްގައި, ކުރުކޮށް 18 މިސްކިތުގައި ތަރާވީސް ކުރާނެ

މާލޭ ސަރަހައްދުން ހިފްޒުކޮށް ތަރާވީހް ނަމާދު ކުރާނީ 30 މިސްކިތެއްގައި ކަމަށާއި ހިފްޒުނުކޮށް 18 މިސްކިތެއްގައި ކުރާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.

މިނިސްޓްރީން ބުނި ގޮތުގައި ހިފްޒުކޮށް ތަރާވީސްކުރާ ތަންތަނުގެ ގޮތުގައި ހިމެނެނީ މާލެއިން 18 މިސްކިތަކާއި ވިލިމާލެއިން އެއް މިސްކިތް އަދި ހުޅުމާލެއިން 11 މިސްކިތެކެވެ.

ހިފްޒުނުކޮށް ތަރާވީސް ކުރާ 18 މިސްކިތުގެ ތެރޭގައި ހިމެނެނީ މާލޭގެ 13 މިސްކިތެކެވެ. އަދި ވިލިމާލެއިން ދެ މިސްކިތަކާއި ހުޅުމާލެއިން ތިން މިސްކިތެއްގައި ވެސް ތަރާވީސްކުރާނީ ހިފްޒު ނުކޮށް ކަމަށް މިނިސްޓްރީން ބުނެ އެވެ.

ހިފްޒުކޮށް ތަރާވީސްކުރާ ތަންތަން:

● މަސްޖިދުއްސުލްތާން މުހައްމަދު ތަކުރުފާނުލް އައުޒަމް

● މަސްޖިދު މަލިކު ސަލްމާން

● މަސްޖިދުލްސުލްތާން މުހައްމަދު ބިން އަބްދުﷲ

● މަސްޖިދުލް ފުރުގާން

● މަސްޖިދު ޝަހީދު އަލީ

● ތައިބާ މިސްކިތް

● ދުނބުރި މިސްކިތް

● ފަނޑިޔާރު މިސްކިތް

● މަސްޖިދު ސަލާހުއްދީން

● މަސްޖިދު ޖަލާލުއްދީން

● އިބްރާހިމް މިސްކިތް

● އިސްކަންދަރު މިސްކިތް

● މާވެޔޮ މިސްކިތް

● ރަން މިސްކިތް

● ފައިފުހޭ މިސްކިތް

● ދިއްލީ މިސްކިތް

● ޒިކްރާ މިސްކިތް

● ވިލިމާލޭ ސޮނީ މިސްކިތް

● މަސްޖިދުލް އަސްދީގާ (ހުޅުމާލެ ފޭސް 1)

● މަސްޖިދު ރަޝީދު (ހުޅުމާލެ ފޭސް 1)

● ޝައިހް ގާސިމް ބިން މުހައްމަދު އަލްތާނީ މިސްކިތް ( ހުޅުމާލޭ ފޭސް 1)

● މަސްޖިދު އަޒީޒާ މޫސާ (ހުޅުމާލޭ ފޭސް 1)

● މަސްޖިދު މުހައްމަދު (ހުޅުމާލޭ ފޭސް 1)

● ހުޅުމާލޭ ވަގުތީ މިސްކިތް (ހުޅުމާލޭ ފޭސް 1)

● އަބީބަކުރު ބިން ސިއްދީގު މިސްކިތް (ހުޅުމާލޭ ފޭސް 2)

● މަސްޖިދު އުސްމާން ބިން އައްފާން (ހުޅުމާލޭ ފޭސް 2)

● މަސްޖިދު އަމީލް ޖަމީލް (ހުޅުމާލޭ ފޭސް 2)

● މަސްޖިދުލް ވާލިދައިނި (ހުޅުމާލޭ ފޭސް 1)

● މަސްޖިދު ހަސަން އާދަމް

ހިފްޒުނުކޮށް ތަރާވީސްކުރާ މިސްކިތްތައް:

● ބަންޑާރަ މިސްކިތް

● މާފަންނު އާ މިސްކިތް

● ވަގުތީ މިސްކިތް (ބޮޑުގެ)

● މަސްޖިދު ޔޫސުފުލް ބަރުބަރީ

● މާލޭ ހުކުރު މިސްކިތް

● މަސްޖިދުލްސުލްތާނުލް އާދިލް

● އާސަހަރާ މިސްކިތް

● ޒިޔާރާތް މިސްކިތް

● އީދު މިސްކިތް

● މަސްޖިދުލް ބިއްރި (ވިލިމާލެ)

● މަސްޖިދުއް ސަލާމް (ވިލިމާލެ)

● މަސްޖިދު އުމަރު ބުނުލް ހައްތާބް (ހުޅުމާލޭ ފޭސް 1)

● މަސްޖިދު ޒައިދު ބިން ޘާބިތު (ހުޅުމާލޭ ފޭސް 2)

● މަސްޖިދު އަމާނީ (ހުޅުމާލޭ ފެސް 1)

● ދަރުމަވަންތަ ރަސްގެފާނު މިސްކިތް

● ބިހުރޯޒު ކަމަނާ މިސްކިތް

● މަސްޖިދުއް ތަގުވާ

● މަސްޖިދު ޝާކިރައިނި

މިނިސްޓްރީން ބުނި ގޮތުގައި މިއަހަރު މާލޭ ސަރަހައްދުގައި ތަރާވީސްކުރުމުގައި ދިވެހި 32 ހާފިޒުންނާއި ބިދޭސީ 18 ހާފިޒަކު އުޅޭނެ އެވެ. މިހާރު މިނިސްޓްރީ މެދުވެރިކޮށް ރާއްޖެއަށް ބޭރުން ހާފިޒުންނެއް ނުގެނެ އެވެ. އެކަމަކު އެކި ޖަމިއްޔާތަކާއި ރަށު ކައުންސިލުތަކުން ބޭރުން ގެނައި ހާފިޒުންނަށް މިނިސްޓްރީން އެލަވަންސެއް ދޭނެ އެވެ.

މިނިސްޓްރީން ވަނީ ހުރިހާ މިސްކިތެއްގައި ވެސް އަންހެނުންނަށް ތަރާވީސް ކުރެވޭނެ އިންތިޒާމުތައް ވެސް ހަމަޖައްސައިފަ އެވެ. އެހެން އަހަރުތަކޭ އެއްގޮތަށް މިއަހަރު ވެސް މިސްކިތްތަކުގައި ދަރުސްތައް ދޭނެ އެވެ.