14 އޯގަސްޓް 2024
ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން އާންމު ބަލިތައް ފެތުރުމުގެ ފުރުސަތު ބޮޑުވުމުން އެކަމަށް ސަމާލުވެ ދުރާލާ ފިޔަވަޅު އެޅުމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން އިލްތިމާސްކޮށްފި އެވެ.
ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން އާންމު ބަލިތައް ފެތުރުމުގެ ފުރުސަތު ބޮޑުވުމުން އެކަމަށް ސަމާލުވެ ދުރާލާ ފިޔަވަޅު އެޅުމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން އިލްތިމާސްކޮށްފި އެވެ.
އެޗްޕީއޭއިން ނެރުނު ބަޔާނެއްގައި ބުނީ، ވިއްސާރަ އާ އެކު ފެންބޮޑުވުމާއި ޖަންކްޝަންތައް ފުރި، ނަޖިސް ބޭރުވުމުންނާއި ވިއްސާރައިގެ ފެން ތަންތަނުގައި ހަރުލާފައި ހުރުމުގެ ސަބަބުން ބަލިތައް ފެތުރުން އިތުރުވުމުގެ ފުރުސަތު އެބައޮތް ކަމަށެވެ.
މިގޮތުން، ބޭރަށް ހިންގުމާއި ހޮޑުލުމާއި ބުޅަލާއި މީދަލުގެ ނަޖިހުން ފެތުރޭ ބަލިތަކާއި ފަންގަސްގެ ސަބަބުން ނޭވާލާ ނިޒާމަށް ޖެހޭ ބަލިތަކާއި މަދިރީގެ ސަބަބުން ފެތުރޭ ބަލިތައް ކަމަށްވާ ޑެންގޫ، ޗިކަންގުންޔާ އަދި ޒިކާ ފަދަ ބަލިތައް ކުރިއަށް އޮތް ތަނުގައި އިތުރުވުމުގެ ފުރުސަތު އެބައޮތް ކަމަށް އެޗްޕީއޭ އިން ބުންޏެވެ.
- ވިއްސާރައިގެ ސަބަބުން އުފެދިފައިވާ ފެންގަނޑުތަކަށް ނޭރުން
- ފެންގަނޑަށް އެރެން ޖެހޭނަމަ ވޯޓާޕްރޫފް ތަކެތި ބޭނުންކުރުން
- ފެން ހިންދުމާއި ސާފުކުރުމުގައި ހަރަކާތްތެރިވާ ފަރާތްތަކުގެ އެޗްޕީއޭގެ ގައިޑްލައިންތަކަށް އަމަލުކުރުން
- ގިނަގިނައިން ސައިބޯނި ލައިގެން އަތް ދޮވުން
- ބުއިމާއި ކެއްކުމަށް ވާރޭފެން ކައްކައިގެން ބޭނުންކުރުން، ނުވަތަ ފުޅީގައި ބަންދުކުރި ފެން ބޭނުންކުރުން
- ގެއާއި ގޯތިތެރޭގައި ފެން ހެދޭ ގޮތަށް ހުރި ތަންތަން ހުސްކޮށް ފެން ނޭޅޭ ގޮތް ހެދުން
އެޗްޕީއޭއިން ވަނީ މިފަދަ އެއްވެސް ބައްޔެއްގެ އަލާމާތެއް ފެނިއްޖެނަމަ ލަސްނުކޮށް ސިއްހީ ލަފާ ހޯދުމަށް ވެސް އިލްތިމާސްކޮށްފަ އެވެ.
މިދިޔަ މަހު ވެސް އާންމު ބަލިތައް އިތުރުވި
އެޗް1އެން1 އޮތީ އާދައިގެ ހާލަތެއްގައި: އެޗްޕީއޭ
ކެންސަރު ދަފްތަރުގައި 1،400 އަށް ވުރެ ގިނަ މީހުން
ނުތާހިރުކަމުން މާލޭގެ ތިން ތަނެއް ބަންދުކޮށްފި
ކާބޯތަކެތީގެ މައްސަލަ ރިޕޯޓުކުރަން ހާއްސަ ނަމްބަރެެއް
މާދަމާއިން ފެށިގެން އެމްއެފްޑީއޭއަށް ބޮޑެތި ބާރުތަކެއް
މިދިޔަ ދެ މަހު، ރޯގާގެ 60،000 ކޭސް ރިޕޯޓުކުރި
ދުންފަތް މަދުކުރަން އިތުރު ޓެކްސް ނަގަންޖެހޭ: އެޗްޕީއޭ
ކުއްޖާގެ ފުރަތަމަ 1000 ދުވަހަށް ހާއްސަ ކާނާ ފޮތެއް
މެނިންގޯކޮކަލް ވެކްސިން އާންމުކޮށް ޖަހާނެ ހާލަތެއް ނެތް