26 އޯގަސްޓް 2024
ދައުލަތުން އެކި ފަރާތްތަކަށް ނުދެއްކި ހުރި ފައިސާގެ ބަދަލުގައި، އެ ފައިސާ ލިބެންޖެހޭ ފަރާތްތަކަށް އިތުރު އާމްދަނީއެއް ލިބޭ ގޮތަށް ޓީ-ބޮންޑަކަށް އެ ފައިސާ ބަދަލުކުރުމުގެ ފުރުސަތު ދިނުމާއި ފައިސާގެ ބަދަލުގައި ބިމެއް ކުއްޔަށް ނެގުން ފަދަ އިހުތިޔާރެއް ދެވޭނެ އިންތިޒާމު ހަމަޖެއްސުމަށް ރައީސް ޑރ. މުހައްމަދު މުއިއްޒު ނިންމަވައިފި އެވެ.
ދައުލަތުން އެކި ފަރާތްތަކަށް ނުދެއްކި ހުރި ފައިސާގެ ބަދަލުގައި، އެ ފައިސާ ލިބެންޖެހޭ ފަރާތްތަކަށް އިތުރު އާމްދަނީއެއް ލިބޭ ގޮތަށް ޓީ-ބޮންޑަކަށް އެ ފައިސާ ބަދަލުކުރުމުގެ ފުރުސަތު ދިނުމާއި ފައިސާގެ ބަދަލުގައި ބިމެއް ކުއްޔަށް ނެގުން ފަދަ އިހުތިޔާރެއް ދެވޭނެ އިންތިޒާމު ހަމަޖެއްސުމަށް ރައީސް ޑރ. މުހައްމަދު މުއިއްޒު ނިންމަވައިފި އެވެ.
ފިނޭންސުން އެންމެ ފަހުން ހިއްސާކޮށްފައިވާ މައުލޫމާތުން އެނގޭ ގޮތުގައި ޕެންޑިން ބިލްތަކުގެ ގޮތުގައި ދައުލަތުން އެކި ފަރާތްތަކަށް ދައްކަން ޖެހޭ އަދަދު ގާތްގަނޑަކަށް ތިން ބިލިއަން ރުފިޔާއަށް އަރަ އެވެ. އޭގެ ތެރޭގައި ހަ މަހަށް ވުރެ ގިނަ ދުވަސްވެފައިވާ ބިލްތައް ވެސް ހިމެނެ އެވެ.
ރައީސް އޮފީހުން މިއަދު ނެރުނު ބަޔާނުގައި ބުނީ ދައުލަތުން ވެންޑަރުންނަށް ދައްކަން ޖެހޭ ބިލްތަކަށް ފައިސާ ދެއްކުމުގައި އެންމެ ގިނަ ދުވަސްވެފައިވާ ބިލްތައް ބަލައިގެން ކަންކަން ރާވަން ނިންމާފައިވާ ކަމަށެވެ. އަދި ކޮންމެ މަހަކު ވެންޑަރުންނަށް ދެއްކުމަށް ކަނޑައެޅޭ ފައިސާގެ އަދަދަށް ބަލައި، އެންމެ ގިނަ ދުވަސްވީ ބިލުތަކުގެ ތަރުތީބުން، ދެފުށް ފެންނަ އުސޫލެއްގެ ތެރެއިން ފައިސާ ދެއްކުމުގެ ކަންކަން ކުރިއަށް ގެންދާނެ ކަމަށް ބުނެފައިވެ އެވެ.
ކަނޑައެޅޭ ވަކި މިންވަރަކަށްވުރެ ދަށުގެ ބިލްތަކަށް ފައިސާ ދައްކާނެ އަދަދެއް ކަނޑައަޅައި، ދެބައި ވަކިން ބެލެހެއްޓުމަށް ވެސް ނިންމާފައިވާ ކަމަށް ރައީސް އޮފީހުން ބުންޏެވެ.
ރައީސް އޮފީހުން ބުނީ ވިޔަފާރިތަކުން ދައުލަތަށް ދައްކަން ޖެހޭ ފައިސާ، ހާއްސަކޮށް މީރާއަށް ޓެކްސްގެ ގޮތުގައި ދައްކަންޖޭ ފައިސާއިން އޮފްސެޓް ކުރުމާއި، އެކި ފަރާތްތަކުން ދައުލަތަށް ދައްކަންޖެހޭ ފައިސާ ހޯދުމަށް ޓާސްކްފޯހެއް އެކުލަވައިލުމަށް ވެސް ނިންމާފައިވާ ކަމަށެވެ.
ނުލިބި ހުރި ފައިސާ ހޯދުމަށް އިސްކަން ދޭނެ ކަމަށާއި ފިނޭންސުން ހުށަހެޅި ލޯނު ނެގޭނެ ގޮތްތަކުގެ އިތުރުން ލޯނު ނެގޭނެ އިތުރު ގޮތްތައް ވެސް ބަލައި ލޯނު ހޯދުމަށް މަސައްކަތް ކުރުމަށް ވެސް ވަޒީރުންގެ މަޖިލީހުގެ ލަފަޔާ އެކު ރައީސް ވަނީ ނިންމަވައިފަ އެވެ.
އިއްޔެގެ ވަޒީރުންގެ މަޖިލީހުގެ ބައްދަލުކުރެއްވުމުގައި ރާއްޖޭގެ ބޭރު ފައިސާގެ ބާޒާރު ހަރުދަނާކޮށް، ދިވެހި ރުފިޔާއަށް އޮންނަ ޑިމާންޑް އިތުރުކުރުމަށް ފިޔަވަޅުތަކެއް އަޅަން ވެސް ނިންމި އެވެ. ވަޒީރުންގެ މަޖިލީހުގެ ބައްދަލުވުމަށްފަހު ބޭއްވި ނޫސްވެރިންގެ ބައްދަލުވުމުގައި އެޓާނީ ޖެނެރަލް އަހުމަދު އުޝާމް ވަނީ އިންކަމް ޓެކްސް އާއި ޕެންޝަނާއި މީރާ އާއި ޖީއެސްޓީގެ ގާނޫނަށް ވަރަށް އަވަހަށް އިސްލާހުތަކެއް ގެންނާނެ ކަމަށް ވިދާޅުވެފަ އެވެ. އެ ގެންނަ ބަދަލުތެރޭގައި ބޭރު ފައިސާއިން އާމްދަނީ ލިބޭ ވިޔަފާރިތަކުން ކަސްޓަމްސް ޑިއުޓީ އާއި އިންކަމް ޓެކްސް އަދި ޕެންޝަން ޑޮލަރުން ދައްކަން ޖެހޭ ގޮތަށް ބަދަލު ކުރުމަށް ވެސް ނިންމާނެ ކަމަށް އޭނާ ވިދާޅުވި އެވެ.
ރައީސް އެމެރިކާއަށް ފުރާވަޑައިގެންފި
ބައްދަލުވުންތަކުގެ މަގުސަދު ހާސިލްވޭ: ތޯރިގް
ސަލާމަތީ މަޖިލީހުގައި ރައީސަކު އަލަށް ތަގްރީރުކުރައްވަނީ
ދާއޫދު އޭސީޕީގެ ރޭންކަށް ޕްރޮމޯޓްކޮށްފި
ކެބިނެޓް ސެކްރެޓަރީ އަހުމަދު ބީއެމްއެލްގެ ބޯޑަށް
ފުއާދުގެ ދައުރު ހަމަވާތީ ކުރިމަތިލާން ހުޅުވާލައިފި
ލޭންޑް އެންޑް ސާވޭ އޮތޯރިޓީ އުވާލައިފި
ޕީޖީގެ މަގާމަށް އައްބާސް ކުރިމަތިލައްވައިފި
ކުންފުނިތައް ސިޔާސީކުރުމުގެ ބުރަ އުފުލޭ ވަރެއް ނޫން
އެޗްއާރުސީއެމްގެ މެމްބަރު ކަމަށް ހަބީބް އައްޔަންކޮށްފި