16 އޮކްޓޯބަރ 2024
ހަޔާ އެޑިޔުކޭޝަން މިނިސްޓްރީގެ ސްޓޭޓް މިނިސްޓަރަކަށް ހުންނެވި ޑރ. އަބްދުﷲ ފައިރޫޝް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އަށް ބަދަލުކޮށްފި އެވެ.
ހަޔާ އެޑިޔުކޭޝަން މިނިސްޓްރީގެ ސްޓޭޓް މިނިސްޓަރަކަށް ހުންނެވި ޑރ. އަބްދުﷲ ފައިރޫޝް ހޯމްލޭންޑް ސެކިއުރިޓީ އެންޑް ޓެކްނޮލޮޖީ އަށް ބަދަލުކޮށްފި އެވެ.
އެ ބަދަލު ގެނެސްފައިވާކަން ޔަގީން ކޮށްދެއްވައި، ހޯމްލޭންޑް ސެކިއުރިޓީ މިނިސްޓްރީގެ ތަރުޖަމާނު ފާތިމަތު ރިފާތު ވިދާޅުވީ މިދިޔަ އާދިއްތަ ދުވަހު ފައިރޫޝް އެ މިނިސްޓްރީގެ ވަޒީފާއަށް ނުކުންނަވަން ފައްޓާފައިވާ ކަމަށެވެ.
ފައިރޫޝް، ހޯމްލޭންޑް މިނިސްޓްރީގައި ވެސް އަދާކުރައްވަނީ ސްޓޭޓް މިނިސްޓަރުގެ މަަގާމެވެ.
ފައިރޫޝް އަކީ ފުލުހުންގެ ވަރަށް އިސް މަގާމުތަކެއް ފުރުއްވާފައިވާ ބޭފުޅެކެވެ. އެންމެ ފަހުން ހުންނެވީ ކުރީގެ އެސިސްޓެންޓް ކޮމިޝަނަރު އޮފް ޕޮލިސްގެ މަގާމުގަ އެވެ
ފުލުހުންގެ ހިދުމަތުން ފައިރޫޝް ރިޓަޔާ ކުރެއްވީ ޖެނުއަރީ 2021 ގަ އެވެ. އޭގެ ފަހުން މިދިޔަ ރިޔާސީ އިންތިހާބުގައި އޭނާ ވަނީ އެމްއެންޕީގެ ރައީސް މުހައްމަދު ނާޒިމްގެ އަރިހުގައި ވެސް ސިޔާސީ މަސައްކަތް ކުރައްވައިފަ އެވެ.
ރައީސް ޑރ. މުހައްމަދު މުއިއްޒު އިއްޔެ ވަނީ ދައުލަތުގެ ހަރަދު ކުޑަކުރަން ހަތް ސްޓޭޓް މިނިސްޓަރުންނާއި 43 ޑެޕިއުޓީ މިނިސްޓަރުންނާއި 109 ސީނިއާ ޕޮލިޓިކަލް ޑިރެކްޓަރުން އަދި 69 ޕޮލިޓިކަލް ޑިރެކްޓަރުން ވަކި ކުރައްވަން ނިންމަވާފައިވާކަން އިއުލާން ކުރައްވާފަ އެވެ. އެ މުވައްޒަފުން ވަކިކުރުމުން މަހަކު 5.7 މިލިއަން ރުފިޔާ ސަލާމަތް ވާނެ ކަމަށް އެ މަނިކުފާނު ވިދާޅުވި އެވެ.
އިއްޔެ އިން ފެށިގެން ކުރިއަށް އޮތް 15 ދުވަހުގެ ތެރޭގައި އެ މުވައްޒަފުން ވަކިކުރަން ރައީސް ވަނީ އަންގަވައިފަ އެވެ.
މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު" އިން ވަނީ މިދިޔަ ޖުލައި މަހުގެ ނިޔަލަށް ސިޔާސީ މަގާމުތަކުގައި ތިބި މުވައްޒަފުންގެ އަދަދާއި އޭގެ ތަފުސީލުތައް ހޯދަން ހުށަހެޅުމުން ރައީސް އޮފީސް ހިމެނޭ ގޮތަށް 16 އިދާރާއަކުން ހިއްސާކުރި މައުލޫމާތަށް ބަލާއިރު މިދިޔަ ޖުލައި މަހުގެ ނިޔަލަށް ޖުމްލަ 1،249 ސިޔާސީ މުވައްޒަފުން އެބަތިއްބެވެ.
ހިންނާ ފޮރިން މިނިސްޓްރީގެ ޑެޕިއުޓީ މިނިސްޓަރަކަށް
ސްޓޭޓް މިނިސްޓަރުގެ މަގާމުން ޔޫސޭ ވަކިކޮށްފި
ސްޓޭޓް މިނިސްޓަރުގެ މަގާމުން މާނިއު އިސްތިއުފާދެއްވައިފި
ހޯމް މިނިސްޓްރީގެ ނައިބަކަަށް އަޝްރަފް
"ދެކެން ބޭނުންވަނީ އެމްޑީޕީގެ ހޯމް މިނިސްޓަރެއް"
ފައިރޫޝްގެ މައްސަލައެއް ހުށަހަޅާފައެއް ނެތް: އިމްރާން
ރައީސްގެ އެޑްވައިޒަރަކަށް ޝިހާބު
ހޯމް މިނިސްޓްރީގެ ޑިރެކްޓަރަކަށް ހަފްސީ
ހަޔަ އެޑިއުކޭޝަނަށް ދެ ނައިބުން އައްޔަން ކުރައްވައިފި
މާޒް ސަލީމް ސަރުކާރުން ވަކިކޮށްފި