"ގޭމް އޮފް ތުރޯންސް"ގެ ފިލްމެއް އުފައްދަނީ

ޗްބީއޯގެ އެންމެ ކާމިޔާބު ސީރީޒް ފްރެންޗައިޒް "ގޭމް އޮފް ތުރޯންސް"ގެ ފިލްމެއް އުފެއްދުމުގެ މަސައްކަތް ފަށާފައިވާ ކަމަށް ރިޕޯޓްތައް ބުނެފި އެވެ.

ހޮލީވުޑްގެ ޚަބަރުތައް ގެނެސްދޭ ބައެއް ނޫސްތަކުން ރިޕޯޓްކުރި ގޮތުގައި، އެޗްބީއޯ އާއި ވޯނާ ބްރަދާސް ގުޅިގެން ގެނެސްދޭ މި ފިލްމުގެ މަސައްކަތްތައް އަދި ކިރިޔާ ފެށީ އެވެ. އެހެންވެ، އެ ފިލްމާ ގުޅޭ ކަންކަން އަދި މާ ބޮޑަށް ނޭނގެ އެވެ.

އެޗްބީއޯ އާއި ވޯނާ ބްރަދާސް އިން ވެސް މި ޚަބަރުތަކަށް އަދި ކޮމެންޓުކޮށްފައި ނުވެ އެވެ.

"ގޭމް އޮފް ތުރޯންސް" ފްރަންޗައިޒްގައި ގިނަ ޕްރޮޖެކްޓުތަކެއް މިހާތަނަށް އިއުލާނުކުރި ނަމަވެސް، މިހާތަނަށް ކާމިޔާބު ކަމާ އެކު ގެނެސްދީފައި ވަނީ ޕްރީކުއެލް ސީރީޒް "ހައުސް އޮފް ޑްރެގަންސް"ގެ ދެ ސީޒަނެކެވެ. އެ ސީރީޒަށް ވަނީ ވަރަށް ބޮޑު ތަރުހީބެއް ލިބިފަ އެވެ. އަދި ތިންވަނަ ސީޒަނެއް ގެނެސްދިނުމުގެ މަސައްކަތް ވެސް މިހާރު ވަނީ ފަށައިފަ އެވެ.

"ގޭމް އޮފް ތުރޯންސް"ގެ އިތުރު ސްޕިން އޮފްއެއް ކަމަށްވާ "އަ ނައިޓް އޮފް ދަ ސެވަން ކިންގްޑަމްސް" އިއުލާންކޮށް، އޭގެ ޓީޒާއެއް މިދިޔަ އޮގަސްޓް މަހު ވަނީ އާންމުކޮށްފަ އެވެ.

"ގޭމް އޮފް ތުރޯންސް" އަކީ އިނގިރޭސި ވާހަކަ ލިޔުންތެރިޔާ ޖޯޖް އާރުއާރު މާޓިންގެ ފޮތްތަކަށް ބިނާކޮށް ގެނެސްދިން ސީރީޒެކެވެ. "ގޭމް އޮފް ތުރޯންސް"ގެ ޖުމްލަ އަށް ސީޒަން ގެނެސްދިން އިރު، އެންމެފަހު ސީޒަން ފިޔަވާ ހުރިހާ ސީޒަނަކަށް ވެސް ގިނަ ބައެއްގެ ލޯބި ލިބުނެވެ. އަދި އެއީ ޓެލެވިޜަންގެ ދުނިޔޭގައި އެންމެ ކާމިޔާބު ސީރީޒަށް ވެސް ވަނީ ވެފަ އެވެ.