ވީއޭއެމް ކަޕް: ސިޓީން މެޗު ދޫކޮށްލުމުން އެޗްޑީސީ ފައިނަލަށް

ސެމީ ފައިނަލުގައި، އެޗްޑީސީއާ ދެކޮޅަށް ކުޅެން އޮތް މެޗު ސްޕޯޓްސް ކްލަބް ސިޓީން ދޫކޮށްލުމުން، އެޗްޑީސީ ފައިނަލަށް ދަތުރުކޮށްފި އެވެ.

މާދަމާ ރޭ ކުޅޭ ފައިނަލުގައި އެޗްޑީސީން ނުކުންނާނީ ދިވެހި ސިފައިންގެ ކްލަބާ ދެކޮޅަށެވެ.

ސިޓީން މެޗު ދޫކޮށްލީ، އެ ކްލަބުން ހުށަހެޅި މައްސަލައެއް ވީއޭއެމުން އެއްވެސް ޖަވާބެއް ދީފައި ނުވާތީ، އެކަމާ ދެކޮޅަށް އިހްތިޖާޖު ކުރުމުގެ ގޮތުންނެވެ.

އޮންލައިން ނޫސް އަދަދަށް ދިން އިންޓަވިއުގައި ސިޓީގެ އޮފިޝަލަކު ވަނީ، ވީއޭއެމް ކަޕް ކޮލިފިކޭޝަންގައި އެހެން ޓީމުތަކަށް ކުޅެފައިވާ ދެ ކުޅުންތެރިޔަކު ސިފައިންގެ ޓީމު ލިސްޓްގައި ޖަހައިގެން ކުޅުވާފައިވާ ކަމަށް ތުހުމަތުކޮށްފަ އެވެ. އެ މައްސަލަ ބަލައި އެކަމާ މެދު ފިޔަވަޅު އަޅައި ދިނުމަށް ވީއޭއެމަށް، ހުށަހަޅައިފަ އެވެ.

އެކަމަކު އެ ހުށަހެޅުމަށް އެ އެސޯސިއޭޝަނުން އެއްވެސް ޖަވާބެ ދީފައި ނުވާތީ ސިޓީން ނިންމީ މެޗު އިހްތިޖާޖުކުރުމުގެ ގޮތުން މެޗު ނުކުޅެ ދޫކޮށްލާށެވެ.

ސިފައިން ފައިނަލަށް ދަތުރު ކުރީ ފުރަތަމަ ސެމީ ފައިނަލުގައި ސިޓީ ބަލި ކުރުމަށް ފަހު އެވެ.

މިދިޔަ ހުކުރު ދުވަހު ކުޅުނު އެ މެޗު ދިޔައީ ވަރަށް ވާދަވެރިކޮށެވެ. އެ މެޗުގެ ސެޓްތައް ސިފައިން ހޯދީ 25-20، 28-26 އަދި 25-23 ންނެވެ.