ވޭޕް މަނާކުރިތާ ހަފުތާއެއްގެ ހަފުތާއެއްގެ ތެރޭގައި ނުވަ މީހަކު ޖޫރިމަނާކޮށްފި

ވޭޕް ބުއިން ރާއްޖޭގައި މަނާކުރިތާ ހަފުތާއެއްގެ ތެރޭގައި ނުވަ މީހަކު ޖޫރިމަނާކޮށްފި އެވެ.

ފުލުހުންގެ މީޑިއާ އޮފިޝަލަކު މިއަދު ވިދާޅުވީ، ދުންފަތް ކޮންޓްރޯލް ކުރުމާ ބެހޭ ގާނޫނާ ހިލާފުވި ނުވަ މީހަކު މިދިޔަ އާދިއްތަ ދުވަހުގެ ނިޔަލަށް ޖޫރިމަނާކޮށްފައިވާ ކަމަށެވެ. އެއީ ޖުމުލަ 50،000ރ. ގެ ޖޫރިމަނާ އެވެ.

އޭގެ ތެރެއިން އެކަކު ސައިކަލު ދުއްވަމުން އީ-ސިނގިރޭޓް ބޭނުންކުރުމުން އިތުރަށް 10،000ރ އިން ޖޫރިމަނާކުރި ކަމަށް ފުލުހުން ބުންޏެވެ.

ގާނޫނުގައިވާ ގޮތުން ވޭޕްކޮށްފި ނަމަ 5،000ރ. އިން ޖޫރިމަނާކުރާނެ އެވެ. ހިލޭ ވޭޕް ދީފި ނަމަ 10،000ރ އަދި ވޭޕް ވިއްކައިފި ނަމަ 20،000ރ. އިން ޖޫރިމަނާ ކުރާނެ އެވެ. ވިއްކި ކޮންމެ އެއްޗަކަށް 10،000ރ. އިން ޖޫރިމަނާ ކުރާނެ އެވެ.

ދުންފަތް ވިއްކުން މަނާ އުމުރު، 21 އަހަރު ނުވާ މީހަކަށް ވޭޕް ވިއްކައިފި ނަމަ 50،000ރ. އިން ޖޫރިމަނާކުރާނެ އެވެ.

ރާއްޖެއަށް ވޭޕް އެތެރެކުރުން ވޭޕް ބޭނުންކުރުން މަނާކޮށްފައިވަނީ މި މަހުގެ 15 ގަ އެވެ.

ފުލުހުން ބުނީ، ގާނޫނާ ހިލާފުވެގެން ޖޫރިމަނާ ކުރެވޭ މީހުންނަށް އެކަމުގެ މައުލޫމާތު އަންގާނީ މޯބައިލް ފޯނަށް ފޮނުވާ ކުރު މެސެޖަކުން ކަމަށެވެ. މި މެސެޖުގައި ޖޫރިމަނާ ދެއްކުމަށް ވާރު ޕޭގެ ޕޭމެންޓް ލިންކެއް ހިމަނާފައިވާނެ ކަމަށާއި ފައިސާ ދައްކަން ޖެހޭނީ އެ ލިންކުން ކަމަށް ފުލުހުން ބުންޏެވެ.