މަސްދަޅު ހޯދަން މާލެ ސަރަހައްދުގައި ފުރަތަމަ ރޭ ވެސް ދިގު ކިޔުއެއް

މާލޭ ސަރަހައްދުގައި ދިރިއުޅޭ މީހުންނަށް މިރޭ މަސްދަޅު ކޭސް ބަހަން ފެށުމާއެކު، އެ ބަލައި ދިގު ކިއުއެއް ދަމާލައިފި އެވެ.

މިރޭ 8:00 ޖެހިއިރު މަސްދަޅު ކޭސް ބަހަން ފެށިއިރު އެ ސަރަހައްދަށް ވަނީ ގިނަ ބަޔަކު ޖަމާވެ، ކިޔުގެ ސަފު ދިގުކޮށް ދަމާލައިފަ އެވެ.

އެސްޓީއޯއިން ބުނީ މިރޭ 11:00 އާ ހަމައަށް މަސްދަޅު ކޭސް ބެހުން ކުރިއަށް ދާނެ ކަމަށެވެ.

ކޮންމެ ގޭބީސީއަކަށް ވެސް ދޫކުރަނީ 48 ދަޅުގެ މަސްކޭހެވެ. މަސްދަޅު ބަހަނީ ކަރަންޓު މީޓަރު ނަންބަރަށެވެ. ގާތްގަނޑަކަށް ރާއްޖޭގެ 80،000 އަށް ވުރެ ގޭބީސީތަކަށް މަސްދަޅު ބަހާނެ އެވެ.

މަސްދަޅު ބެހުމަށް ހަމަޖެހިފައިވާ ތަންތަން

- މިފްކޯގެ އޮފީސް ކޮމްޕައުންޑް

- ހެންވޭރު އެމްޓީސީސީ ސޯމިލް

- ވިލިމާލެ، ވެމްކޯ ސައިޓް

- ހުޅުމާލެ، އުމަރު ޒާހިރު ބިލްޑިން

- ހިޔާ ޓަވަރު 10، ޔޫތު ސެންޓަރު

މާދަމާ ހުކުރު ދުވަހަށް ވާތީ، މަސް ދަޅު ބެހުން ކުރިއަށް ނުގެންދާނެ އެވެ.

ހޮނިހިރު: ހެނދުނު 10:00 އިން ހަވީރު 16:00 އަށް

ރޭގަނޑު: 20:30 އިން 23:00 އަށް

އާދިއްތަ އިން ބުރާސްފަތި ދުވަހުގެ ނިޔަލަށް: މެންދުރު ފަހު 14:30 އިން 18:00 އަށް

ރޭގަނޑު 20:30 އިން 23:00 އަށް މަސްދަޅު ދޫކުރާނެ

އެސްޓީއޯ އިން ބުނީ، އިތުރު ސަރަހައްދުތަކުން މަސްދަޅު ކޭސް ދޫކުރާ ނަމަ، އެ ތަންތަން އިއުލާނު ކުރަމުން ދާނެ ކަމަށެވެ.

ރަށްރަށުގައި މިހާރު މަސް ދަޅު ކޭސް ބަހަން ފަށާފައިވާއިރު އެ މަސައްކަތް ކުރަމުންދަނީ ރަށްރަށުގެ ކައުންސިލްތަކުންނެވެ.