ކަނޑު ބޯޓެއްގައި ޑްރަގް އެތެރެކުރި މީހުންގެ ވަނަވަރު އާންމުކޮށްފި

ކަނޑު ބޯޓެއްގައި ރާއްޖެއަށް މަސްތުވާތަކެތި އެތެރެކުރަން އުޅުމުގެ ތުހުމަތުގައި ހައްޔަރުކުރި 10 މީހުންގެ ވަނަވަރު ފުލުހުން އާންމުކޮށްފި އެވެ.

ފުލުހުން ބުނީ އެ މީހުން ހައްޔަރުކުރީ ރޭ ދަންވަރު ހިންގި އޮޕަރޭޝަނެއްގައި މާލެ ސަރަހައްދުން ބޯޓެއް ބަލައި ފާސްކޮށް މަސްތުވާތަކެތި ކަމަށް ތުހުމަތު ކުރެވޭ ހަތް ކިލޯއަށްވުރެ ގިނަ ތަކެއްޗާއެކު ކަމަށެވެ.

އެމްއެންޑީއެފް އާއި ކަސްޓަމްސް އަދި ފުލުހުން ގުޅިގެން ހިންގި އެ އޮޕަރޭޝަނުގައި ހައްޔަރުކުރި މީހުންގެ ތެރޭގައި ހިމެނެނީ އިންޑިއާގެ ހަތް މީހަކާއި އިންޑޮނީޝިއާގެ ތިން މީހެކެވެ.

އެ މައްސަލާގައި ހައްޔަރުކުރި 10 މީހުންނަކީ:

- އިންޑޮނޭޝިއާގެ ނަސްވަން އާދިލް (30އ)

- އިންޑޮނޭޝިއާގެ އެޑްރިއަންސަޔާ (25އ)

- އިންޑޮނޭޝިއާގެ މުހައްމަދު އިގްބާލް މަކްރޫމް (30އ)

- އިންޑިއާގެ ޕްރަބާކަރަން ނަގަރާޖަން (35އ)

- އިންޑިއާގެ ރޯމަންސް ސަންތިޔާ ފެނާންޑޯ (58އ)

- އިންޑިއާގެ ގަނޭޝް ބޮމްމާލީ (22އ)

- އިންޑިއާގެ ޑަތުކިލޭ ދަރްޝަން ވިޖޭ (22އ)

- އިންޑިއާގެ ޕީޓާ ވިނީ (28އ)

- އިންޑިއާގެ ސަރަން ޕަދްމަން (28އ)

- އިންޑިއާގެ ގޯސިކް ރާޖް ޖޭމްސް ނޮކްސް (30އ)

އެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް މީހަކު 5 ދުވަހަށް އަދި އިތުރު ފަސް މީހަކު އެއް ދުވަހަށް ބަންދުކުރުމަށް ކޯޓުން ވަނީ އަމުރުކޮށްފަ އެވެ. އެއް ދުވަހަށް ބަންދުކުރުމަށް އަމުރުކުރި މީހުންގެ ބަންދު އިތުރު ކުރުމަށް މިއަދު ހާޒިރު ކުރުމުން އެކަކު އިތުރު ތިން ދުވަހަށް އަދި ހަތަރު މީހަކު 15 ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ބުންޏެވެ.