ޑްރަގަށް ފަރުވާ ހޯދި މީހުންގެ ތެރެއިން 18 ޕަސެންޓް މީހުން އަލުން ޑްރަގް ބޭނުންކުރާ މައްސަލަތައް ހުށަހެޅޭ ކަމަށް ޑްރަގް ކޯޓުން ބުނެފި އެވެ.
26 ޖޫން 2025
ޑްރަގަށް ފަރުވާ ހޯދި މީހުންގެ ތެރެއިން 18 ޕަސެންޓް މީހުން އަލުން ޑްރަގް ބޭނުންކުރާ މައްސަލަތައް ހުށަހެޅޭ ކަމަށް ޑްރަގް ކޯޓުން ބުނެފި އެވެ.
މަސްތުވާތަކެއްޗާ ދެކޮޅަށް މަސައްކަތްކުރާ ބައިނަލްއަގްވާމީ ދުވަހާ ގުޅިގެން ޑްރަގު ކޯޓުން އާންމުކުރި ތަފާސްހިސާބުތަކުގައިވާ ގޮތުން 2011 ވަނަ އަހަރު ތަސްދީގުކުރި މަސްތުވާތަކެއްޗާ ބެހޭ ގާނޫނުގެ ދަށުން ޑްރަގް ކޯޓު އުފެދުނު ފަހުން މިހާތަނަށް 11،700 އަށް ވުރެ ގިނަ މައްސަލަ އެ ކޯޓަށް ހުށަހަޅާފައިވެ އެވެ.
ކޯޓުން ބުނިގޮތުގައި އެ ކޯޓަށް ހުށަހެޅޭ މައްސަލަތަކުގެ ތެރެއިން 94 ޕަސެންޓް މައްސަލަތަކުގައި ހިމެނެނީ ފިރިހެނުންނެވެ. އަދި ތިން ޕަސެންޓް މައްސަލަތަކުގައި އަންހެނުން އަދި ދެ ޕަސެންޓް މައްސަލަތަކުގައި ކުޑަކުދިން ހިމެނޭ ކަމަށް އެ ކޯޓުން ބުންޏެވެ.
ކޯޓުން ބުނިގޮތުގައި މިހާތަނަށް 5،148 މައްސަލައެއްގައި ފަރުވާ ނިމުމުން ފަހުގެ ހުކުމް ކޮށްފައިވެ އެެވެ. އަދި ފަހުގެ ހުކުމްކުރި ފަހުން އޭގެ ތެރެއިން 946 މީހެއްގެ މައްސަލަ އަލުން ކޯޓަށް ހުށަހެޅުނު ކަމަށް އެ ކޯޓުން ބުންޏެވެ. އެކަމަކު 4،202 މީހުން ނުވަތަ 82 ޕަސެންޓް މީހުންގެ މައްސަލާގައި ފަހުގެ ހުކުމްކުރި ފަހުން އެ މީހުންގެ މައްސަލަ ކޯޓަށް ހުށަނޭޅޭ ކަމަށް އެ ކޯޓުން ބުންޏެވެ.
ކޯޓުން ވަނީ 2،389 މީހެއްގެ މައްސަލާގައި އެ މީހުން ފަރުވާ އިން ވަކިކޮށް ޖަލު ހުކުމް ތަންފީޒު ކުރުމަށް ވެސް އަމުުރުކޮށްފަ އެވެ. އަދި ފަރުވާއިން ވަކިކޮށް، ޖަލަށް ހުކުމްކުރި 498 މީހުންގެ މައްސަލަ ދެވަނަ ފަހަރަށް ކޯޓަށް ހުށަހެޅި ކަމަށް އެ ކޯޓުން ބުންޏެވެ. އެ އެންމެންނަކީ ވެސް އެ ކޯޓުން ޖަލު ހުކުމް ތަންފީޒުކޮށް ނިމުނު ފަހުން މަސްތުވާތަކެތި ބޭނުންކުރުމުގެ ސަބަބުން އަނެއްކާވެސް ދައުވާ ކުރެވިފައިވާ މީހުން ކަމަށް އެ ކޯޓުން ބުންޏެވެ.
ކޯޓުގެ ޕެންޑިން މަސައްކަތްތަކާ ގުޅޭގޮތުން އެ ކޯޓުން ބުނީ މިއަހަރުގެ މެއި މަހުގެ ނިޔަލަށް 1،376 މައްސަލައެއް ނުނިމި އެބަ އޮތް ކަމަށެވެ. އޭގެ ތެރެއިން 1،192 މައްސަލާގައި ހިމެނޭ މީހުންނަކީ ފަރުވާގެ މަރުހަލާގައި ހިމެނޭ މީހުން ކަމަށާއި އަދި ރީހެބިލިޓޭޝަން އަމުރު ކުރުމުގެ ކުރީގެ މަރުހަލާގައި 184 މައްސަލައެއް އެބައޮތް ކަމަށް އެ ކޯޓުން ބުންޏެވެ.
ފަރުވާގެ އެއްބަސްވުމާ ހިލާފުވި މީހާ ތިންއަހަރަށް ޖަލަށް
ފައިވާނުން ފެނުނު ޑްރަގާ ހެދި 25 އަހަރުގެ ހުކުމެއް
ފަރުވާ ފެއިލްވެ ޑްރަގް ކޯޓުގެ ބޭނުން ކެނޑެނީ!
ބިޑިއަޅުވަން އުޅުމުން ގަދަ ދެއްކި މީހަކަށް އަނިޔާވެއްޖެ
ފަރުވާގައި ހުރެ، ކުށްކުރުމުން އަޅާ ފިޔަވަޅަށް ބަދަލެއް
ކޯޓަށް ހާޒިރު ކުރުމުގެ ގަވާއިދަށް އަމަލުކުރަން ފަށައިފި
ޑްރަގު މައްސަލައެއްގައި މީހަކު ހޯދަން ފާރިސްގެ ގެއަށް
މަސްތުވާތަކެތީގެ ވިޔަފާރިކުރާ ދެބެއިން ހައްޔަރުކޮށްފި
އެތެރެކުރުން މަނާ ބޭހާއެކު މާލެއިން މީހަކު ހައްޔަރު
ޗެއިން އޮފް ކަސްޓަޑީ ގޯސްވެ، ބޮޑު ހުކުމަކުން ސަލާމަތް