އިމިގްރޭޝަނުން އަނެއްކާވެސް ވޯކްއިން އިންޓަވިއުއެއް، 70 މީހުން ނަގާނެ

މޯލްޑިވްސް އިމިގްރޭޝަނަށް 70 އިމިގްރޭޝަން އޮފިސަރު ޓްރެއިނީސް ހޯދަން ނިންމައި، ވޯކިން އިންޓަވިއު ބާއްވަން ތައްޔާރުވެއްޖެ އެވެ.

އިމިގްރޭޝަނުން ބުނީ މިފަހަރުގެ ވޯކިން އިންޓަވިއު އޮންނާނީ އަންނަ މަހުގެ އެއް ވަނަ ދުވަހު ކަމަށެވެ. ހުޅުމާލެ ސަލާހުއްދީން ސްކޫލްގައި އެ ދުވަހު ހެނދުނު 8:30 އިން ހަވީރު 4:30 އަށް އިންޓަވިއު ކުރިއަށްދާނެ ކަމަށް ވެސް އިމިގްރޭޝަނުން ބުންޏެވެ.

ވަޒީފާގެ ޝަރުތުތައް:

- ސާނަވީ ނުވަތަ އެއާ އެއް ފެންވަރުގެ އިމްހާނަކުން މަދުވެގެން ދެ ޑީ ފާސް ލިބިފައިވުމާއެކު، މަތީ ސާނަވީން ދިވެހި މާއްދާއިން ދަށް ވެގެން ސީ ފާސް ލިބިފައިވުން ނުވަތަ އެމްކިއުއެފް ލެވެލް ތިނެއްގެ ސެޓްފިކެޓެއް ހާސިލް ކޮށްފައި ވުން.

- އުމުރުން 40 ފުރިފައި ނުވާ މީހެއް ކަމުގައިވުން.

ވަޒީފާގައި ކުރަން ޖެހޭ މަސައްކަތްތައް:

- އެއާޕޯޓްގެ ބޯޑަރު ކޮންޓްރޯލްގެ މަސައްކަތްކުރުން.

- ޕާސްޕޯޓް އަދި ޓްރެވަލް ޑޮކިއުމެންޓްގެ ހިދުމަތްދިނުމުގެ މަސައްކަތްކުރުން.

- ސީޕޯޓް ސެކްޝަންގެ މަސައްކަތްކުރުން ވިސާ ސެކްޝަންގެ މަސައްކަތްކުރުން.

- އޮފީހަށް ދިމާވާ ހާއްސަ ހާލަތާ ގުޅިގެން ކުރިއަށް ގެންދާ ހާއްސަ މަސައްކަތްތަކުގައި ބައިވެރިވުމާއި އޮފީހުގެ މަސައްކަތުގެ ދާއިރާގެ ތެރެއިން ހަވާލުކުރެވޭ އެހެނިހެން ކަންތައްތައް ކުރުން.

މުސާރައިގެ ގޮތުގައި ލިބޭނީ މަހަކު 6500ރ. އެވެ. ސާވިސް އެލަވަންސްގެ ގޮތުގައި 1500ރ. ވެސް ދޭނެ އެވެ. ހަ މަހުގެ ޓްރެއިނިން ފުރިހަމަކޮށް ނިމުމުން މުސާރައިގެން 35 ޕަސެންޓް، ސްޕެޝަލް ސާވިސް އެލަވަންސްގެ ގޮތުގައި ދޭނެ އެވެ.

މިއީ އިމިގްރޭޝަނުން ބާއްވާ މިފަދަ ދެވަނަ ވޯކިން އިންޓަވިއު އެވެ. މިދިޔަ މޭ މަހު އިމިގްރޭޝަނުން ބޭއްވި ވޯލްކިން އިންޓަވިއުއަށް ވެސް ވަނީ ބޮޑު ތަރުހީބެއް ލިބިފަ އެވެ.

ޖުމްލަ 50 މުވައްޒަފުން ހޯދަން އިއުލާން ކުރި ވޯކިން އިންޓަވިއުއެއަށް 900 އަށްވުރެ ގިނަ މީހުންދިޔައިރު، ޝަރުތު ހަަމަވީ 758 މީހެކެވެ. އިމްތިހާނު ހެދީ 549 މީހުންގެ ތެރެއިން 50 މީހުންގެ އިތުރުން 70 މީހުން އޭރު ނެގި އެވެ.