މާލޭގެ މާފަންނު އަވަށުގެ ރައްޔިތުންނާ ރައީސް ޑރ. މުހައްމަދު މުއިއްޒު ބޭއްވެވި ބައްދަލުވުމުގައި ތިން ގަޑިއެއްހާއިރު ވަންދެން ވަރަށް ގިނަ ބައެއްގެ ކަންބޮޑުވުންތަކާއި މައްސަލަތައް ހުށަހަޅާފައިވާއިރު އެ އިން ކޮންމެ ކަމަކަށް ވަކިވަކިން އެޓެންޑު ކުރައްވާނެ ކަމަށް އެ މަނިކުފާނު ވިދާޅުވެއްޖެ އެވެ.
މާލޭގެ މާފަންނު އަވަށުގެ ރައްޔިތުންނާ ރައީސް ޑރ. މުހައްމަދު މުއިއްޒު ބޭއްވެވި ބައްދަލުވުމުގައި ތިން ގަޑިއެއްހާއިރު ވަންދެން ވަރަށް ގިނަ ބައެއްގެ ކަންބޮޑުވުންތަކާއި މައްސަލަތައް ހުށަހަޅާފައިވާއިރު އެ އިން ކޮންމެ ކަމަކަށް ވަކިވަކިން އެޓެންޑު ކުރައްވާނެ ކަމަށް އެ މަނިކުފާނު ވިދާޅުވެއްޖެ އެވެ.
ތާޖުއްދީން ސްކޫލްގައި ބޭއްވި ބައްދަލުވުމުގައި އާންމުން ދެންނެވި ސުވާލުތަކަށް ޖަވާބު ދެއްވަމުން ރައީސް ވިދާޅުވީ، އެ އިން ކޮންމެ ޝަކުވާއެއް ލިޔުމަކަށް ބަދަލުކޮށް، ރައީސް އޮފީހުން ބަލާނެ ކަމަށެވެ.
"އަޅުގަނޑު ސީދާ އެ ކަންކަމަށް އެޓެންޑު ކުރާނީ. ކަމާ ބެހޭ ވުޒާރާތަކާއި ކުންފުނިތަކާއި މުއައްސަސާތަކަށް އެ އޮންނަ ހަމަތަކާއި އުސޫލުތަކުގެ މަތިން އެ ކަންކަން ފޮނުވައިގެން ބަލަންޖެހޭ ކަމެއް ވެއްޖިއްޔާ ބަލާނެ ކަންކަން އެއީ،" ރައީސް މުއިއްޒު ވިދާޅުވި އެވެ.
ރައީސް މުއިއްޒު މާފަންނުގެ ރައްޔިތުންނާ މިރޭ ބައްދަލުކުރައްވަން ބޭއްވި ބައްދަލުވުމަށް ހާޒިރުވި ބައެއް މީހުން.---ފޮޓޯ: ނިޝާން އަލީ| މިހާރު
ރައީސް ވިދާޅުވި ގޮތުގައި ރައްޔިތުންނާ އެކު ބާއްވަވާ ބައްދަލުވުންތަކުގައި ފުރުސަތު ދެއްވަނީ އެ ބަޔަކު ބޭނުންވާ ހުރިހާ ވާހަކައެއް ނުވަތަ ސުވާލުތައް އެ މަނިކުފާނަށް ދެންނެވުމަށެވެ. އަދި އެ މަނިކުފާނާ ހިޔާލު ތަފާތު ވާހަކަތަކެއް ބަޔަކު ދެއްކިޔަސް އެކަމާ ދުވަހަކު ވެސް ކަންބޮޑުވެވަޑައިނުގަންނަވާ ކަމަށާއި އެ ވާހަކަތަކަށް މަރުހަބާ ވެސް ދަންނަވާ ކަމަށް ވިދާޅުވި އެވެ.
"ހަމަ ބޭނުންވާ ކޮންމެ ވާހަކައެއް ވެސް ވިދާޅުވާންވީ،" ރައީސް ވިދާޅުވި އެވެ.
ރައީސް މުއިއްޒު މާފަންނުގެ ރައްޔިތުންނާ މިރޭ ބައްދަލުކުރައްވަނީ.---ފޮޓޯ: ނިޝާން އަލީ| މިހާރު
ރައީސް ވިދާޅުވީ، ކުރިމަގުގައި ވެސް ކޮންމެ ވާހަކައެއް އަދި ކޮންމެ ހިޔާލެއް ވެސް އެ މަނިކުފާނަށް ހުށަހެޅުމުގެ އާންމު ފުރުސަތު އެންމެންނަށް ދެއްވާނެ ކަމަށެވެ.
"އަދި އެ ކަމަކަށް ދޭންޖެހޭ ޑިއު ރެސްޕެކްޓް، ޑިއު ވެއިޓް އެ ބޭފުޅެއްގެ ސިޔާސީ ފިކުރަކަށް ނުބަލާނެ. އެ ބޭފުޅެއްގެ ޖިންސަކަށް އެ ބޭފުޅެއްގެ އާއިލާއަކަށް ހަސަބަކަށް ނަސަބަކަށް އަދި އެހެން ކަމަކަށް ނުބަލާނަން. ކޮންމެ ބޭފުޅަކީ އަޅުގަނޑު އަބަދުވެސް ދަންނަވަން އަޅުގަނޑަށް ހަމަހަމަ ރައްޔިތެކޭ،" އެ މަނިކުފާނު ވިދާޅުވި އެވެ.
"އެއިން ކޮންމެ ބޭފުޅަކަށް ވެސް އެ ބޭފުޅެއްގެ ހައްގުތައް ފޯރުކޮށްދިނުމުގައި ހޯދައި ދިނުމުގައި ސަރުކާރުން ކަންކަން ކުރަމުންދާނީ އަދުލުވެރިކަމާ އެކީގައި ހަމަހަމަކަމާ އެކީގައި."
މާލޭގެ އަވަށްތަކުގެ ރައްޔިތުންނާ ބައްދަލުކުރައްވާނެ ކަން މި ސަރުކާރަށް ދެ އަހަރު ފުރުނު ދުވަހުގެ ރޭ (މިދިޔަ ނޮވެމްބަރު 17) އިއުލާން ކުރެއްވި ފަހުން ރައީސް މުއިއްޒު މިހާތަނަށް ވަނީ ތިން އަވަށުގެ މީހުންނާ ބައްދަލުކުރައްވައިފަ އެވެ. އެއީ ވިލިމާލެ އާއި މައްޗަންގޮޅި އަދި މާފަންނެވެ.
ސުވާލުކުރުން ރައްޔިތުންނަށް ދޫކޮށްލަން އެދިވަޑައިގެންފި
ނަފުސާނީ ބަލީގެ ހުރިހާ ފަރުވާއަކަށް އާސަންދަ ދެނީ
ހެޔޮވެރިކަމެއްގެ ނިޝާންތައް އެބަ ފެނޭ: ނައިބު ރައީސް
206 މަޝްރޫއުގެ މައްސަލަ އޭސީސީއަށް ހުށަހަޅައިފި
"އަދާލަތުން ތިބީ ސަރުކާރުން ކަންކުރާ ގޮތް ބަލަން"
ދެން ފެންނާނީ ވައުދުވި ގޮތަށް ކަންކަން ނިމިގެންދާތަން
އުމްރާނީ މަސައްކަތްތަކަށް ސަރުކާރުގެ ކުންފުންޏެއް
"ދައުލަތުގެ ޑިޖިޓަލް ނިޒާމު އޮތީ ވަރަށް ބަލިކަށިކޮށް"
ހިދުމަތްކުރަން ލިބުމުން ރައީސަށް ޝުކުރުވެރިވަން:ފައިސަލް
ހއ. އަތޮޅުގެ 10 ރަށަކަށް ރައީސް ފުރާވަޑައިގެންފި