ނަޝީދު އަނެއްކާ ވެސް ލަންކާ އަށް ވަޑައިގެންފި

ކުރީގެ ރައީސް މުހައްމަދު ނަޝީދު އަނެއްކާ ވެސް ސްރީލަންކާ އަށް ވަޑައިގެންފި އެވެ.

ޓެރަރިޒަމްގެ ކުށް ސާބިތުވެ، 13 އަހަރުގެ ޖަލު ހުކުމެއް އައުމުން އިނގިރޭސި ވިލާތުން ނަޝީދު ހިމާޔަތް ހޯއްދެވި ފަހުން ދޭތެރެ ދޭތެރެ އިން ލަންކާ އަށް ވަޑައިގެން އެކި ފަރާތްތަކާ ބައްދަލު ކުރައްވައި، ސިޔާސީ ހަރަކާތްތައް އެ މަނިކުފާނު ހިންގަވަ އެވެ.

އެންމެ ފަހުން މިދިޔަ މަހު ނަޝީދު އިނގިރޭސި ވިލާތަށް ވަޑައިގަތުމަށް ފަހު އެ މަނިކުފާނު އަނެއްކާ ލަންކާ އަށް ވަޑައިގަތީ މިއަދު އެވެ.

ނަޝީދު ވިދާޅުވެފައިވާ ގޮތުން އެ މަނިކުފާނު ރާއްޖެ ވަޑައިގަންނަވާނެ އެވެ. އެކަމަކު ވަޑައިގަންނަވާނެ ވަކި ދުވަހެއް ވިދާޅެއް ނުވެ އެވެ.