03 ޖުލައި 2016
އިސްލާމިކް މިނިސްޓްރީން ސްކޫލުތަކަށް، ތަފާތު ދުއާތައް ހިމެނޭ ޒިކުރު ބޯޑުތަކެއް މިއަދު ހަދިޔާކޮށްފި އެވެ.
އިސްލާމިކް މިނިސްޓްރީން ސްކޫލުތަކަށް، ތަފާތު ދުއާތައް ހިމެނޭ ޒިކުރު ބޯޑުތަކެއް މިއަދު ހަދިޔާކޮށްފި އެވެ.
އެ މިނިސްޓްރީގައި ބޭއްވި ކުޑަ ރަސްމިއްޔާތެއްގައި 36 ސްކޫލަކަށް، އިސްލާމިކް މިނިސްޓަރު ޑރ. އަހުމަދު ޒިޔާދު ބާގިރު ވަނީ ނުވަ ޒިކުރު ބޯޑު ހަދިޔާކޮށްފަ އެވެ. އެއީ ޕްރީ ސްކޫލްތައް ވެސް ހިމަނައިގެންނެވެ.
ޒިކުރު ބޯޑުތައް ހަރުކުރަން އެންމެ ފުރަތަމަ ނިންމީ މި ރޯދަ މަސް ފެށުމުގެ ކުރިންނެވެ. ނަމަވެސް މިނިސްޓްރީން ބުނީ އެ އެއްޗެހި ޕްރިންޓް ކުރުމުގައި ދިގުލައިގެން ދިއުމުން އެކަން ލަސްވީ ކަމަށެވެ.
މިނިސްޓަރު ވިދާޅުވީ ސްކޫލުތަކުގައި އެންމެ ފުރަތަމަ ޒިކުރު ބޯޑުތައް ހަރުކުރަން ނިންމީ، އެއީ ގިނަ ބަޔަކު ވަދެ ނިކުމެ ހަދާ ތަންތަނަށް ވުމުން ކަމަށެވެ. އޭގެ ބޯޑުތައް ރާއްޖޭގެ ހުރިހާ ސްކޫލަކަށް ވެސް ފޮނުވާނެ ކަމަށް އޭނާ ވިދާޅުވި އެވެ.
ސްކޫލުތަކާ ގުޅިގެން ދީނީ ހަރަކާތްތަކެއް ހިންގަން ސްޓިއަރިން ކޮމެޓީއެއް ވެސް އެކުލަވާލުމުގެ މަސައްކަތް ކުރަމުން އަންނަ ކަމަށް މިނިސްޓަރު ވިދާޅުވި އެވެ.
މިއަހަރުގެ ރޯދަ މަހާ ދިމާކޮށް މިނިސްޓްރީން އަންނަނީ ގިނަ ކަންތައްތައް ކުރަމުންނެވެ. އޭގެ ތެރޭގައި ދީނީ މައުލޫމާތު ފޯރުކޮށްދިނުމަށް ޕްރޮގްރާމްތަކާއި ތަފާތު ދުއާތައް ހިމެނޭ ދުއާ ކާޑެއް ވެސް ބަހާފައި ވެ އެވެ.
ދީނީ ހަރަކާތްތައް ސްކޫލުގައި ހިންގާނެ އުސޫލު ހަދަނީ
ދަރިވަރުންގެ ގުރުއާން މުބާރާތް އަންގާރަ ދުވަހު ފަަށަނީ
16 ދަރިވަރުން ތަޖުރިބާ ދަތުރެއްގައި އިންޑިއާއަށް
ޕީޓީއޭއަށް ފައިސާ ހޯދަން ކޮންމެ ކުއްޖަކަށް ފަންގަނޑެއް
ސްކޫލުގައި ބައިވެރިވާން އެންމެ ރަނގަޅު ކުޅިވަރު
ރަށްރަށުން މާލެއަށް 4000 އަށްވުރެ ގިނަ ކުދިން
ރަށްރަށުގެ ސްކޫލުތަކަށް ޓެކްސްޓުފޮތްތައް ބަހަން ފަށައިފި
އިންތިހާބާ ދިމާވާތީ ޓެސްޓު އަވަސް ކުރުމުން ކަންބޮޑުވުން
ރާއްޖޭގައި 12 އަހަރުން ލިބެނީ 8 އަހަރުގެ ތައުލީމް
ދިރާސީ ކަލަންޑަރާ ހިލާފަށް ކިޔަވައިދިނުން މަނާ!