04 ފެބުރުއަރީ 2018
"މިއީ، ކަލޭމެންގެ އެކަނި ގައުމެއް ނޫން، ބޭނުން ގޮތެއް ނުހެދޭނެ" ކަމަށް ވިދާޅުވެ އިދިކޮޅު ފަރާތްތަކަށް ޕީޕީއެމްގެ ނައިބު ރައީސް އަދި ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ މިއަދު އިންޒާރު ދެއްވައިފި އެވެ.
"މިއީ، ކަލޭމެންގެ އެކަނި ގައުމެއް ނޫން، ބޭނުން ގޮތެއް ނުހެދޭނެ" ކަމަށް ވިދާޅުވެ އިދިކޮޅު ފަރާތްތަކަށް ޕީޕީއެމްގެ ނައިބު ރައީސް އަދި ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ މިއަދު އިންޒާރު ދެއްވައިފި އެވެ.
ޕީޕީއެމްގެ އޮފީހުގައި، ސަރުކާރުގެ ބައެއް ވަޒީރުންނާއި ރައްޔިތުންގެ މަޖިލީހުގެ ބައެއް މެމްބަރުންނާ އެކު ބޭއްވި ޕްރެސް ކޮންފަރެންސްގައި އަބްދުއްރަހީމް ވިދާޅުވީ ސުޕްރީމް ކޯޓު މެދުވެރިކޮށް ރައީސް އަބްދުﷲ ޔާމީން އަޒުލެއް ނުކުރެވޭނެ ކަމަށެވެ. އެމަނިކުފާނު އަޒުލުކުރަން އިދިކޮޅު ފަރާތްތަކުން ކުރާ މަސައްކަތް ޕީޕީއެމުން ކާމިޔާބު ވިޔަނުދޭނެ ކަމަށް ވެސް ވިދާޅުވި އެވެ.
އޭނާ ވިދާޅުވި ގޮތުގައި ރައީސް އަޒުލުކުރަން ސުޕްރީމް ކޯޓުން ނެރޭ އަމުރަކަށް ތަބާނުވާން، ދައުލަތުގެ އެޓާނީ ޖެނެރަލް މުހައްމަދު އަނިލް ނިންމެވި ނިންމެވުމަށް ޕީޕީއެމުން ތާއީދުކުރާނެ އެވެ. އެ ނިންމުވުމުގެ މަތީގައި ދެމިތިބޭނެ ކަމަށް ވެސް ވިދާޅުވި އެވެ.
"އެއާ އެކު، އިދިކޮޅު ފަރާތްތަކަށް އަޅުގަނޑު ދަންނަވާލަން ބޭނުން ވަނީ ހޯހޯއޭ، ނަމަނަމަ، މި ގައުމު ހަލަބޮލިކުރަން ނޫޅޭށޭ. އަޅުގަނޑުމެން މިތިބީ ފިސާރި ކެރިގެން ގައުމާއި ރައްޔިތުންގެ ހައްގުގައި ވާން ޖެހުނު ކޮންމެ ގުރުބާނީއެއް ވާށޭ. މިއީކީ ހަމައެކަނި ކަލޭމެންގެ ގައުމެއް ނޫން. މިއީ އަޅުގަނޑުމެންގެ ވެސް ގައުމޭ،" އަބްދުއްރަހީމް ވިދާޅުވި އެވެ.
"މިއީ، ކެނެރީގޭ މުހައްމަދު ނަޝީދުގެ އެކަނި ގައުމެއް ނޫން. މިއީ ގާސިމް އިބްރާހީމްގެ އެކަނި ގައުމެއް ނޫން. މައުމޫން އަބްދުލްގައްޔޫމްގެ އެކަނި ގައުމެއް ނޫނޭ މިއީކީ. ޝޭހް އިމްރާންގެ އެކަނި ގައުމެއް ނޫނޭ. މިއީ ހުރިހާ ރައްޔިތުންގެ ގައުމެއް."
އަބްދުއްރަހީމް ވިދާޅުވީ ގައުމަށްޓަކައި ފުރާނަ ދުއްވާލަން ޕީޕީއެމުން ތިބީ ތައްޔާރަށް ކަމަށެވެ.
އޭނާ ވިދާޅުވި ގޮތުގައި ރައީސް ޔާމީނަކީ ކުރީގެ ރައީސް ނަޝީދުގެ ގޮތަށް "ފިނޑިއެއް ނޫނެ"ވެ. އިދިކޮޅު ފަރާތްތަކުން ދައްކާހާ ބިރަކަށް އެމަނިކުފާނު ޖެހިލުންވެވަޑައި ނުގަންނަވާނެ ކަމަށް ވެސް ވިދާޅުވި އެވެ.
"އަޅުގަނޑުމެން ގެއަށް ވަންނާނީ، މި ގައުމު އަމާންކޮށްފައި،" އަބްދުއްރަހީމް ވިދާޅުވި އެވެ.
ރައީސް ޔާމީން ހޮވާނީ ސަރުކާރު ވަސީލަތް ބޭނުންކޮށްގެން
ބަޑި ޖަހާކަށް މި ސަރުކާރުން ނާންގާނެ: ޕީޕީއެމް
ނަޝީދުގެ މިނިވަންކަމަށް ލީޑަރުން އެދެން ގޮވާލައްވައިފި
އަސްލު ސައިޒް ފެންނަން އަދި ގާތް ވެސް ނުވޭ!
"ޔާމީން ތާއީދުކުރައްވާ ނިޒާމެއް ނަޝީދަކަށް ނޭނގޭނެ"
ނިޒާމީ ވޯޓުގައި އިދިކޮޅުގެ ސްޓޭންޑް ނޭނގި ހިމޭނުން!
"ގައުމަށްދޭ އަނިޔާއިން ޔާމީން ހިތްޕުޅަށްވާ ތަދު ބޮޑު"
"ތެޔޮ ވިޔަފާރީގެ ވާހަކަ ދައްކަނީ ވަހީދު ދެކެ ބިރުން"
ޗައިނާއާ ބެހޭ ނަމަ ދިވެހިންނަށް ހިތިވާނެ: ޝިޔާމް
ޕީއެންސީ ވަރުގަދަކުރަނީ، ޕީޕީއެމަށް ވާނީ ކިހިނެއް؟