އުރީދު އަށް މިދިޔަ ކުއާޓަރުގައި 125 މިލިއަން ރުފިޔާގެ ފައިދާއެއް ލިބިއްޖެ

އުރީދު އަށް މިދިޔަ ކުއާޓަރުގައި ސާފު ފައިދާގެ ގޮތުގައި 125 މިލިއަން ރުފިޔާ ލިބިއްޖެ އެވެ.

އުރީދޫން ނެރުނު، މިދިޔަ ކުއާޓަރުގެ މާލީ ހިސާބުތައް ދައްކާ ގޮތުން އާމްދަނީގެ ގޮތުގައި 490.8 މިލިއަން ރުފިޔާ އެ ކުންފުންޏަށް ލިބިފައިވެ އެވެ. މިއީ، މިދިޔަ އަހަރުގެ އެ މުއްދަތާ އަޅާ ބަލާއިރު 18 ޕަސެންޓްގެ ކުރިއެރުމެކެވެ.

އެ ކުންފުނިން ބުނިގޮތުގައި، ޓޫރިޒަމްގެ ދަށް ސީޒަނާ ދިމާވުމުން ރޯމިން އިން ލިބުނު އާމްދަނީ ދަށްވުމުން ފުރަތަމަ ކުއާޓަރާ އަޅާބަލާއިރު ލިބުނު ފައިދާ ކުޑަ ތަންކޮޅެއް ވަނީ ދަށްވެފަ އެވެ.

މީގެ 13 އަހަރު ކުރިން ހިދުމަތް ދޭން ފެށި، އުރީދޫން ވަނީ މި އަހަރުގެ ދެވަނަ ކުއާޓަރުގައި އެ ކުންފުނީގެ ހިއްސާދާރުންނަށް މިދިޔަ އަހަރުގެ ހިއްސާގެ ފައިދާގެ ގޮތުގައި 428 މިލިއަން ރުފިޔާ ބަހައިފަ އެވެ.