24 ސެޕްޓެމްބަރ 2018
ޕީޕީއެމްގެ ޖަގަހައަކަށް ގެއްލުން ދިން ކަމުގެ ތުހުމަތުގައި ގއ. ކޮލަމާފުުށިން ހައްޔަރުކުރި 18 މީހުން މިއަދު ދޫކޮށްލާނެ ކަމަށް ފުލުހުން އަންގާފައިވާ އެމީހުންގެ ވަކީލުން މިއަދު ބުނެފި އެވެ.
ޕީޕީއެމްގެ ޖަގަހައަކަށް ގެއްލުން ދިން ކަމުގެ ތުހުމަތުގައި ގއ. ކޮލަމާފުުށިން ހައްޔަރުކުރި 18 މީހުން މިއަދު ދޫކޮށްލާނެ ކަމަށް ފުލުހުން އަންގާފައިވާ އެމީހުންގެ ވަކީލުން މިއަދު ބުނެފި އެވެ.
ރިޔާސީ އިންތިޚާބުގެ ކެމްޕޭނުގައި އެމްޑީޕީ އަދި ޕީޕީއެމްގެ ސަޕޯޓަރުންގެ މެދުގައި ޖެހުނު މައްސަލައިގެ ތެރޭގައި ޕީޕީއެމްގެ ދިދަތައް ވައްޓާލައި، ޖަގަހައަށް ގެއްލުން ދިން ކަމަށް ބުނެ އެމްޑީޕީގެ 18 އެކްޓިވިސްޓަކު މިދިޔަ މަހުގެ 30 ވަނަ ދުވަހު ވަނީ ހައްޔަރުކޮށްފަ އެވެ. ޓެރަރިޒަމްގެ ތުހުމަތުކުރާ އެ އެންމެންގެ ބަންދުގެ މުއްދަތު ވެސް އެ އަތޮޅު ވިލިނގިލީ ކޯޓުން ދެ ފަހަރެއްގެ މަތިން އިތުރުކޮށްފައިވެ އެވެ.
GA. Kolamaafushin hayyarukuri 18 beyfulhun miadhu dhookollaane kamah Viligilli Police Station in angaifi.
— Mahfooz Saeed (@MahfuzSayd) September 24, 2018
ވަކީލް މަހުފޫޒްގެ ޓްވީޓް
އެ މީހުންގެ ވަކީލުންގެ ޓީމުގައި ހިމެނިވަޑައިގަންނަވާ މަހުފޫޒު ސައީދު ވިދާޅުވީ ކޮލަމާފުށިން ހައްޔަރުކުރި މީހުން މިއަދު ދޫކޮށްލާނެ ކަމަށް ގއ. ވިލިނގިލީ ޕޮލިސް ސްޓޭޝަނުން އަންގާފައިވާ ކަމަށެވެ. ފުލުހުން އެގޮތަށް އެންގީ، ކޮލަމާފުށިން ހައްޔަރުކުރި މީހުން ބަންދުން ދޫކޮށްލައިދިނުމަށް އެދި ކުރިން ފޮނުވި ސިޓީއަކާ ގުޅިގެންނެވެ.
ކޮލަމާފުށިން ހައްޔަރުކުރި މީހުންގެ ތެރެއިން އެކަކު، ފަރުވާއަށް މިހާރު މާލެ އައިސްފައި ހުރިއިރު ފަސް މީހުން ތިބީ ގދ. ތިނަދޫގަ އެވެ. ބާކީ މީހުން ތިބީ ވިލިނގިލީގަ އެވެ.
ޕީޕީއެމާއި އެމްޑީޕީ ސަޕޯޓަރުންގެ މެދުގައި ހިނގި ހަމަނުޖެހުންތަކުގައި ހައްޔަރުކުރީ އެމްޑީޕީއަށް ނިސްބަތްވާ ސަޕޯޓަރުން އެކަންޏެވެ. އެހެންވެ އެކަމާ އެ ޕާޓީން ވަނީ ކަންބޮޑުވުން ފާޅުކޮށްފަ އެވެ.
ކޮލަމާފުށިން ހައްޔަރުކުރި 18 މީހުން މިނިވަންކޮށްފި
ކޮލަމާފުށީ 18 މީހުންގެ ބަންދަށް އިތުރު 15 ދުވަސް!
ހައްޔަރުކުރި މީހުންގެ ވަކީލުންނަށް ހޫނު މަރުހަބާއެއް
ކޮލަމާފުށީ 18 މީހުންނަށް ޓެރަރިޒަމްގެ ތުހުމަތު
ޕީޕީއެމް ޖަގަހަ ހަލާކުކޮށްލުމުން 18 މީހަކު ހައްޔަރު
ކޮލަމާފުށީ ޕީޕީއެމް ޖަގަހަ އަށް ބޮޑެތި ގެއްލުންތަކެއް
މަޖިލީހުގައި ހިންގި މާރާމާރީގެ މައްސަލަ އިދާރާތަކަށް
ޕީޕީއެމްގެ ވެރިކަމެއްގައި މަގުތައް ނާމާން: އެމްޑީޕީ
ފުލުހުން ވޯޓު ގުނީކަމަށް ބުނެ ކުރީ ފުރައްސާރަ: ރިޔާޒް
ޔާމީންގެ ރައްދު: ފުލުހުން ފޮނުވިން، އެއީ ވޯޓުގުނަން!